¹ Olu nanira ini alasi yesuri banani si oriti jo oriri evo nonga; banani nagwi rini baro mose rika bani nagwiro evo yesu ra. ² Luba naki azi kozi yesuni, keyo ena amani nesuri omba ilenini ingo oluri nonga ilekini? Adi okwe mini omba ilenini. ³ Azi yesu kakri lubani ma angwi aziro oluri mozi aminiru, aka mani. ⁴ Ru nona ileni oluri yoane konani ileni, keki oru lelesi de keki modira?" ⁵ Azi luba kuziri runi keyo iya andu akeyo ru nona ileni keki oru. Azi andu kozi ani keyo di adwi neri yoane ku. ⁶ Iya andu akari lagoni eyo ru nona ileni keki modira andu banani lii kori ani ubu onisi di adusiku andu luba keyo odo yoane eyo noniri. ⁷ Azi luba naki kirenyari la goni keyo aniku iya ru nona ileni keki ingolelesi ⁸ Yesu azi keyo lubaro juma ini angwi mena amini ku iya ma monga nga ilekini adiri ombasi na." ⁹ Yesu azi kichuluri udo nongani, keyo modi ala idi kwe binyori awiri ambwo, azi kokwe bani awiri ambu nosobani, azi lago koki juru alara ichaka twe ofo nanira. ¹⁰ Dingi oluri amburi ngali okao azi lago kozwe awiri opiogoni oyiri banira ani sana luba kokwe kweri oka binyo rika. Azi osiba kori opioga nani ombwa, azi kodori opiogo nani kale nga ako. Oluri lago ozi to. ¹¹ Angwi azi kozwe alani oluri rizo, angwi azi osiriba angwi kombwa opiogo nanini, ingongo lago twe ouru luba ozwe opiogo nani nga ako awiri dia. ¹² Azi angwi lago kozwe ngwoa ri na zoni ti osiriba azi kori ngwoa ozwekana ni ibinya twe azi luba kobu ngwoa nanini angwe. ¹³ Ambu athe kozi awiri runi keyo andu mowe aduni anyo? Ma andu mozozwe ngwoa mana asari alube ni oluri miyeri twe, de andu luba ngona kororu ¹⁴ Dingi oluri osiriba ende la goni ngwoa mameo luba azi komiari runi ofo nalube keyo lagoni awinani wi oluri la go kiyeri twe evo di adusiku lago obusi koru atheru ofoni ani ambuni kolu awini evo akida lago kale, ani ambu ileni kolu ariru. ¹⁵ Azi luba kobu lagoni ngwoa nanini angwe azi kidari obusi ambu athe kowe aduni anyo ¹⁶ Ambu athe obusi kekeki osiba ni ida ani kokwe awiri ambu luba alukwani ani konde mani, banani nakiri ondesi luba keyo kolu ile ku. ¹⁷ Azi lago konde luba nakini, kozi ba naki ni keyo ngani adwi oluri ogwe keyo keyo odo ani oluri osiriba ogao ini otha oni rikozo ruo. ¹⁸ Banani lii oduba ode oni nanira iki obusi luba ukeri uke dute modi oluri oni nani ipi lago twe obusi ejiri eji kale. ¹⁹ Banani mose rika evoni iniba agwiro luba kondu lethini yesuni oruzo thekeli nanira. Luba oru nga kale banani si, luba onio yesuri udo nani kovo aini. ²⁰ Banani eyoni ni ba ki thomari yesuni oruni azi luba kozwe bananin yesuni imo, oduba kowe runi bani ni itharu, ani sana koru yesu ari awiri ongakana. Ani ozwe modi nagwini oluri agaro ari noli, ²¹ Azi luba keyo yesuro modi riniri mononi nonga arini intharu angwi niniri rinini itharu twe novi baniku, miniri oriri eyoni athusi twe. ²² Chara akao odo kaisa okwe mochori nani okwe de kewe. ²³ Yesu onio lubari ari asidi rika awini oka yesu azi keyo lubaro odo. ²⁴ Enata mani gurus ileni, ovi lenyi ai nga ogwe kana ileki adiri? Azi kakari yesuni keyo kaisara ri. ²⁵ Azi yesu keyo lubaro ikwe ta kaisar ni nga kaisar rika angwi ikwe ori ni nga oriri ka. ²⁶ Luba naki ejo yesuni oru doku banani ri anda. Eyo awiri oyakana ikisi, luba oru nga kale yesuri luba nakasi luba abu ngali yesuri ai nakasi. ²⁷ Sadoke ba alukwa azi kevo yesu ra, keyo banani ileki keyo modi ongaku oda lelesi. ²⁸ Azi luba kozi yesuni kevo modi riniri mose ogwe ari ileni keyo, iya adiki ala oluri adiro odao oluri awiri iziro lago ekebi ako, azi adinga ala koru de kongwi izi nanini ani kothi erebi adinga odari inini. ²⁹ Iya ile lago nani adiro tuderi, adinga athirini ali awiri izi lago koda erebi ako. ³⁰ adinga oluri ode athirini ribwa kongwi izi ilenini, angwiri azi angwi koda. ³¹ Angwi azi nazo koda adi naki lii tuderi uda kaleo erebi ako. ³² Mukona modini izi nani koda. ³³ Iya ile obusi ini udabari ongasi, modi nizi nani kolu adiriru di adusiku adi naki lii olu. Modini izi nani ro, o ³⁴ Yesu azi kakari luba ni keyo banani olu nani rika kalali angwi aliri ali. ³⁵ Ti luba oduba kejejo iki ai kongani ani akodu adiri baru athina ori alileku angwi aliku. ³⁶ Angwi luba udaku twe nyonyo, luba kolu esu oriri bani a gwebaru iki niki. Di adusiku luba inga kaleo oda lelesi. ³⁷ Mose enao twe osuru keyo banani udaba ileki athina ingari inga oda lelesi. Ani kanda nde. Di adusiku olwa oluri keyo ari ukeri oluri kololi nani, kungweri osini ori abarayama, ri angwi ori yisaka ri angwi ori yakobori ³⁸ Iya ile na lago olu ori udabariku ti ori banani lii kolu anderi banani ru. ³⁹ Banani alukwa riniba mose rika kakaku rika kazi keyo inga osuru. ⁴⁰ Di adusiku luba koru ngani yesu nozio ari alasi. ⁴¹ Yesu azi kazi ingoleni oluri banani keyo masia dawidiri ngwoa? ⁴² Di adusiku dawidi awi rusi oyoni ibebi nia saumanara odo, osi ori eyoni mari osiro, odo ri mari dini itha. ⁴³ Kothe iya ma akwe ero mika ofo mari pa nobale ⁴⁴ Iya ile dawidi kungweri modi nanini mari osi kiru masia ngona kolu awiri ngoaru ingoleni. ⁴⁵ Dingi oluri banani lii ori ari nakini eri azi yesu keyo awiri banani awini ovibani keyo. ⁴⁶ Enjo ta ari banani mose rika riniba, oduba kiyeri aweni meke nazo nothoro kiyeri ovoni iti ofo ageri kara luba kiyeri iye ichaka ofo athiri kara, romoniari jo, kiyeri orini ofo oluri kakaku onyonyari ofo. ⁴⁷ Ileki banani oduba konya embori ngani, azi luba kori romio kozi theke lini twe azoru kukari banani, obusi luba imimidiri imimidi.