¹ Yesu onga lubani udo ala kenari odo kwe sana luba kondu asiku ori nami kondu oroku. ² Azi keyo odo, modi ala ari noliri anda ofo alara, oluri oru oriku angwi omi banani ku. ³ Modi nizi ala ago ako kolu ofo alara oluri kawe ini lii osi nani ra keyo nga amari ari ai mari eregoro. ⁴ Dingi twe azoru osi arini olirini koga kale, ti bulena azi lago keyo awiri ruro odo, ju aru oriku angwi oni banani ku. ⁵ Ti eyo adusiku embo ini kidewuri mani twe, andu moli arinani oli kondu mani idewuku twe ku awiri awesi inili mara. ⁶ . Azi osi keyo odo eri ta ari modi ari noliri oluri injwina. ⁷ Iya ile ori obusi oli tiriri ku ari banani awirika epekana oluri kowowu la gori bwa ithuta ai inigoro re? Awi obusi kasasi lubani iloka re? ⁸ Menari amini lago obusi titi koli arini oli lubani tiriri iya ile ma modi ri ngwoa obusi kekeki ngona obusi mesuri esu banani oduba kolu bwa wa eyo noniro. Re? ⁹ Azi angwi lago konga udo alani banani alu kwani oduba kokwe runi keyo ai banani kapileri ovo oriri jo, romio, ¹⁰ azi ala parusi go, ala modi usuru nonuri. ¹¹ Azi parusi go kede orusi komiri omi kithena ri runi keyo orini miri athu ile, ma mede esu modi oluri koni awiri runi anyo kondu ngali kolu airiru dute de modi oluri oni ruku, de akwiri modi angwi esu modi uchuru nonuri nani ri nanini ¹² Ma anyonyaku dururi laka nia ma mokokwe anda ala mari ukwari oduba mesuo iki. ¹³ Ti modi guru nonuri uchuru rina azi kede odi twe ole mini ingaku oru, ti azi kothi awi agani. Komiri keyo mi ori kwe miri mi kobwa masi ma modi ninjwi ¹⁴ Menari amini meyo modi ini oki awinga ba, otwe awiri ruo oriri anda kope ala inini, banani oduba kingari runi twe ileki, obusi ingwiri ingwi bwa ti awi oluri ingwi ru bwa obusi ingari inga oru. Awiri runi ingwisi bwa olwa bu inira. ¹⁵ Banani ezi onyuduni chiri oduba adi ororu iki yesuri anda ani lago koba di onyudu nakiri dio, azi awiri banani awini oviba konde onyuduni evo yesura, luba azi kori kiriru lubani. ¹⁶ Yesu azi kungweri onyudu nakini ani ezi awini, keyo odo eyi onyudu ileki kwe keyo mara, nondu oriku, di adusiku opopi oriri kolu banani oduba kede esu onyudu ikinini, ¹⁷ Iya ile menari amini odo iya modi aka awini ikokoku esu onyudu ri raka zonini obusi kesuri ambaro okwia opop oriri nara. ¹⁸ Modi nagwi ala kozi yesu ni keyo modi riniri nitha ma mowe aduni anyo, ani mai oluni itha? ¹⁹ Yesu azi kakari kozi lagoni odo, di adwi nungeri mani modini itharu? Modi ala kewe oluri ithana, ti awi ori ²⁰ Mi inio kakoko, keyo mi sana nakwiku agwi sana nida modiku, agwi sana nogoguku, mi nondu modi alari runi egaku, ru athiki oru ai andikiro, ²¹ Azi modi nani kakari yesuni, keyo ma aru ari ileki lii kichuluri mari ombale. ²² Yesuri ari naki nerisi azi yesu keyo lagoro odo asa nga alube oluri adi iweku, ige miri ngali, azi napiri banani lii oduba esu nga alaku, obusi mi nololu ukwaro opuna. Ti eki evi mari bu. ²³ Dingi oluri lago eri ari nakio azi lago koru nggani, di adusiku lago ukwaro twe. ²⁴ Yesuri rerisi konde lagoni keyo odo twe ambana modi, oluri ukwaro okwia opopi aripi nara. ²⁵ Kolu amudweru kamilo ri okwia nda odwezo nia kope modi oluri ukwaro ni okwia opopi oriri nara. ²⁶ Azi banani rebaki kazi odo, adi obusi kejejo ilokale anyo? ²⁷ Azi kakari keyo odo, nga oduba modi ejoku ro iki, ori kejejo owena. ²⁸ Azi petero keyo odo inde ama ayi amari ba kale ani avwi mi. ²⁹ Yesu azi keyo lubaro ma menari amini modi ala kewe oluri koyi awiri bani, de awiri izi de awiri adi ide athe ai andero, angwi, awiri erebi, de eyo opopi oriri nara. ³⁰ Oluri obusi ai abiruku kope ilekini dingi inira. Azi obusi kairi ovuni oluri okoku athiri olwa. ³¹ Azi yesu kozi banani awiri ebukana muduri imbi ri iki bidio, keyo lubaro odo inde ta, wi akovo yerusalema, nga oduba banani eyononiba andana riki ogwe ari mari eyosi iki ma ngwoa modiri iki obusi owowe. ³² Di adusiku obusi ma ogamani oga erori dia, obusi ogu mani ogu, obusi iyayari mani iyaya azi owi lalani mari rwo. ³³ Obusi ongwa mani ombwa kelisi oluri apiriri, azi kidari mani ini nari muko azi monga odalele si. ³⁴ Tiluba oniku ngala ari nakiri, ari naki novile ari naki ambwe kale lubara lelesi, adi luba oniku nga oyokana naki ³⁵ Dingi oluri ithithiwo ani yesu kosaru yeriko na azi modi ala oluri mina kewe kolu na kichaka lethiri bidio amio, ³⁶ Awiri banani na biri ozwa le na, azi kazi odo nganaki adwi? ³⁷ Azi luba kenari odo yesu najereta rina kofuni. ³⁸ Azi kuzwa oru keyo yesu dawidi ri ngwoa, kwe miri mi kobwa masi. ³⁹ Banani aweba athiri naki kiburi lagoni keyo abu ngali. Ti azi angwi kowu oru twe ouru udo dawidi ri ngwoa kwe miri mi kobwa masi. ⁴⁰ Azi yesu kede kenari odo kwe modi nani ezi mara wa, dingi oluri lago ithithiwo azi yesu kazi kozi lagoni. ⁴¹ Yesu keyo nondu mowe mini aduni? Lago kakri yesuni, mi osi yesu kwe mani ande. ⁴² Yesu azi keyo lagoro nde nga onde miri eyononi idi mini. ⁴³ Tit azi lago kichuluri andeni. Azi lago kode lethio kifufurari orini, banani lii ori orini ifufura airi ari nakini onde.