¹ Yesuri mi nolesi, azi konde mode oluri ukwaro inini kobu okweni airi oboko oluri oriri jo oluri okwe obu aka ² Azi konde modi izina nanini oluri esu nga alaku oluri erebi ako, awiri milin kapiri, nobule. ³ Yesu azi keyo odo, menari amini meyo, modi ini oluri nga ako angwi embo okwe twe ouro koe banana lii. ⁴ Di adusiku luba lii enu okwe aika ukwa ri kuthia ti modi ni izi, enu okwe awina awiri embembo nia. Lago okwe guru awika lii onyari kaki. ⁵ Kadedethe alukwa keyo oriri jo nani ibebetha onisi aduba agwika twe ai okwe oduba ororu obaka na oriri jo, azi Yesu keyo odo. ⁶ nga oduba nondonde ileki, ini ile obusi kevovo oluri oni ala alube obusi oyiku wa alani di oluri obusi obuku bina. ⁷ Azi luba kozi Yesuni odo modi riniri, nga ileki obusi olu ingoleni? ⁸ Azi yesu keyo odo enjoja ondu amini oleku. Di adusiku banan obusi abiru kevevo mari rusi, keyo odo al ma yesu, angwi odo ini ile ithithi ekiro, ti nondu lubani oviku. ⁹ Amiri rerisi ari naki lesiri al oyaro naki nondu nga noruku, di adusiku di adusiku nga ilke sana owowe, ti sana adi esaku titi ¹⁰ Azi Yesu Keyo lubaro odo juru ala obusi kesesi ai juru alaro, opopi ala obusi kesesi al opopi alaro. ¹¹ Buri royo nagwi obusi kolu a, angwi aza nagwi ai viro obusi kolu ofoeli dutedute, azi nga riruzo ai nga onde kanaro agwikaru obusi kolu a, oruna. ¹² Ti athirisi kusi adi nganaki oweku, obusi banana oru amini oru, kizari amini, azi kozi amini jo room minezo, al jo banana uile, azi obusi ozi amini agwiri anda ai bu norubaro, mari eyosi. ¹³ ileni obusi kolu amiri anda nitha, ari nitha nenale. ¹⁴ Iya ile iba amiri asidio odo ami obusi iyeyeri Iyeye, athirisi da iya obusi nakari ingoleni banana naki. ¹⁵ obusi ma kokokwe amini ari al eyononiro oluri amiri ero ileki, obusi odiku amini ori de oleku. ¹⁶ Iya ile ju athikipi al andikiro azi adiki amiri odiro amiri berero, obusi kozi amini ari nolileri ofo obusi luba kori amiri alukwa ni ida, ¹⁷ banana lii obusi koga amiri oga mari rusi. ¹⁸ Ti obusi amiri bi ala kewe oluri kegwe gwe. ¹⁹ iya need ambaru rebina dingi azoru obusi ami nopope amiri oyuru nepale, ithanasi ²⁰ Ti iya obusi inde Yerusalema nakeo erosi, Iya ile inoni odo rosuna ithithi wo. ²¹ Obusi banana oduba yudaya naki kongi be nia, kwe luba oduba iinia de juru nia riki kokwi kale, angwi banana oduba ithithi riki kondu okwi anaku. ²² Di adusiku thekeli ini injwini ingwizo; a ni nga ogwekana oki kododi. ²³ Ti kolu ingwiru banana oduba aro iki, angwi oduba kinduri indu ileki, ini nakira obusi ithure twe agwiru kolu bwa, al otharo twe agwiru obusi kode juru nanira. ²⁴ Azi luba obusi idari ida ili nagwisi, obusi luba oruri oru juru niasi lii opiru azi bana thi obusi kotho Yerusalema ni, tokojo lubari dingi epekana ini odio. ²⁵ Rena obusi kolu thekelio, angwi imba abibaia, bwa wa juru lii obusi kolu diro bwa, oniku iya kowe adungani, oya meriri al royoro, ²⁶ aside banana ri obusi kururi ngani uru oru oluri lubari athesi oluri obusi ori bwa naki, di adusiku omba oruri obusi koyori oyo. ²⁷ Obusi banana konde mani ngwoa modiri kekeki ruthu lelesi ombaro azi agwe agwru twe ²⁸ Ari nakiri richulusi nga nakiri esasi, ingata ru oru kede tiriri, inga tan ru tiriri, amiri di oru, di adusiku ami ile ithithi reparo ²⁹ Yesu onga onga lubani udo ala, odo inde ta lelu ai kwe ro lii. ³⁰ airi oru nichuliusi, ami amiri rusi nondonde angwi nononi odo ayi ithithi wo, ³¹ Iya ile angwi amiri ondesi nga ileki nowesi na, obusi noni odo ori ithithi wo ekio opopia ³² Me nari amini odo banana, okuiniri obusi okoku tokojo iya nga ileki lii oweuna. ³³ Orupi ai buro obusi kasasi ti mari ari obusi asiku twe nyonyo. ³⁴ Ti inde nga tho amiri ru, amiri aside kondu olu angiruku nyeni nyesi, nondu andoku al asidiri azaro buri kasi, ininaki kondu ode amiri diku titi, esu aburunini ³⁵ obusi ini naki kori banana lii, ichakaba bwa wa riki li bithi, ³⁶ Amiri mi kodu mbwo omiri ta thekeli lii, ani nai ambamba, ani koyi nga ileki lii oduba obusi korori ileki, ani kede mari anda ma modiri ngwoa si ³⁷ kori ithurisi, azi koki angwe oria be oluri ungweri jeitun. ³⁸ Airisi ikwoko azi banana kovo lagora na oriri jo, a ni keri ari yesuri ka.