¹ Ti lakari inisi yudayakiri rina, ikwoko risi buri owile, iku azi kofu budio luba kozi athani oluri kongu twe Osuru oluri luba ithe the nao. ² Luba ovo esuo oni olikaleo kuluri thi lelesi. ³ Ti lubari okwile gulunia, luba ri okwisi guluo luba adi esu osi yesuri ruku. ⁴ Lubari ngani orusi, azi banani kapileri oduba otho meke uveba twe naki, azi kefu lubari anda. ⁵ Iku naki azi koru ngani lubari ondesi okwe luba odi di bwa twe ngani orusi azi banani ri naki kizi iku nakini keyo adu nondu anyo awi oluri kadadi oda bania? ⁶ Lago wa kiwo, ongao oda lelesi, ingo inita lagori ari oluri ena aminio awiri olusi galilayana, ⁷ Keyo ngwa modiri sana oi banani ninjwi ridia ani epa kwe alakanara. Ini nari muko azi lago konga odalelelesi. ⁸ Azi kiru luba kengori yesuri arini awiri ocho kana iki. ⁹ Airi engwisi culu lelesi azi luba kenari ari nakini awiri banani ai banani alukwaro lii. ¹⁰ Iku oduba ena ari naki banani yesuri uzwekana, iku naki riru ala maria oluri keki magaala lelesi, ala riru yoana, ala ruru maria yakobori ande. Iku oduba kichaka lubaro iki angwi keyo ile ¹¹ Ti nga airi enakana iki onde esu ebu akori kaniki, luba adi akaku twe nyonyo . ¹² Azi petero konga oru kidemari gulu, azi kowo bwa kelari guluni, konde mekeni oluri ungweri bongo okulu dulewo, azi petero kengwi bule awiri ba orunga twe nga awiri onde kanasi ¹³ Ini nanisi banani eyo noniba kapileri ovo ofo alara oluri ungweri emau, oluri kichuluri yerusalema oluri maileka kosa azia. ¹⁴ Luba kungari arini airi rwo ari oduba efuo iki ¹⁵ Airi ari nongari azi yesu awiri rusi keki lubiri aga ovo lubaro ofo nalube. ¹⁶ Azi lubari mi kumori kondu ngani ondeku, ani kondu la goni oniku, angwi kondu lagoni ondeku ¹⁷ Azi yesu kosi lubani keyo nonga aduni amiri ovosina? Azi luba kori ede konde ngani andaka kodu aruriba ru. ¹⁸ Lubari ala runa keliopa, kozi lagoni keyo mi ala oluri kathe yerusalema na oluri adi oniku, nga evuba nariki ani nakira ¹⁹ Azi kozi lagoni nga adwi oduba efu nari ikikoluwi, yesu najereta rina oluri anda kolu modi eyo noniri ambambasi twe aria ai eyo noniro oriri anda ai bananiro ri anda lii, ²⁰ Bani ebu nonga ba oriri jo ai agwiro azi ari noliba oduba kakaku luba okwe yesu ri ari olii ani ida kale, okwe epale kwe alakara. ²¹ Ti anda moni meyo keki yisarale ni epa. Ileki nia ini iniri nazo ari ileki ri efule . ²² Banani alukwa oduba amaro iki iru ama twe iku naki ofu budio. ²³ Ti luba azi kesuri runani azi luba kengwi bule, keyo odo ama ande malaika go efu amani oluri kenari amani odo yesu ongao ni kololu kande nde. ²⁴ Amari banani alukiwa ovo gulwo, luba esuo esuikuri rena zonini, ti adi luba onde yesu ku twe nyonyo, ²⁵ Yesu azi keyo lubaro ami oduba oni nga aluku amiri asidio nga lii oduba anda ena aminio iku. ²⁶ Olu eyo naki niki, kure, yesu sana kebiri ebi eyo naki ani kokwiru ofo nit ha kure? ²⁷ Azi lago kori ena lubani oriria ri oduba ogweo oriri ibebio ki chuluri mose ra ai banani eyo noni baro lii ²⁸ Dingi oluri luba ithithi osaro wo, ofo oluri luba kovo aka inira lago oweru kede modo awi kofu athi. ²⁹ Azi luba kori lagoni, athe amaro wa bu ithithi onirowo, ithu okou, lago okwi jo athe lubaro ³⁰ Dingi oluri lago ori bwao ichaka lubaro ofo nalube, onya lubaro azi lago kenuri munjani azi koba athuni aka kori uthina kokwe lubani. ³¹ Azi lubari mi kopiru luba azi koni lagoni kiru azi lago kegwe lubari anda lelesi, ³² Luba ori runi uzi adi ari aside umburi kure awiri eyosi aro lethina, awiri renasi ani oriri evo ani oduba ogwe bwa naki oriri ibebio. ³³ Azi luba konga oru thekeli nanira, luba azi kengwi yerusalem luba evo esuwo banani awika rinikana iki muduri imbi ri iki omiaru ofo nalube ai banani oduba kolu airo ofo nalube iki. ³⁴ Kungari arini odo oriri ngwa ongao oda lelesi, efuo simone ri anda. ³⁵ Azi luba kori ena ngali oduba efu aini lethio na angwi airi onio awiri munjani uthile sa nanira. ³⁶ Banani inikaana kapileri kovoviri iyo nakini, yesu awiri rusi azi kede lubari agaga nia, keyo lubaro odo kwe embi kolu amiro. ³⁷ Ti azi luba oru nga twe, kengori odo, ai onde oyuru modi ri oluri odao ³⁸ Azi lago kozi lubani adu noru ngani? Adu nololia amiri asidio. ³⁹ Inde mari dii ai mari paro ini mai, ilo ma oloo, ini ini oyuru iza ako ai kwaro, esu ameri onde zonini odo ma moluro ⁴⁰ Dingi oluri lago eyou nani azi kenari lubani awiri dini ai awiri paro. ⁴¹ Ba naki esu ambaru onina odo yesu awi, di adusiku lubari aside ofo twe airi arusi, azi yesu kozi lubani, ami nga alaroa onyale wa? ⁴² Azi luba kokwe lagoni ebi ningwa alani oluri ipitao. ⁴³ Azi yesu kenuri kori onya lubari anda. ⁴⁴ Yesu azi keyo lubaro, ma anda mena aminio mari olusi amiro na, nga oduba ogwe ibebio mose ri kakoko si, nga banani eyo noniba ri ai saumaro iki sana ongonga, nga anda mari enakana iki ai wi. ⁴⁵ Azi yesu kinjiri lubari eyo nonini, ani koni oriri ari ogwe kana iki. ⁴⁶ Azi yesu keyo lubaro odo ogwe wi keyo masia sana kebiri ebi, ani kongo nga oda lelesi ini nari muko. ⁴⁷ Ani banani konga lari ari ofo leli kickuluri yerusalema odo banani kufu aside ani lubari injwi oyoyi kale. ⁴⁸ Inde ari ileki olii ani novovi banani ari ileki. ⁴⁹ Iya ile inde ta andu mezweri ezwe amini nga oduba mari atha aka okwele manio iki sana nathe iinia, iya atha aka okwele manio iki sana nathe iinia iya atho amiona ambamba oruri nasi oluri keki athara lelesi. ⁵⁰ Yesu ozi luba ithithi betenia ro, azi yesu kozwe dini oru ki thuri lubani ⁵¹ Dingi oluri lago kithuri lubani nani azi yesu koyi lubani azi airi yesuni oru. ⁵² Banani naki azi koso anyani bwa yesu ni oru, luba azi kengwi bule yerusalema aside ri oforu twe. ⁵³ Luba ozi airi olu lu oriri jo kifufurari orini.