¹ Yesu okwi yeriko awiri ofule ofule okwia juru nia ² modi ala kolu na runa jakayo, lago modi nagwi uchur nai, lago ukwaro twe abiru. ³ lago kondu Yesuni ondeni iya yesu kolu ingoleni, tilago osaku yesu monde, di adusiku lago alina. ⁴ Azi lago kori omwo athi lajaro othu lelu nidi ani awi kejejo Yesu ni onde di adusiku Yesu koki lethi nanisi. ⁵ Azi Yesu ri osasi ofo nanira, konde ngani oru, yesu Azi kongwe keyo jakayo esi bwa titi. Di adusiku ininisi sana mondu ichakani miri ba. ⁶ Azi jakayo kesi bwa titi Yesu nai asidiri oforo. ⁷ banana nakiri ari naki nondesi luba ori eyo asidiri asasi, luba keyo Yesu oki modini injwiri ba omuru, ⁸ Ti jakayo ori ede keyo osi Yesu ro nde mari osi, ma mokokwe bani oduba nga ako ikini mari ikozori anda ala, angwi iya mimuluka modi alari ngao, andu mokokwe lagoni duru su. ⁹ Azi yesu keyo jakayoro ininisi miri ba iloka, di adusiku lago Abarayama ri ngwoa. ¹⁰ di Adusiku ma modiri ngwoa meki ondu angwi riloka ai oduba egweo, iki ¹¹ Banri ri ari naki nerisi, yesu angwi idi udo ala, dingi oluri Yesu ithithi osaro Yerusalema, lago kengori odo opopi oriri na andu kefefu twe titi, ¹² Azi lago keyo modi nagwi ala oba awiri awe ofo alara twe odi ani oba modi nagwiru ani kengwengwi, ¹³ Azi kungweri awiri onuduni muduri. Azi kokwe lubani modi alube jine de odoro alube, keyo lubaro ithori ta guru ilekisi Tokojo mari engwile. ¹⁴ Ti banana awika Jururi ka kimari lagoni, luba ozwe banana lagori bwa keyo modi ileni aleku ani kori amari modi nagwiru. ¹⁵ dingi oluri oba lago modi nagwiruo Azi lago kengwi kungwe ri awiri onyuduni oluri lago okwe lubani guru rithozo, ani luba kevo awiri anda, ani awi kononi iya luba Esu alukwa ingoto airi rithole. ¹⁶ Azi ngwoa athirini keki keyo mari modi na gwi jine minani mesu alukwa ara muduri. ¹⁷ Azi keyo osuna twe mi lufonogo nitha twe iya ile mi onimini ngani kedia, wai aga ani nichara de ani nikoko juru muduri ¹⁸ Azi ngwoa ri rizo keki keyo mari modi nagwi, jine manani mesu alukwa aka thowu. ¹⁹ Angwi keyo mi olu modi nagwiru juru thowu ri. ²⁰ angwi azi ala keki keyo mari modi nagwi, wi jine minani oluri mambwe mari meke ini, ²¹ ma moru mini twe, modi nagwi keyo mi nidapala ma twe miri aside ofoku ebu modi alarina si, mi nenuri enu nga oluri adi ikwe akaku, nololi nga oduba adi nuyyiku. ²² azi modi nagwi keyo mi eburi modi nijwi, andu moli mini ari miri oyokana ikisi mi inio odo ma modi oluri kilawuri modini oluri asidna ofoku modiri ebusi, odo ma menuri enu ofo oluri ma adi Aba akaku nanira, angwi moloi nga oduba adi ayiku nakira,? ²³ Di adwi oluri iba mari guru oboko ku? Sana mari engwisi azi mesuri Alukwaro oduba idiri Akao? ²⁴ Azi lago keyo banana edeba ithithi awiro iki keyo inuta kale jine manani lagora lelesi. Ikwe ngwoani oluri jine ro muduri ini. ²⁵ Azi luba keyo odo osi lago jinero muduri. ²⁶ menari amini banana lii oduba ngaro iki obusi idiri idi alukwa ti modi oluri nga ala aka kewe ini, ju nga oduba awiro iki obusi ononu kale awira lelesi. ²⁷ ti mari ero ileki, oduba ole maku ileki aini oru oporia ku Ezi luba wa, idia luba mari anda nda. ²⁸ Dingi oluri yesu onga ari nakio, Yesu oki athi lethi oluri koki Yerusalema ²⁹ Olu ile oluri lago ithithi osaro azi kosa betepage ai betania ro iththi be oluri ungweri jeitun nanira, Yesu kondu kozwe awiri bani alukwani kadedethe awika kapiri awiri athi ³⁰ Kozwe lubani keyo ivota lethi oluri athirinani iya isao na andu nesuri bureeni oluri adi kedina umbe bwa oluri adi modi aweruku, etwe lago ezi mani wa ³¹ Iya modi ala ozi amio keyo adu notwe lagoni? Aka lagoni neyo ma osi mondo ndu kaine ileni ³² bani ozwekana iki ovo esu ngali esu yesuri ondu zonini oluri ena ainio, nani ³³ dingi oluri luba kotwe kanine ni oluri adi modi othu akaku iya kaini athe ozi amikeyo di adwi notwe kaine ni. ³⁴ Luba aka lago osi kondondu ³⁵ Azi luba keziri kaineni oluri kedina yesuni azi luba kulari mekr ni kaine nidi, Azi kiriri yesu ni dina ³⁶ awiri okisi luba ori mekeni ula lethio. ³⁷ Dingi oluri ithithi Yesu ri osa jurwo, ithithi othole be jeitun na, banana lii awika ridede the ba kichuluri asidiri ofoni, kifufurari orini olile nagwisi, di adusiku ebu oduba Yesuri on gakana ikisi oduba luba oneo iki. ³⁸ azi kuswa oru twe keyo modi nagwi ekiri osiri rusi ini ba ololo kwe embi orurina al oforo ofo orururi kara. ³⁹ parusi alukwa oluba banana nabi nia keyo Yesu ro odo modi riniri, ibu’ banana mika oduba kadede the ba, ⁴⁰ lago kakari lubani menari amini, iya luba abu ngali ju andu oni ileki andu kuzuzwa oru ⁴¹ Dingi oluri Yesu ithithi osaro na lago azi konde juru ni, kori owa yerusalema sit we mindaro. ⁴² keya mata jumi, iya sana inio ininsi nga mini okwe oluwa keye ti ilenini ambweo miri anda, ⁴³ Obusi ini kososa mira, oluri miri ero kakeri mini agaga ludisi oluri ulio, obusi luba kakeri mini aga ga kimeri mini anda leli. ⁴⁴ obusi oyiku ju oni alube ede oru alara, di adusiku mi adi nendeku dingi oluri ori koki mini onde. ⁴⁵ Yesu azi kokwi oriri jo, kichuluri banini udoni kale banana oduba kigeri airi ngani iki ⁴⁶ Yesu keyo lubaro odo ogwe keyo mari jo obusi kolu jo romiriru. Ti iwe ofo rambe zoru al araribaro ⁴⁷ Yesu olu oriri jo, kiniri banana ini lii banana oduba agwika al moseri bani kakokoni inibaro banana aku baro kondu lethini Yesuni idazo. ⁴⁸ Ti luba adi esu lethiku Yesuni oruzo adi adusiku banana lii kebe lagori bwa ari neri lagori.