¹ Uchuru nonuba ai bani ninjwiro lii, evo ithithi Yesuri aga, lagoni eri. ² Parusiba ai bani rini baro mose rika, kichuluri aduthani, kuchori arini alworu odo, modi ini kairi banana nijwini onya awiro ofo nalube. ³ Azi Yesu kenari lubani udo alani keyo. ⁴ iya ala kolu awiri kabiloro dula de miya alube. Iya ala alube egwe egwe una, lago nguna oyi mudi thorome imbi thorome ileki ayinia ku azi koli alube egwerini nondu ku to jo awiri resule re? ⁵ awiri resusi azi kola awiri embe asisiri ofosi twe ⁶ dingi oluri logo esa bao kungweri beroni al awiri banana ro ofo nalube keyo lubaro, odo amiri aside kofo masi, di adussiku koliego mana egwerini mesuo, ⁷ iya ile menari amini, obusi oruna asidiri ofoa iya modini injwi ala alube ufuri awiri injwi lelesio kope’ banana mudi thorome imbi thorome oluri oluni itharo oluri eyoka kewe asidini ufwa. ⁸ Iya modini izi ala oluri odo thowu na egwe gwe nguna ili asiku, azi kori Jonowe kondu awri odoni to joko awiri resule? ⁹ Awiri resule ori awiri banana ungwe awiri bero, odiro keyo amiri aside kofo masi, di adusiku mari odo egwerini mesuo. ¹⁰ Menari amini iya modini injwi ala alube ufuri awiri lelesio andu malaika ba oririka ori agwo modini alubee nanisi lubari aside ofo twe. ¹¹ Yesu azi keyo, modi ala awiri erebi nagoro kapileri. ¹² Ngwoa buleri ni, keyo athero, athaa apimani ukwa maka, oduba obusi no ndo ndu athe ori awiri ukwa napi awiri onyuduni. ¹³ Mukona oluri adi ozi dingiku, de ani aburuku ngwoa ningwoa azi kigeri awiri ikozoni lii onga okio ofo alara twe odii ofonaira lago ori ola awiri gurussi lii, olu ninjwisi ¹⁴ dingi oluri lago iko nga lio, azi vi kode juru nanira oluri agwiru twe, vi azi kichuluri lagoni oruni. ¹⁵ Lago azi koki Romia modi alara juru nanini ngwoa nani vi oru twe kondu onyani, onyana kosi lago ori kweri bolongo nonya, ¹⁶ ezori onyakana iki, modi ala kewe oluri kokwe onya nani. ¹⁷ Awiri ru nonisi, keyo odo onyudu ingoto oluri athima kowe guru kani eburi oluri onyaka agwiru kodo di lubaro kasato, azi mawa mododa visi? ¹⁸ andu mokki athimara. Obusi moki meko athima awe ngani injwi oriri anda ai miro, ¹⁹ Andu mejoku ungwele awiri ngwoa ru, we mani esu miri eburi kanini oluri okwe odokani eburi ²⁰ Lago azi konga okio athera, dingi oluri adi lago odii, azi athekonde awiri ngwoani kusi adi odi mina kichuluri obwani awiri ngwoasi kide mari lagoni, ²¹ ngwoa keyo atheni mari atha awe ngani injwi oriri anda azimi, mejoku ungwele miri ngwoa ru ²² Azi athe kenari awiri onyuduni, keyo ingi ta titi thigo nezi, ezi meke nitha itho runa ai ingero katima, ithota dina, oduri enero odule pana, kamuka ²³ ezi ta thigo nagwi oluri ontho asiku ile awi akori onya ari aside kofofo, ²⁴ adi adusiku mari ngwoani anda odao, ya ti enjwio, anda egweo tilago esuo iya ile luba otho asidiri oforo twe ²⁵ Ngwoa othikana athirini kolu ambwo, awiri ekile asale airi ba keriri ongoni banana ri othoro. ²⁶ kungweri lagoni ngwoa nani kozi ari naki adwi. ²⁷ lagoni ngwoa nani kakari lagoni, adiki ekio, athiki oli thigo oluri ontho othiku, di adusiku ngwoa esau’ ba ngani injwi aku. ²⁸ Azi athe kungweri lagoni athe ekwi twe angwe kori ngwoani omi keyo ekwi jo ²⁹ Kakari atheni, keyo inde ilekira lii monga miri abuni esu opiogonini. Adi milawu miku aria la lelesi. Ti adi ikwe maniku ju indio go ani ma sana onyonya mari beroro, ³⁰ niri ngwoa ileniri engwisi oluri osu miri ikozo, iku oduba injwi, ka ikira azi noli thiogoni oluri othiku ³¹ Azi athe keyoro odo mari ngwoa, akodu ofoni alube, mari ngali miri. ³² Sana ari aside kofofo, aka gagu, esu konderi adiki anda kolu modo odao, onga odalelesi anda egweo ilenini lago efuo, anda egweu, ti esu lagou.