¹ Dingi nanira banana alukwa koduna oduba kenari yesuni eyo galilaya bari, oluri pilato okwe eri ochuwa ofo thetheka rinara. ² Azi kakri keyo odu, ami noni odo luba ileki galilaya ka injwika kope banani alukwani lii oduba galilaya na, adusiku luba ebi nga naki ore? ³ Menari amini odo, kewe ileku, ti iya adi nufu asidiku obusi ami libithi nududa ile esu lubaniki. ⁴ De banani muduri imbi aro oduba osinazo oluri siloama nani ode luba nidi, azi kidari lubani, ami noni neyo banani naki injwika twe kope banani alukwani lii ichakaba yerusalema ri naki ⁵ Menari amini odo ileku, ti iya adi nufu asidiku obusi ami lii nududa esu ai niki. ⁶ Azi yesu keyo lubaro udo inisi odo, modi ala awiri leluro oluri idi awiri ambwo kwe ombuka nara, lago eki oana ni ondu lelu naniri, ti adi lago esuku, ⁷ Azi algo eki keyo modi obakana osia narini, keyo inde kina ilekira, meki lelunira oana nonde ti adi mesuku, gal ago rwa. Di adwi kumori bu inini dini ⁸ Lago nani azi kakari modi na gwini keyo mari agini yi lago ingona ki inisi, obusi modi muko nani, azi moba indiri izweni aka. ⁹ Iya ile kwe kathe iya adi oka osuruku de oka osuru, iya adi oluleku, obusi azi noga lagoni bwa kondu ofo noru diniku!"" ¹⁰ Yesu kolu rinile, jo alara romomomiari lakari ini tude ri ¹¹ Modi nizi ala kolu na oluri oyuru ninjwiro runa amudwena ki muduri imbi aro, oluri kokwe reuna ni kolu amudweru, runa owo twe uzuru doku oru twe nyonyo. ¹² Yesu ri lago nondesi, keyo kungweri lagoni keyo odo, mi modi ileni miri amudwe ileni otwe kaleo. ¹³ Azi yesu koba awiri dini modi naniri dio titi azi modi nani ku zuri runi tiriri kichuluri orini ifufurani, ¹⁴ Ti azi modi na gwi jo romomia leni kotha di adusiku yesu ithu modi lakari inisi. Modi nagwi azi keyo banana ro romyabaro keyo ini azia a, ini eburi, ezota ininakira ithule, kondu oluku lakasi." ¹⁵ Azi osi yesu keyo lagoro odo ami kathetheli baa mi lii du tedute, ani kozi luba ombwo iyiri ofo, ani laka risi? ¹⁶ Iya ile modi ingoni erebiri erebi kaka abarayama oluri injwiri modi satani oibwa ki muduri imbi aro, sana olago otweku ruile lelesi ini lakari si?" ¹⁷ Awiri eyosi ero lagori ani dika kolu dinjaru, ululu banana ri lii asidi ka ani kofofo, nga nagwisi oluri kagagwee airi owole. ¹⁸ yesu azi keyo opopi oriri kede adadu? Andu mithe mari awini ingoleni ? ¹⁹ Awi kede esu ori nyanya ri nanini oluri modi ala ala enu azi kobu awiri ambwo azi kori omba, otha esu kwe nini, ari kuri ichaka dika." ²⁰ Yesu angwi keyo odo, andu mi themari opopi oriri nani ingoleni? ²¹ Olu esu longanini, oluri modi nizi ala enu, azi kochari irakasa ejania ani kebe bu." ²² Yesu azi kori awe juru niasi, lethisi kiniri banini awiri okisi yerusalema na ²³ Azi modi ala kozi yesu keyo ori osi, banana ga oduba obusi ilokari iloka? Yesu aka luba keyo ²⁴ Imori okwia lethe ni ngwoasi. Menari amini meyo banana abiru kondondu okwi ana. Ti obusi luba esuku ejo doku ²⁵ Dingi oluri jori athe onga oruo lethe numo. Iya need langwe azi noga letheni. Neyo odo, osi yesu pi amani lethe obusi kakari amini odo ani amiku iya nevo ingolelesina. ²⁶ Obusi neyo akonyonya angwi akombo mbu ofo nalube. Angwi nini banana lethesi amari lethesi ²⁷ Obusi angwi keyo banana ro odo, adi ani amiku iya nevo ingolele si ivo kale mari anda lelesi, ami injwi nuwe basi. Dingi oluri jori athe onga oruo lethe numo. Iya need langwe azi noga letheni. Neyo odo, osi yesu pi amani lethe obusi kakari amini odo ani amiku iya nevo ingolelesina. ²⁸ Obusi nowowu azi noasini na, amiri abarayama pi ai yisaka ro azi yakobo ai agwi ro lii oriri opopa na. ami obusi amiri rusi umori umo angwe kale. ²⁹ Obusi banana kevovo airi anda, angwi undweri anda obusi ori onya opopi oriri nara ³⁰ Alukwa oduba buleri obusi kolu athiriru obusi athirika kolu bule riru. ³¹ Olu nanisi twe parusiba alukwa evo yesu ra kenari keyo nga kale walelesi ki, ile erode kondu yesuni idani, ³² Yesu aka keyo ivo ena i thonanini, odo ininisi ai obu thiro ma mudori oyuru ninjwinini kale, azi midiri bananini, ini nari muro obusi mikori mari ebuni iko. ³³ Iya ile ma sana kokoki angwi obuthi ai ini naniro. Di adusiku eyo noniri modi ida doku ofo alara twe nyonyo ti idari yerusalema. ³⁴ Yerusalema, Yerusalema banani mika kididari oriri banani eyo noni bani azi kuthiri banani oduba ozweo ileki mini ilia iki onisi. Olu ingoto oluri mondu onyuduni utuni ofoni alube, esu auri onyodu nutu zonini awiri opipge nia. Azi ileku ³⁵ Inde ta, amiri jo oyi amini dini, menari amini. Obusi inde maku kothe inina nini, oluri neyo odu awi ekiri oriri rusi ithithu."