¹ Yesu eyo awiri kadede the ro, modi ala aoluri ukwaro twe, awiri modi banonde ria, modi nani ega lodona awiri modi nagwiri anda odo osu lago osu ikozo, ² Azi ukwari modi kungweri lagoni keyo nga adwi oluri mereri miri eyo? Luwa nga oduba michara mini miri dia ri ileki, di adusiku nondu olu modiruku mari ikozo nonde. ³ Azi modi ikozoni onderi ni keyo awiri ruro, mowe aduni mari modi nagwi kondu mani odoni kale eburi ofolelesi? Mari omba kewe osiri angni mari di koru ngani twe olio modi ala ga amio, ⁴ anio aga oluri andu mowowe, ani iya onu makaleo eburi ofolelesi, andu banana kairi mania i airi ba . ⁵ Lago ungwe bani lii alube alube oluri ozinga awira lelesi, modi nagwi rika oduba luba ozio modi nagwi ra lelesi. Azi kozi athiri nani keyo izi ingoto mari modi nagwi ra lelesi? ⁶ Azi kakari odo, ma azi ere miya alube athori. Azi modi bani otherini keyo enu ibebi miri oluri izi nga akao ra lelesi ri bwa titi gwe neyo ere mudi thowu, ⁷ Azi kozi alani keyo, anye mi izi ingo to? Lago keyo ma, azi ero chiri kaki lokodi mia alube inyari lago keyo odo anu miri ibebi nga ozikari, gwe neyo ero nichiri mudi aro inyari ⁸ Modi nagwi ori modi awiri ikozoni onderi ni ifufura keyo iwe nga ileki miri eyo nonisi di adusiku’ banana burika eyononi ka kope banana eyo noni ba ikini twe ⁹ Menari amini iwe thobero ami banana oduba ukwaro, oduba injwika bu iniri. Di adusiku iya ukwaka okou ani ai ami al opopi oluri okoku inira ¹⁰ Awi oluri iyonori iyono ngani oduba ga ikira abusi iyonori iyono nga nabio ti awi oluri iyonoku nga ga ikira angwi obusi iyonoku ngana bio ¹¹ iya ilea mi nejoku ukwa ninjwia buri kara obusi iyonori, amini ingoleni, ukwa nitha? ¹² angwi aya iyono modi alari ngaku, obusi adi kokwe amini nganini oduba amiri kaki? ¹³ nga alakewe oluri kijejo ebu nonga bani riri, oriku iya awi kiyeri alani azi koga alani, de koru alani azi koga alani, ami nejoku oriri ebu nonga ai ukwaro, de nga oduba abiru buri kaki. ¹⁴ Parusiba oduba kiyeri guruni iki, keriri ari ilekini azi kori yesuni ogu kila wuri yesuni. ¹⁵ Yesu azi koyo lubaro odu ami aile oduba kithuri runi bani ri anda, ti ori koni amiri asisi nini nga oduba bani kifufurari twe iki ori oleku twe awiri ondele. ¹⁶ Moser i chara ai nga ongwe kanaro, andari kaki adia tokojo yoane ri dingia, kichuluri dingi nanira, olile opopi oriri na onga, banana lii alube alube kiridiri runi okwia ithithi. ¹⁷ Ti orupi al buro epena egwe kope icha aluberi odeni leta alube kakoko rina, ¹⁸ Modi oluri koga awiri izini azi kaliri alani, lago okwi lagou angwi modi oluri kaliri modi ogakanani angwi lago okwi modi nanio. ¹⁹ Modi ngwi oluri ukwaro oluri kotho mekeni ovina kagwe twe, konyo nyani ini lii, ²⁰ Modi alaa oluri esu nga alaku, runa lajaro oluri biro twe ola modi nagwi ri lethe anda, ²¹ lago enyari enya onyasi oduba kude bwa ofo onyale onya asaba ikisi, oke kawe lagori bini umbe, ²² Adi ozindingi ku azi lajaro koda, malaikaba ogu lajaro oru abarayama ri merethe ofo orukana ra, azi angwi ukwari modi koda azi isiri lagoni, ²³ lagoni izale ofo oyuru nijwi na ra ongi di oru konde abarayama ni olu odi twe al lajaro ro awiri merethe. ²⁴ Lago kowu keyo mari atha abarayama, kwe miri mi kobwa masi ezwe lajaro ani keki awiri di nozwe iyio ani keki olo miri leda, di adusiku wi izari mani iza twe isi inira ²⁵ Ti Abarayama aka lago keyo mi anda miri olule ingo engo miri olu bwa na anda nairi ngani ithani, azi lajaro airi ngani injwini, ti ileni lajaro wi eburi ibu, azi mi ele nairi azani, ²⁶ Ilekira ofo nail arari aria gaga ani bani oduba wa kondu osa naku, amira ilia angwi ami nondu esa amaraku. ²⁷ Azi modi nagwi ami mari atha iya ile zwe lajaro buna di adusiku ma, ²⁸ Adimaro thowu ani koki lubani ikoko kondu evwa ku ofo azarinara . ²⁹ Azi Abarayama kakari lagoni keyo, ni luba kolu kakoko Mose rikaro. Luba keri banaki, ³⁰ modi nagwi azi kaka ileku mari atha Abarayama, iya idi bani Uda’ bakiri ala oki bwa naku, ani luba kufu airi olu. ³¹ Abarayama aka lago keyo iya luba adi eri Moseri kakoko ku al nebi ri ogweka naro naki ju modi ala onga odalelesi luba ufuri doku.