¹ olu lukaru ini tuderisi na, Yesu oki modi nagwi parusi bari jona onya, bani ori Yesun onde twe ambaru. ² Inde modi ala oluri kombo mbwe apabasi, oluna yesuri anda, ³ Azi Yesu kozi arigi kakoko rini, mose rika ai parusi rikaro, yesu azi kazi kakoko moseri ai parusi rikaro akao modi nithu Lakasi de kewe? ⁴ Luba abu ngali adi ala eyoku Yesu azi koru modi nanini azi kidiri modi nanini keyo kii. ⁵ Yesu ozi luba keyo iya amiri alari thigo de bure na ode ofo nalio lakari inisi lago etu kale ku? ⁶ Iya ile’ banana naki ala adi aka Yesu ku ju arisi alube. ⁷ Yesuri banana nondesi oduba on ngweo iki airi ofo norasi oduba ororu iki, Yesu eyo Lubaro odo. ⁸ Iya modi ala ungwe mi otho aliri ofo, nondu oriku ofo nagwio oluri ororu. De ile modi ala ungweo oluri ororu kope mini, ⁹ Andu modi bari athe oluri ungwe mi moi alaro ini, bari athe andu keyo miro odo yi ofo ileni modi ileni. Andu noki oria ofo buleri nanira dinjaro. ¹⁰ ti iya ungwe mio, ki ri gara mukori nanira, iya andu bari athe iya ekio, andu keyo miro mari berego ki athi. Obusi noki oria gara athiri nanira andu bani naki koru mini oru, ichaka airo ofo nalube. ¹¹ Di adusiku bani oduba kimbari runi iki obusi ingwiri lubani inga bwa. Ti bani oduba kingwiri runi bwa iki obusi ingari lubani inga oru twe. ¹³ Ti iya nowe nyeni nyeni owe ungwe bani oduba ukwa ako iki. Bani oduba paka injwika ai oduba ida paka anga ngao oduba mi ako. ¹⁴ Obusi miri aside kofofo di adusiku ba ileki nga ala Lubara kewe oluri kokwe mini obusi okwe mini okwe. Dingi oluri bani edeba ambaru iki obusi luba kongo nga oda lelesi. ¹⁵ Modi ala oluri kichaka Yesu piro onya keriri eyo ilekini, keyo yesuro modi oluri konyo nyani opopi oriri nara asidina kofofo. ¹⁶ Yesu keyo lagoro, modi ala oba awiri onya na gwi azi kungweri banana twe abiru. ¹⁷ Dingi oluri onya oneo, ozwe awiri onyudu ‘banini mngwe, oduba ungweo ileki. Keyo evo, onya olio. ¹⁸ Banani naki lii oba eyo alube azi kichuluri ruleni ala keyo ngwoa ozwekana inini. Ma age mari ambu wi moki ondena, momi mini yi ma. ¹⁹ Ala angwi keyo mege mari thigo muduri. Oluri koso sini riri, wi moki lubani imori, momi mini yi ma. ²⁰ Ala angwi keyo odo adi malri izni unwe. Iya ile ma akiku ²¹ Ngwoa ozwe kanani azi kengwi bule keyo modi agwina mari banana oluri kale ala adi akaku ju alube bari athe otha twe ouru. Keyo kit i ti lethisi awelesi juru rika, ezi bani amudwe ka ai oduba paka kewe oduba mi ako, idaro. ²² azi ngwoa ozwekana ini keyo mari modi nagwi aweo esu miri eyozonini ti adi ofoa asao, ²³ Modi agwina keyo awiri ngwoa ro, ngwi lethisi, rule’ba ikiro, ezi bani ombasi twe animari jo kogo ga banisi. ²⁴ Menari amini odo modi ala kewe ungwe kana athiriki oluri andu obiku onya mari owekana iki. ²⁵ banana abiru twe ofo Yesu ra azi kufuri lubara keyo odo. ²⁶ Iya modi ala kondu ekini mara lago koga athe, ande, awiri izi, awiri onyudu, adi ambwe piro, ju awiriru. Awi andu oluku mari modiru ibobo thikana. ²⁷ Iya adi maodi ala ogu kwe alakani ku azi kovi mani, awi andu oluku modi mariru. ²⁸ Amiri adi oluri kondo ndu jori lote azi adi ori bwaku athirisi, ani koni iya kozi guruni ingoto? Lago sana kononi iya awi gururo oluri kodo di, jo ilenini iko, ²⁹ ani sa oluri koba bothoni oluri ikoku nani, kondu okwe banana onde’ baiki kondu agu awiro ku. ³⁰ Modi ileni sana ichulu osio ti adi osa rikona ku ³¹ De modi nagwi ala oluri kondu okini lesia modi nagwi alaro azi adi ori bwaku athirisi engona iya ngona’ banana ululu oluri twe abiru kososa muduri oluri kododi ani awikokiru lesia. Modi oluri keki bananiro, kososa dula twe duru rii? ³² iya awiri omba osaku, lago kozwe modi oluri adi modi nagwi nani odi twe, ani koki ezio lethi ari ni ibethaso olunithari. ³³ Angwi iya ile amiki ala kewe oluri kododi oluwa mari modi oluri kibo thiri iboth iya adi oga nga awika lii kuna. ³⁴ Al ithana, ti iya al otha ede toru korori itharu adadu? ³⁵ Alileni athuna kiwo, iya inga de chuchu rio, obusi bani kobu awini Ayia, modi oluri biro keri eyo ileki.