¹ Kiru ilia wok use yesu kozozwa wo, azze lago konddeh mod’i agona ne mud’ud’wo ge andda otheele na. ² Azze b’anny awery inne kanaka eleki kozyi lago ne oddo, “Rinne natha, anyi aad’i ossurossu ne, mod’i agona napa eleni deh atheh pi ande ro, lago notheezo mud’ud’woru eleni?” ³ Azze yesu kakkah oddo, “mod’i agona eleni adi ossurossuku, angwi atheh pi ande ro adi ossuku, ama eleni achobo anyi biya andu onddeh orri ri eab’u kappa lago ra anyo. ⁴ Aah oggo akonga eab’u awe oloro ma neab’b’u r inane rika ne anyo eya ithu ri ‘sena. Ineego eleh keakeaki oloro okwe mod’i onga eab’uku. ⁵ Eya ma milili niah wa, ma milili ri offo” ⁶ Ku’se yesu o’jo nga kappa eleki ‘bwo, azze kowyi lala ne ing’a, azze kong’a ludy ne lala’se, azze kabbeh ludy napa ne lago miio. ⁷ Azze ko’jo lago ni oddo, “ki, azze nujwe ri ab’ulu siloama rina nane niah, “oloro ileleng’a ri oddo Eab’eb’u”. ilia wo azze mod’i agona napa kokoki wo, azze kujwe ri, azze kengwi kandandeh wo. ⁸ Kiru azze mod’i agona napa ri b’ah laga rib’a pi api od’ub’a andda onddeh lago athii amyi ri mod’i kaki pi ro kiru ko’jo oddo, “Eleni nyuna mod’i agona oloro andda korei bouwa azze kamamyi iniku?” ⁹ Azze alokwa ke’jo oddo, “Acho eleni awe.” Kiru alokwa ke’jo oddo, “keway, ama achobo lago kede awe nini.” Ama kiru azze lago ke’jo oddo, “Achobo ma awe.” ¹⁰ Azze lob’a ko’jo lago ni oddo, ya kiru me ri mii kappa opee ri adad’uh?” ¹¹ Azze lago kakkah oddo, “mod’i agona oloro ungwe kana yesu nane ong’a ludy azze kobbeh ludy napa ne ma ri miio azze ko’jo ma ni oddo, “ki ‘siloama azze nijwe ri.” Ilia wo azze ma moki azze mujwe ri, kiru azze ma maiy ri ma ri anddeh ne wo.” ¹² Azze lob’a ko’jo lago ni oddo, “ya lago napa ingole?” azze lago kinyopa ri oddo, “ma adi anneku.” ¹³ Azze lob’a keazee ri mod’i agona napa mud’ud’uwo eleni ne Jewb’a ri kakoko ri bubuka ni wo. ¹⁴ Ilia wo kiru inee napa oloro yesu ri ludy nong’azo azze lago kopee lago ri mii ne nane inee twodiery ri inee athii rina. ¹⁵ Kiru azze angwi Jewb’a ri kakoko ri b’uluka kappa kozyi lago ne oddo anyi da lago napa awe a iy anddeh adad’uh. Azze lago ko’jo lob’a ni oddo, “Acho lago ob’a ludy ma ri miio anyo, azze ma mujwe ri, azze kiru elenini ma mandandeh wo.” ¹⁶ Kiru Jewb’a ri kakoko ri buluka kapa lago iruruka inne twodiery ri inee athii rina naneku.” Kiru alokwa ko’jo oddo, “anyi kiru mod’i agona oloro rossu ri mod’i kowe quetechi kapa eleki ne adad’uh?” kiru azze rapee konga lob’a ri agaga niah wo. ¹⁷ Ilia wo azze angwi lob’a kozyi mod’i agona napa mud’uwo eleni ne da oddo, “ya kiru me no’jo ad’unga ne anyo lago’se, bo lago opee me rim ii kapa oho na?” azze mod’i agona napa mud’ud’uwo eleni ke’jo oddo, “Achobo lago mia ri mod’i.” ¹⁸ Kiru ilia wo Jewb’a kapa ge adi ewo lago ‘seku oddo lago mud’ud’uwo angwi lago a iy anddeh ‘bwo tokojo lob’a ri atheh nungwele ande ro lago olor a iy anddeh kale ‘bwo eleni. ¹⁹ Azze lob’a kozyi atheh ne ande ro oddo, “ini ammi ri ngwago oloro ne’jo othee mud’ud’uworu ini? Ya kiru lago anddeh adad’u da elenini ilia?” ²⁰ Kiru azze atheh pi ande ro kakkah lob’a ni oddo, “amma monone oddo eleni ammary ngwago angwi andda othee lago mud’ud’uworu. ²¹ Eya lago anddeh adad’u elenini, kiru adi amma anneku, angwi eya ad’i opee lago ri mii ne, kiru adi amma anneku. Izyita lago, achobo lago agwina wo. Acho lago kong’a ari ne ong’a awery ruw’se d’o.” ²² Atheh pi ande ro o’jo nga eleki, ko’bwo lob’a lob’a korow Jew ri b’anny ne. ko’bwo Jew ri b’anny kapa ong’a yung’a b’uka oddo eya mod’i oloro kenna ri lago ne oddo khristho, azze eado ri lago ne angweh jo romomiale nane ralele ‘se kale wo. ²³ Kiru atheh pi ro o’jo oddo, “achobo lago agwina wo, izyita lago” ko’bwo ari napa eleni’se. ²⁴ Ilia wo daly reezo’se azze angwi kungwe ri mod’I agona napa mud’ud’uwo elleni ne azze ko’jo lago ni oddo, “kwe akku orri ni anyo, amma monone oddo mod’i agona eleni rossu ri mod’i.” ²⁵ Kiru azze mod’i agona napa nane kinyopa ri oddo, “kiru ma anneku yo eya lago rossu ri mod’i na. ma monne nga alobe ‘se ma andda mud’ud’uwo azze kiru elenini ma mandandeh wo.” ²⁶ Kiru azze lob’a ko’jo lago ni oddo, “anyi lago owe meni ad’unga da? ²⁷ Lago opee me rim ii adad’u da?” azze lago kakkah oddo, “achobo ma menna ammi ni ‘bwo jeru d’ini, azze ge ammi neariku! Kiru ge angwi ammi nonduw neari ri ari napa ne azu da? Ammi ile olow b’anny swery inne kanaruku anyo, ya ammi nololow? ²⁸ Azze lob’a konna lago ne ko’jo oddo, “me awery mod’i inne kapa ne anyo, ama amma rikaki mo’se ri b’anny inne kana. ²⁹ Amma monne oddo andda orri ong’a ari mo’se ni anyo, ama amma anne mod’i eleniku eya ingo lele’sena.” ³⁰ Azze mod’i angona napa kakkah ko’jo lob’a ni oddo, “Eleni ruw ri ake nochuzo, ammi adi inneku eya lago napa nane ingo lele’sena, azze achobo lago opee ma rim ii oho. ³¹ Acho amma monne oddo orri eari rossu ri b’anny, ama eya mod’i oloro kiwa ri iwa angwi kowe yeye awena ne owe, lago keari ri awe ne eari. ³² Ko’bwo ge andda milili ri id’alale ari alla adi eariku oddo mod’i alla opee mod’i angona oloro othee mud’ud’woru ri miiku. ³³ Eya mod’i agona eleni orri ra lele’sekuna, sugo lago owe ngaku.” ³⁴ Azze lob’a kakkah ko’jo ni oddo, “oggo othee me rossosu niah d’ed’eh, angwi kiru me nine ri amma ni anyo?” iliaw azze lob’a kodo lago ne angweh wo. ³⁵ Kiru yesu eari oddo lago keassu ri lago ne azze ko’jo aka oddo, “me newewo mod’i agona ri ngwago ra?” ³⁶ Azze lago kinyopa ri kiru ko’jo oddo, “lago ad’i da, Rimba natha, anyi biya ma andu mewo awe ra anyo wo?” ³⁷ Azze yesu ko’jo lago ni oddo, “achobo me inddeh lago oho, azze bo eleni awe oloro kong’a ari ne mero eleni.” ³⁸ Azze mod’i agona napa ko’jo oddo, “Rimba natha, ma ³⁹ Azze yesu ko’jo oddo, “ko’bwo ma meaki milili ini niah wa lokiko nolii anyi api od’ub’a anddeh d’okuka eleki kandandeh wo angwi anyi api od’ub’a kandandehka eleki kolow mud’ud’wokaru anyo wo.” ⁴⁰ Kiru Jewb’a ri kakoko ri buluka alokwa od’ub’a lago ra kaki eari, “ya angwi amma pi ro mud’ud’woka wo?” ⁴¹ Azze yesu ko’jo lob’a oddo, “Eya so ammi mud’ud’woku, ‘so ammi nossuku, ama elenini ammi no’jo oddo, ‘amma mandandeh,’ ya achobo ammi ri rossu napa kasasee.”