1 Banana romiaba lii onga azi luba kozi yesu ni pila to ri anda. 2 Azi luba kichuluri yesu ni okani konga lodoni keyo mesu lagoni kole ari juruni kuriri bananini ani kondu kaisar ni mochoro nokwe ku angwi keyo odo awi awiri rusi awi masia oluri modi nagwi. 3 Pilato ozi yesu keyo mi awi ile oluri agwi yudayakiri nani? Azi yesu kakari pila toni keyo I yomi ile. 4 Pilato azi keyo banana ori noniba ro azi agwi angwi banana romiabaro keyo lagoni adi mesu ngani injwi ala akaku oluri iruri lagoni ru, 5 Ti luba kiridiri twe ouru keyo rinina kingari yudayari banana lii kichuluri galilaya ai ofoniro. 6 Pila to ri ari naki nerisi azi kozi iya yesu galilaya gona. 7 Awiri rinile na yesu kolu juru oluri erode koluni modi nagwiru azi pilato kozwe yesuni erodea erode kulu ofo oluri ungweri yerusale ma olu nani ra. 8 Erode ri yesu nondesi lagori aside ofo twe ouru di adusiku olu twe oluri sana awi kondu yesu ni ondeni. Di adusiku awi eri yesu ri ari twe ozi olu azoru, awiri ngani owe oluri kiruri bananini nga oduba awiri ngani owe oluri kiruri bananini nga oduba yesu oweo. 9 Erode ori yesu ni uzi twe ari awiri erikana ikisi, ti yesu adi aka erode ku twe nyonyo. 10 Banana oriri eyo nongaba ai agwiro azi mose ri arini niba kedena keyo twe airi lodoro ani kobu yesu ru ari ninjwia. 11 Angwi erode awiri lesiri baro kori agwo ajwalasi kori yesu ni atho meke di budi na gwesi azi kozwe yesu ni pilato rana. 12 Ininaisi erode pi ai pilato ro oruru beroru di adusiku andana thobero ka kewe twe nyonyo kodu eroru 13 Azi pilato kun gweri agwini eyo noniba ai banana arini oyabaro oduba kakaku banana ro ofo nalube. 14 Pilato azi keyo nezi lagoni mari anda neya lago kuleri bananini, iya ile mendu arina amiri anda adi mesu ngani enjwi alaku oluri I’yari lagoni ru oluri neli lodona ru iki ani oburu 15 Erode angwi adi esu ngani injwi alaku lagori anda. Di adusiku ezwe lago maniwa adi esu ngani injwi alaku runa oluri kododi lani ida. 16 Iya ile andu mokwe lagoni ombale kelisi azi oyi lago ni. 17 Iya kosa nyeni nyeri inio pilato sana ketwe ri modi alani alube lubani. 18 Banana nabi lii ori uzwa twe oru keyo igwe lago ileni etwe amani baraba. 19 Baraba oba jo rwile lesiri eyosi oluri kesi banana bu noruba rikaro angwi ari awiri modi nida ri eyosi. 20 Pilato ori aria lubaro ani sana koyi yesu ru kale. 21 Ti banana naki ori uzwa twe oru keyo kwe yesu epa kwe alakana ra kwe lago epepa. 22 Pilato ozi luba duru na keyo di adusi? Injwei adwi de injwi adwi oluri lago oweo? Adi nga alaku oluri injwina lagoni idazo iya ile andu mokwe lagoni ombwale ani oyoyi kale. 23 Ti luba kiridiri twe ouru kuzwa oru olile na gwisi keyo kwe lago epa kwe alalkana ra lubari ari niridi ozwa pilato na kale. 24 Azi pilato koli arini keyo nga oduba luba kondo ndu iki ba owe lubani. 25 Azi pilato ketweri modini oluri luba kondo ndu inini jo lelesi oluri oba lago aka awiri opi nesisi ai juru norubaro kiru azi pilato kokwe yesuni lubani ani ozi epale kwe alakana ra. 26 Lesiri bani ri yesu nozisi angwe azi luba koru simonani oluri keki kurene oluri eki kale jururi lelesi, luba ongi kwe alakana ini simona ri ogwo ani kogu yesu ri bwa. 27 Banana abiru twe kozi bunani ikuro abiru oduba kuthiri agani kowuri yesu ni. 28 Yesu azi konde iku nakini keyo ami iku ileki yerusalema rika nondu mani owuru ti owu amiri ru amiri oonyuduro. 29 Inde ta ini obusi kekeki oluri banana keyo banana oduba adi othiku kolu aside ri oforo oluri konderi adi aka othiruku, an gwi adi ibaka onduku twe nyono. 30 Obusi banana keyo bero odo edeta amani di angwi keyo ami wekeke umo ama. 31 Iya banana kowe nga ilekini azi adi kwe kolu ebiru obusi adunga owe anyo iya kwe na oawe una 32 Banana alukwa kapileri oduba mwori banana omia yesu ro ofo nalube idale. 33 Dingi oluri luba osao ofo ungwe kana di nulile na azi lesiri ba kori lubani epa kwe alakana ra yesuni epale banana ninjwi ilekiro, yesu agaga banana injwi ka ri ileki ala dini intha ala legio. 34 Yesu azi keyo odo mari atha yi lubari injwi kale luba adi oniku nga airi owekana ileki. Azi lesiri ba kori yesu ri losuni api luba kongwa tengweni de adi kozini. 35 Banana abiru kede na ande: banana akuba oduba kuyuyuri arini azi kori agwo kogu yesuni keyo yesu kepari banana alukwani kwe lago kepa awiri ru iya awi masia na oriri ngwoa oluri awi epeo nani. 36 Lesiri banana angwi ori yesuni ogu azi luba kevo yesu ra kokwe iwanina ngani. 37 Keyo odo iya mi osi nagwi yudayaki ri epa miri ru kale odalelesi. 38 Ogwe kwe alakana ra lagori dio odo ani osi nagwi yudayaki ri. 39 Azi ogu ala oluri epa yesu ro ofo nalube riki kori yesuni ogu keyo odo iya mi oriri ngwoa oluri ungwiri masia epa miri ru amaro lii. 40 Azi alani kori nanini twe ouru keyo irungaku ju oriro twe? Mi iringari mini esu awini iringa zonini. 41 Iringari ani twe angwi okwe ani nga oduba akoweo ani modi ileni oluri adi owe nga alaku oluri injina twe. 42 Azi lago keyo yesu ro nondu asa maroku iya nekeki opopia na. 43 Azi yesu kakari lagoni keyo ma menari mini odo ininisi andu akodu atu ofo nalube ambu agweri inira, oluri oriri nara. Nondu nga noruku ma miro 44 Ini nanira olu ithunia bu pi otha inigoru, osa twe thekeli na orula nara, 45 Thekeli oli azi kumori budi bngo oriri jo napizo achiri kapileri. 46 Yesu azi ku zwa ouru olile nagwisi keyo athima,akwe mari itindi miri diao, awiri eyosi ile azi kithokori. 47 Modi nagwi lesirina ri ondesi oluri koru lesiri banana oduba ronva ka kosa musa mudi muduri, azi kifufurari orini keyo odo ini anio modiri ngwoa oluri kede tiriri. 48 Banana nabi oduba omiari na airi nga naki nondesi oduba ongario naki, azi luba kongwi basi kuthiri agani. 49 Ti awiri bero ai ikuro oduba keviri awini iki gali aya riki kede twe odi nga nakini onde oduba ongario naki. 50 Iya ile modi ala aka runa yosepa oluri keki yudaya ri jurwo ungwe kana arimataya lago onga lodoku. 51 Modi nani oluri adi aka lubari ariku airi eyo nengoro, lago kengori keniri opopi oriri nani. 52 Azi lago nani oki pila to ra yesuri odari ini ri rune mi. 53 Azi lago kengirii yesuri runi bwa kwe alakanara ri lelesi azi kumberi budisi de bongo oluri ithana twe azi kola budio oluri evari oni lelesi oluri adi isi modi ala akaku twe nyonyo. 54 Ini oluri obao ini tuderi zo nichulule. 55 Iku oduba omiari yesu ro ofo nalube galilaya ri naki kovi bu nani, luba azi konde ofo obale ri inini lagori ru. 56 Azi luba kengwi ba athoni oji oluri kongu twe Osuru azi atho onguri vo ini luba ori ovwa ini tuderi si esu oyozo nini.