1 Iya ile nyeni nye munjari oluri si de longa ako kolu ithithi ro, nyeni nye nani ungweri pasaka. 2 Azi banana oduba ebu nonga ba oriri jo aiagwi alukwaro azi kakoko ari riniba mose rika kondu lethini yesuni idazo di adusiku luba koru banana. 3 Azi oluni injwi satani kokwe yudari olwa banana yesu rika eyo niniba muduri imbi rii iki. 4 Azi lago koki. Kori ari nonga banana oriri ebu nonga ba, ai agwiro oduba kothe oriri joni, iya kolu ingo leni, ani kowe yesu luba nakini ridia ani luba kida yesu kale 5 Lubari aside ofo twe, ombu le, luba azi konya loko lokoni, ani kokwe yudani odo de gurusu. 6 Azi yada kakari gurus naini ani kondu thekeli nit ha oluri banana abiru kewe ani kokwe yesu banana nakiri dia idale. 7 Ini oluri nyeni nye munjari oluri longa ako inina orio, oluri uliri indi go niru pasaka ri. 8 Azi yesu kozwe petero pini ai yoane ro, yeyo odo izo ami iba ani onya pasaka ri intharu onya pasakari, ani ako nyanya. 9 Azi luba kozi yesuni nondu moba ingo? 10 Azi yesu kakari lubani keyo inde ami dingi oluri isao ofo nanra andu nesuri modini oluri ko gu ejani iviri. Izwi lago bwa awiri jonia, oluri kokwi aka nani. 11 Ena jo atheni neyo modi nagwi kazi odo, in go jo omuri oluri ma mari banana ro nani oviba ani andu anya nyeni nye pasaka ri aka? 12 Andulago kenari ena amini jo agwiru oluri othu aka oru oluri ol ao iba nga lii aka? 13 Azi luba kovo esu nga lii obao esu yesuri rena zonini azi luba koba ngani lii onya pasaka ri. 14 Dingi oluri odio de esao, azi yesu kori bwa awiri banana uzwe kanaro ovo nalube. 15 Azi yesu eyo lubaro, ma aside nitharo onya amiro onya ilenira oluri ungweri asaka amiro ofo nalube kusi adi ari ebioku. 16 Di adusiku menari amini meyo ma obusi anya alaku twe nyonyo, ani ari ileki obusi kusi enao ani obusi owowe opopi oriri nara. 17 Azi yesu kenuri lo aweni azi kokwe athuni orini keyo odo waita ami lii amiri rusi imbu. 18 Di adusiku ma menari amini meyo kichuluri ilenini ma obusi ambu iyiku ai kweri oaro, kothe iya opopi oriri ekiona. 19 Azi kenuri munjani kokwe orini aside ri ofoni, azi kori uthi kokwe lubani keyo ini mari ru oluri okweo amiri eyosi, iwe ile amiri mani engozo nini. 20 Dingi oluri luba onyonyao angwi azi kenuri ithweni keyo iyi ithukana oduba itikwe inira iki kulu romia nunwe oluri oba aminio ai mari eriro oluri ochu aminio 21 Inde koyi modi mani okweri idale ini ama mosudini lagoro ofo nalube. 22 Ye ma modiri ngwoa si mokoki kale bu inira lelesi, esu okwe zonini. Ti kolu injwiru modi mani okweri inini ani ida kale. 23 Aziluba kori runi uzi iya airi ala adi nga ileni noweri twe injwiru esu ilenini. 24 Angwi azi yesuri banana kori ocha airi rusi iya adi andu oni anyo modi nagwiru ai nia rusi iya adi andu oni anyo modi nagwiru ai nia lelesi. 25 Yesu azi keyo lubaro agwi buri kaki koru banana oduba bwawa, banana aini oruba ungweri opi banana noruba airi dula. 26 Ti eyo ileki kondu olu ileku amiri agagania, kombo awi oluri agwiru aminia ani, kolu modini ngwoa ru, kwe modi oluri kozi konga ebuni esu ngwoani ngwoa nini. 27 Adi agwini awi oluri ori onya iniku ri, de modi oluri engari enga ngona oluku esu oriri onya riniku re? ti ma molu aminia esu modi ebu nongarini nini 28 Ami oduba nebe mari olunamba nia iki. 29 Iya ile esu mari atha ri opopi nokwe zonini mani, angwi andu meperi epe amini. 30 Ani inyona onya ai omburo maro ofo nalube mari opopinia, ani iri gara opopi rinara, ari noli lethi muduri imbi ri ikira yisaraele na 31 Simona, simona, inde oluni injwi satani ozi ami ani konga ami esu inya nini. 32 Ti ma ari romio miri eyosi ani miri eyononi kondu osi buleku. Iya ile miri rufusi izi miri adi izi twe ambaru. 33 Azi petero kakari keyo osi ma mepe ruo romia miro iya obale jo banana nuile de idale, 34 Azi kakari petero ni, menari mini odo aulogo andu kiwulugo iwulogo ininisi andu azi noga mani dale na neyo adi animiku. 35 Azi yesu kozi awiri banana awiri inikana keyo mari amini ozwesi na lokomboro ako odori de gurut lokomboro pi ai kasa rona, ami nidu thao nga alasi? Azi luba kakri yesuni keyo kewe adi mi duthaku ." 36 Azi yesu kenari lubani ti ilenini oluri awiri loko mboro de oboko odori gurut lago kozi, awi oluri para ako lago kige awiri meke kale ani kege pararu. 37 Menari amini onga oriri eyo ogwekana ikira keyo lago olwa injwiri baro ofo nalube. Ari ileki sana owowe mani di adusiku nga lii oduba ogweo mari eyosi iki ile koweri owe. 38 Azi luba keyo odo osi yesu inde para wi rii azi yesu keyo lubaro nga ileki de ari ileki odio. 39 Azi yesu koki be jei tun esu ini lii rina nini azi awiri banana awiri inikana kovi la gori buni. 40 Dingi oluri lago osa ofo nani rao, keyo lubaro odo, irita romio, ani injwi kondu eki Amira ku. 41 Azi yesu awiri rusi konga lubani lelesi odi ga kejo esu oni nobuzo nini aka, azi yesu koso anyani bwa kori romio. 42 Keyo mari atha, iya nondu ondu nu kale lo awe azarina nari anda lelesi, kondu oluku esu mari ondu zonini. Kwe owe esu miri ondu zonini. 43 Azi malaika go kefu oru lelesi yesu ra keyo olu ambaru. 44 Azi yesu kori ebio awiri asidisi, kori romio twe ombasi, azi yesu ri ru kori obwa iyiru kochu bwa esu eri nini. 45 Awiri ongasi oru romi lelesi, kori engwia awiri ba nakira, eki oswo luba koko onu ni aside ri azasi twe. 46 Kori luba nozi di adwi nook onuni? Ingo oru iri romio, ani aza kondu eki Amira ku, amiri rwo. 47 Yesuri oria eyo azi banana twe abiru kesa modi ungwe kana yuda aluri ala yesuri banana inikana muduri imbi rii iki keziri eroni Azi keki yesuri aga kinothori yesuni motho ni thasi twe. 48 Azi yesu kozi yudani, mi nimothori mani athusi twe ouru ani ikwe ma modiri ngwoa idale re? 49 Dingi oluri banana ichaba yesu ro iki konde nga oduba andu ongo nga naki azi luba kozi yesuni keyo amari osi kwe agoga tholusi? 50 Azi lubari ala kegari opigo modi na gwiri bini dini ithari kale. 51 Azi yesu kakari keyo yi ta odio, azi yesu kolo bi opigo nani rini kori edwe. 52 Azi kiru yesu kozi banana ebu nonga ba oriri jpo naki ai agwiro oduba evo yuda ro iki, ami nevo tholu ro thure na gwiro mani oru kede modo ma arari modi re? 53 Mari olusi amiro ini lii oriri jo na adi iru maku iya ile ini amiri thekeli angwi omba ileni inigo rina. 54 Azi luba koro yesuni kozi lagoni angwe, azi luba kozi yesuni modi oriri ebu nongari ini ringa lagori ba azi petero kozi yesuri buni, kawe odisi. 55 Luba naki ori asini uvv bari agaga, azi petero kori ichaka lubari agaga. 56 Izonga ningwoa ala kori petero nonde ichaka asiri ofole azi kori petero nonde twe ambaru, keyo petero oluo yesuro ofo nalube. 57 Azi petero koga ngwoa niniri arini keyo adi ani lago ileniku. 58 Sa alara kediru angwi lagoni ngwoa ala konde petero ni keyo odo mi ala yesuri modi, angwi azi petero kakari lagoni ngwoa nanini keyo mi lagoni ningwoa ileni ma awiku. 59 Mukona ozi thekeli alube azi modi ala kiridiri twe ouru keyo lagoni kolu ofo nalube yesu piro, di adusiku lago galilayari. 60 Azi petero kakari keyo lago ileni adi aniku aniku ari amiri oyokana iki titi petero ri eyosi. Azi aulogo kichira. 61 Azi osi yesu kufuri konde petero ni petero ori ari nakini engo yesuri oyokana iki, kusi adi aulogo ichira ku ini ilenisi mi obusi noga mani oga neyo adi ini maku. 62 Kiru azi petero kekwi langwe kori owua twe ouru. 63 Banana yesu no theba iki kori yesuni ogu de onye, kori ibinya kelisi. 64 Banani otheba naki kori minani umo kozi yesuni adi ombwa mini? Ingo eniba. 65 Atheba naki ori nonga twe abiru oluri ilawuri yesu niru. 66 Dingi buri owisi agwiri romia le banani oriri ka ai agwi juru riro azi banani arini riniba ai mose rikaro luba omiari ofo nalube. 67 Azi yesu eziri lubari anda ari na noli. Azi luba kozi yesuni mi oriri ngwoa? Ena amani, yesu aka keyo iya mena amini ami nakaku. 68 Angwi iya azi ami andu naka maku. 69 Iya ile kichuluri ilenini angwi athina ma modiri ngwoa si obusi korori oriri anda amba mbasi dini itha. 70 Luba lii azi kazi mi oriri ngwoa? Azi yesu kakri ami nenao odo ma awi. 71 Azi luba keyo akondu aduni ari ilekira iya akoni ona esu ileki niki, arirusi akeri yesuri ario ekwiba lagori thio iki.