¹ Dingi nanira bananai ri romwia zo abiru nanira luba ori airi rusi yesu azi kori ariaathirisi awiri banana eyo niniba ro odo enjo amiri longa parusi bari, kenari airi okani de kamumuluka ² Di adusiku nga ala kenwe oluri kumori umo oluri obusi enaku, angwi nga ala kewe oluri ambweri ambwe, oluri obusi oniku. ³ Iya ile ari onga kana inigonia iki obusi eriri eri ofo nang we, angwi nga amiri umokana jonia oboko riki obusi enari ena jonidi. ⁴ Ami oduba mari adiki, menari amini odo, nondu banani noruku oluri kidari runi iki, ti bulena azi owe nga alaku. ⁵ Andu menari ena amini iya nowe aduni na iru ori anyo, oluri mukona ridari bwa azi kolu amba mbaro obuna ofoni injwia eyo menari amini odo iru lago anyo. ⁶ Lwilwi ningwa de nichiri thowu ogeku nili risiku re? ti airi ala asa roku oriri anda. ⁷ Ju amiri dibi lii olwa kaleo iru nga ku ami plu nitharo kope lwilwi ni abiru. ⁸ Menari amini odo banani ri anda iki. Ma ngwoa modiri obusi angwi makari lagoni aka malaika oriri kari anda. ⁹ Iya adi koga mani banani ri anda lago obusi angwi ogoga malaika si oriri anda. ¹⁰ Banani lii oluri konga mari aro modi ri ngwoa injwiru ileki obusi oyoyi injwika, ti modi oluri kilawuri nithani ini obusi oyiku twe nyonyo. ¹¹ Iya banani romia bari anda de agwiri anda ai opiro nondu ngani oruku eyo iya andu nowe aduni anyo de andu nakari ingoleni de andu neyo adadu. ¹² Di adusiku oyuru nitha andu kiniri amini ini nga oduba sana noyoyo thekeli nanira. ¹³ Modi ala banani nabinia, keyo yesu ro odo modi riniri, ena adimani ani kapi mani ikozo oduba amari, atha oyio iki, awiri odasi. ¹⁴ Azi yesu kakari mi modi ileni adi ena mani oni amiri athi ani koli amiri ari de ani kapi amini athiki ki ukwa: ¹⁵ Azi yesu keyo banani nakiro odo, eri taku, iga amiri ru kale nga lelesi lii, modiri ovu oluku modi naniri ikozo, ¹⁶ Azi yesu kenari lubani udo alani keyo, modi alaa aluri ukwaro twe abiru oluri awiri amburo koa twe onyaro twe abriru. ¹⁷ Azi kengori awiri rusi odo, andu mowe aduni di adusiku mari ofo ala kewe mari onya ikini obazo? ¹⁸ Azi keyo odo andu mowe wi, ma andu muzweri mari enoni bwa ani adwe alukwa oduba agwika, ani mambe mani inyaru ai mari ikozo alukwaro lii ana. ¹⁹ Azi andu meyo mari ruro, ma ngaro twe abiru ambekana onya kana iya ile kwe mozu, kwe anyonya ai omburo, kwe mithu mariru. ²⁰ Andu ori keyo modi ananro odo mi modi oluri oni nga alaku, de inigonisi miri itindi andu ungweri ungwe mira lelesi, andu nga ambwe kana iki kolu adiriru? ²¹ Iya ile modi oluri ambwe awiri runi ukwa azi adi ambwe awiri ukwa orira ku, arina obusi kolu esu modi nani kaniki. ²² Azi yesu keyo awiri banani awini ovibaro iya ile menari amini wi nondu awanyaku onyari ebusi oluri kokwe oluni, iya andu nonya aduni anyo, de meke oluri nothotho amiri rwo. ²³ Di adusiku ovu modi ri kope onyani, angwi ru modi kope mekeni de bongo. ²⁴ Ingo engota koru de omboli, oyi oriku angwi oliku, luba jo ako onyani obazo de ero, ti ori kenyari luba jo ako onyani obazo de ero, ti ori kenyari lubanini, ami athuro twe agwiru kope arini. ²⁵ Amiri adi oluri azana kososa azona isu alube awiri ozwa? ²⁶ Iya ilea mi iwe nga alaku ju kediru twe di adwi kazaza amini ari nga alukwarisi; ²⁷ Ing inoni ofu ayiari iya komba adadu na, luba onga ebuku de kuzwari kweri ofuni, ti mena ri amini ju solomona awiri opoisi lii adi otho opopiri mekeku esu kwe ileki ri ofuzo nini. ²⁸ Iya ile ori kathori ayini ayiari ile oluri ebiru ininisi na ani obu thi otho asiru, Osuru twe obusi lago kathori amini ami oluri eyononi oluri kolu kediru twe nani. ²⁹ Nondu nga ala nonduku oluri nonyonya de nga oluri nombombu, nondu okwe amiri aside kondu azaku. ³⁰ Di adusiku banani buri ka lii kondo ndu nga ileki ti amiri atha kononi odo ami niyeri iye nga ileki. ³¹ Ti indondu ani awi kolu amiro, ani nga ileki ididi amini. ³² Ami ululu ningwa indiri, nondu nga noruku, di adusiku amiri atha asidina kofo twe amini opopi nokwe. ³³ Ige amiri nga, ani ikwe banani oduba nga ako ri ikini iwe amiri runi lokomboro gururi, oluri osuruku, konde odo opopi oruri oluri okoku ofo oluri ogu osa akaku ju akwakwara osa akaku onyana. ³⁴ Di adusiku ofo opopiri mina oluna nani, andu miri aside kolu aka twe ani inoni. ³⁵ Ikwe amiri ru kolu intharu, kwe amiri asi kololi. ³⁶ Odu ta kede esu modi oluri kutheri awiri modi nagwini ikio otho aliri ofo, ani iya lago esao azi koga lethini ani luba kopopi lagoni titi. ³⁷ Onyudu naki aside ka ofo twe, oluri airi modi nagwi esu luba kathathe awiri esasi, menari amini odo obusi modi nagwi ki the the nari runi intharu oria lubaro onya ofo nalube, obusi lago kekeki onyudu naki nozi. ³⁸ Iya obusi lago kesesa inigo naniri agaga de buri owile andu kesuri labani kathethe, onyudu naki obusi aside ka kofofo twe. ³⁹ Nononi itharu iya san aba athe onio thekeli ingoto ogu kekeki, sana lago oyiku awiri jo norwe ithithi. ⁴⁰ Sana ju ami nodu athele. Di adusiku ma modiri ngwoa obusi mekeki iniku iya Edina amiri athesi na. ⁴¹ Petero azi kozi yesuni, lii? Osi yesu udo ileni noyo amani de ba alukwani lii? ⁴² Azi osi yesu kakari, ena mani onyudu go oluri ononi ebwo oluri koni ngani twe adi, oluri awiri modi nagwi awiri esasi kesuri konde awiri bani intharu awiri oyikana, awiri onyudu alukwani onya napi ini lii intharu? ⁴³ Onyudugo esu ile nini aside na kofo twe oluri iya awiri modi nagwi esao kesuri awini konga lagori ebuni intharu twe. ⁴⁴ Andu menari amini meyo, obusi mokwe mari ngani lii onyudu go nani ondele. ⁴⁵ Iya onyudugo nani eyo awiri asidio odo mari modi nagwi asio ani abiru, azi kichuluri onyuduni ongwani iya agoka. Ikuka azi kori onya kori ombwo, kori ando twe ⁴⁶ Modi nagwi onyudugo naniri kesa ini oluwi lago oniku de sa oluri adi oniku, obusi ugari lagoni dule dule, azi obusi okwe lagoni raio ofo oluri luba oniku nanira. ⁴⁷ Onyudugo oluri oni olu awiri modi nagwwiri oluo azi koba intharu, azi adi oweku esu awiri modi nagwiri ondu zobibi, obusi lago ombombwa keli sit we abiru. ⁴⁸ Ti lago oluri adi oniku awiri modi nagwiri olu azi kowe nga oluri osaku awini ombwa, obusi ombwa lagoni gat we abiruku, banani lii oduba okwe lubani abiru iki obusi ondondu lubara awi oluri okwe aka abiru iki obusi ozozi lagora lelesi. ⁴⁹ Ma meki asi noru bwa wa, iya sana olio, ⁵⁰ Ma molu ru nonaro, oluri ma sana mairi runi inini ma embu adadu kosa awiri rithema zonini. ⁵¹ Ami de nengori neyo odo ma meki adi iri neziku bu inira, menari amini odo kewe, ti ma meki adi iri neziku bu inira, menari amini odokewe, ti ma meki rapini ezi anyo. ⁵² Kichuluri ileni ni, banani thowu airi ba obusi apiri api ngani injwi kapiri banani kapilena angwi banani kapiri kapiri banani ni kapileri, ai kapile naro; ⁵³ Obusi atha kapiri api awiri ngwoa ro, angwi ngwoa pi kapiri api ai athero, angwoa nizi pi andero kapiri api andero, angwi ngoda pi awiri ngwari iziro kapiri api, angwi ngwa nagori izi pi ai awiri ngodaro kapiri runi api. ⁵⁴ Yesu azi keyo banani nabiro, keyo iya nonde ru thuni kenga undweri lelesi, tit i azi neyo odo, iyi andu kododi, azi kori odio. ⁵⁵ Amiri oli nondele airi lelesi engale, azi andu neyo thekeli andu kememe azi kori eme. ⁵⁶ Ami okariba, ami nononi buni onde ai ruthuro di adwi ami iniku olu inikira? ⁵⁷ Di awi ami amiri rusi ili kadu ngani intha? ⁵⁸ Amiri ovosi ovonalube miri eregoro lethisi na ingo ibothi amiri ari ni ithu ovonalube; ani sana kondu mini oziku ari noli opiri anda, ani modi ari nolirini kondu mini okweku modi nagwi ri dia oluri kutheri banani obukanani jo ruile. ⁵⁹ Menari mini meyo odo, mi obusi eyi miku twe nyonyo, iya adi ikwe odoni ngwoa nani kuna awiri okole.