¹ Mukona osi yesu epe’bani alukwa mudi tuderi imbi rii, ozwe lu’ba ririsi awiri athi juru nia al ofo alukwaro oluri yesu awiri rusi kondu koki aka. ² Yesu e’yo lu’baro, ke’yo inya akao ti’bani oli’ba kewe lu’ba ko’du tho, iya ile imi ambu athe ani kozwe‘bani alukwa oli’ba awiri ambwo. ³ Ivo ile mozwe amini esu indi nini olo nia. ⁴ Nondu lokombaro gururi nozi toku, iya meke de pari nga, nondu ‘banani nimothoku lethisi. ⁵ Iya ikwi‘ba alara, athirisi evo ta kwe athu oriri kolu jo inira. ⁶ Iya mo’di nitha naa, amiri athu o’busi kolu lagoro, iya kewe athu nani o’busi kengwi amira bule. ⁷ Ichaka ta jo nanira, inyonya imbombu nga o’du’ba okwe aminio. Di a’dusiku eburi mo’di sana okwe awiri e’buri ngani okwe, nondu awe chaku ‘ba olukwasi. ⁸ Iya ikwi juru alara iya lu’ba ai amio, inya ta nga o’du’ba okwe amiri andao iki. ⁹ Idi ‘bani ombwe’ba o’du’ba kichaka na, ena lu’bani odo ori esao amini wa opopia. ¹⁰ Iya ikwi jurwo alara azi ‘banani naki adi ai amiku. Ivo ta lethisi juru nani rika evo ta, ¹¹ Inga amiri juru rika o’du’ba muthou iki wi ama moyoyori kale ani kilemi ami ti inoni odo ori esao olwa amiro. ¹² Menari amini odo ini sodomari e’yo nolizo kope juru iniri ari nolizoni. ¹³ Ata korajina! Ata betesaida! Iya sana e’bu namba o’du’ba oweu amiri agaga iki sana owe turo ai sidona banana k asana ogona ufu airi asidio, lu’ba kolu othasi kuthori mekeni aza rikani kuweri kuroni. ¹⁴ Ti o’busi ari turori ai sidonaro o’busi arika oli eperu kope amikani olini. ¹⁵ Ani mi kaperanauma, noni odo o’busi imbari imba twe oruna kewe, ti mi o’busi ozozi ofo ninjwia. ¹⁶ ‘Banani amini eri’ba iki, keriri mani, ‘banani amini oga’ba, koga mani. Iya a’dioga mani, lago koga mo’di mani ezwe ri inini. ¹⁷ ‘Banani mudi tuderi imbiri iki engwi bule asidi ri oforo, ke’yo odo, osi ori iya mena miri ru. Ju oyuru nijwi koru amani oru. ¹⁸ Osi yesu aka lu’ba ke’yo ma ande satani ebu bwa oru lelesi twe titi isu buri uvue zonini oru. ¹⁹ Inde ta menari amini akwe amini agao, ani itho ini ai ithoni ro, ani kope ambamba lii eregori, nga ala kewe oluri kolo amini, ²⁰ Ti kwe amiri aside kondu ofoku e’yo odo oyuru ninjwi koru amani oru, ti amiri aside kofo di a’dusiku amiri ru ogweo oruna. ²¹ Dingi nanira yesu ri aside oga twe oyuru nithasi ke’yo odo miri inga ile mari athasi, osi oruri angwi buri, di a’dusiku ipe ari ileki ‘banani ambakani angwi ‘banani e’yo noni’bani mi nena onyu’duni, iye atha mi iwe ile, konderi osuru mini, ²² Mari atha aka mani ngalio, mo’di ala adi oniku, iya ma ngwaa a’di ti mari atha konini. Angwi ‘banani adi oniku iya athima a’di, ti ma ngwaa moni ma al’banani o’du’ba mepeo, ani mena lu’bani mari atha. ²³ Azi yesu kufri awiri bani ra o’du’ba koviri awini kenari lu’bani kozi, odo’banani o’du’ba onde nga o’du’ba indeo ileki aside ka kofo twe. ²⁴ Menari amini odo’banani e’yo noni’ba a’biru ai opiro a’biru kondu sana ai kondo nde nga amiri ondekana ileki ti lu’ba adi ondeku, kondu keriri eri nga o’du’ba nerio ileki. Ti lu’ba eri’doku. ²⁵ Inde azi’banani mose rika e’yo noni’ba konga oru twe titi kondu yesuni ozini odo mo’di riniri mowe a’duni ani mai ofu oluri twe twe? ²⁶ Yesu aka kozi lagoni ke’yo nga a’dwi o’du’ba ogwe charari, mi nelwa a’dunga akanyo? ²⁷ Mo’di mani azi kakari ke’yo ogwe ibebio ke’yo sana niyeri iye miri osi ori, miri asidisi twe lii, angwi miri itindiro lii, angwi miri ambambaro lii, miri e’yo mengoro lii, angwi sana niyeri iye miri o’di esu miri runini. ²⁸ Yesu aka ke’yo lagoro, mi naka twe osuru. Wowe nga ileki, ani no’do’du de ani nololu itharu. ²⁹ Ti lago kondu runi ithuni, azi kozi yesuni ke’yo a’di mari mo’dini? ³⁰ Yesu azi kakari lagoni ke’yo mo’di ala kosi bwa yerusalema koki yeriko, lago o’de erori dia, era meke mo’di naniri kale, azi kongwoa mo’di nani, azi ero naki kofo ayi mo’di nani ithithi odaro. ³¹ Olu ile mo’di e’yo noniri koki lethi nanisi. Awiri mo’di nani nondesi, azi lago koleri bidio. ³² Angwi ele lewigo azi kosa lago nanira azi koleri bidio, ³³ Ti samaria go awiri okile lethi nanisi azi kosa mo’di nanira, titi azi mina ko’bwa lago nanisi, ³⁴ Azi koki mo’di nanira, kori athoni echu ai binyoru, kori uchu bina azi kumberi madwesi azi kongi lago nanini awiri’bure nidi. Azi kosi omuri jo, ke’yo jo athero ile nde mani mo’di ileni twe osuru. ³⁵ Airisi azi lewigo kenuri guruni kapileri azi kokwe jo atheni, ke;yo iya nidi o’do alukwa akao, o’busi iya mengwio mokokwe mini. ³⁶ Iya ile noni ne’yo ‘banani na ileki ingoni ithanani ‘banani na ilekira oluri owe itharu. ³⁷ Azi kakari ke’yo ileni oluri mina obwa twe yesu azi ke’yo lago naniro ki we ile. ³⁸ Yesu ri okisi ai awiri ‘banani rovi’baro lu’ba osa ofo alara, mo’di nizi ala mangeri marata azi kairi yesuni awiri’ba. ³⁹ Marata awiri ambungaro runa maria, oluri ori yesuri pa arini eri o’du’ba yesu ko’yo’yo. ⁴⁰ Ti marata konga runi erusi twe azi keki yesu ra, kozi yesuni ke’yo osi yesu miri mi o’bwa masiku mari ambunga oyi ma ebu nonga twe‘dute! Momi mini ena maria ni keki mani ivu e’busi aro kaleo, ⁴¹ Ti yesu aka marata ke’yo di a’dwi nonga arini twe otharo, ngani a’busi. ⁴² Nga alube oluri ondondu ti, maria epe andani intha oluri o’busi onu kale ku awira lelesi twe nyonyo.