¹ Thoki, thoki, acho ma mo’jo ammi ni oddo, lago oloro adi oqui billu ri kali niah kali ri leathy nanda ‘seku, ama koqui leathy alla’se anyo, mod’i eleni oguw angwi arra ri mod’i. ² Lago oloro koqui kali ri leathy nanda ‘se eleni billu ri billulego. ³ Kali ri leathy nanda notheh natha kapee lago ni leathy ne opee. Billu kappa keari ri lago ri oli ne eari, angwi lago kungwe ri awery billu kappa ne ‘se azze kodo lob’a ne angweh. ⁴ Kiru eya lago eazee awery nga leebithi angweh kale oho, azze lago kod’eh lob’a ri athii, azze kiru billu kappa kod’eh lago ri buwa wo, ko’bwo lob’a konne lago ei oli ne onne. ⁵ Azze kiru eleh andu lob’a od’eh b’alago ri mod’i ri buwa anyoku ama kombo lob’a eleh andu koleh ri apiro kale anyo, ko’bwo lob’a adi onne b’alaga rib’a ri oliku.” ⁶ Yesu ong’a rilimi napa eleni lob’a ni, ama lob’a adi ikokoroku eya nga kappa eleki lago ko’jo api ni ad’unga ne anyona. ⁷ Kiru azze angwi yesu ko’jo lob’a ni oddo, “thoki, thoki, acho ma mo’jo ammi ni oddo, ma billu ri kali ri leathy nonda. ⁸ B’anny leebithi od’ub’a andda eavvo ma ni athiika kaki oguu angwi arra rib’a, ama billu eari lob’aku. ⁹ Achobo ma kali ri leathy nanda ne wo. Eya mod’i oqui ithi ma ra ‘sena, eleh andu iruruka ri lago ne iruruka, azze kiru eleh andu lago koki ithi angwi kequi angweh azze eleh andu keassu ri rinya le ri ofo ne wo. ¹⁰ Oguw ogoguw d’oku eya adi lago ogoguwkuna angwi eya adi idda riddakuna angwi eyaa adi imwo rimwokuna. Me meaki anyi biya lob’a kolow lidya anyo angwi anyi biya ka iy d’wo d’ini wo. ¹¹ Ma billulego nintha. Billulego nintha kola awery lidy ne bowa ko’bwo billu ‘se. ¹² Opeogo oloro kongwi eab’u ne billulegoku angwi billu ri athaku. Eya lago konddeh kanyire ne keakeaki wo azze koyee billu ne wo azze kapah kale, azze kanyire kogu lob’a ne kale wo azze lob’a karra. ¹³ Lago komuu kale ko’bwo lago opeogo oloro kongwi eab’u ne azze imeh billuku. ¹⁴ Ma billulego nintha, angwi ma monne maringa ne onne, angwi maringa kappa konne ma ne onne. ¹⁵ Athema konne ma ne onne, angwi ma monne athema ne onne, angwi ma molla ma ri lidy ne olla bouwa billu ni. ¹⁶ Ma billu alokwa ro od’ub’a billu ri kali niah wa keway. Angwi oggo ma meazee ri lob’a ne eazee, angwi eleh andu lob’a keari ri ma ri oli ne eari anyi biya kolow ofo nalobe oquwaru azze billulegoka alobe. ¹⁷ Eleni athema iyie ma d’ise anyo: ma molla ma ri lidy ne bouwa anyi biya angwi ma ma iy lidy napa anyo wo. ¹⁸ Azze kiru mod’i alla onun lidy napa ma ra lele’se keleku, ama ma alla lidy napa bouwa ma ri ruw ‘se. ma opopi ro lidy napa nollazo bouwa, angwi ma opopi ro lidy napa ninqwizo. Ma ma iy ri kayuyuko napa eleni ne athema ra lele’se.” ¹⁹ Azze angwi rapee konga wo Jew ri b’anny kapa ri agaga niah na ko’bwo ari kapa eleki’se. ²⁰ Lob’a nab’i ke’jo oddo, “acho lago setan ro angwi lago mbembe. Anyi kiru ammi neari ri lago ne azu da?” ²¹ Kiru alokwa rikaki ke’jo oddo, “Achobo ari kapa ‘setan ri mod’i riku roh. Ya ‘setan kopee mud’ud’wo rim ii ne opee d’ore?” ²² Kiru lao napa nane ra ujuma ringwezo aka Jeruselem niah na. ²³ Kiru lao napa nane ra mehli, azze kiru yesu koki orri ri jo romomyile nane niah ‘solomona ri jo ri lethy nanda. ²⁴ Kiru azze Jew ri b’anny kapa kake ri lago ne wo azze ko’jo lago ni oddo, “Anyi da me iruu amma lao ingoto ilulud’i kana eleni? Eya me khristho, enna amma ni foro.” ²⁵ Azze yesu kinyopa ri lob’a ni oddo, “Achobo ma menna ammi ni oho, ama kiru azze ammi ile ewoku. Eab’u od’ub’a ma mowowe mowe athema ri ru ‘se, eleni awe koryi ma ne ne. ²⁶ Acho kiru adi ge ammi newoku ko’bwo ammi ma ri billuku. ²⁷ Billu maka keari ri ma ri oli ne eari; ma monne lob’a ne onne, angwi lob’a ked’ed’eh ma ri buwa. ²⁸ Ma mokwe lob’a ni lidy ne okwe; azze eleh andu lob’a oddaa quwo, angwi mod’i alla eleh andu epa lob’a ma ri de lele d’oku. ²⁹ Athema, oloro okwe lob’a ma n inane, thumogona towe kopeh alokwa ne leebithi, angwi mod’i alla epa lob’a athema ri de lele’se d’oku. ³⁰ Ama athema ro alobe.” ³¹ Ilia wo azze Jew ri b’anny kapa konuu ony ne wo lago nowazo. ³² Azze yesu kakkah lob’a ni oddo, “ma menna ri ammi ni eab’u nintha nab’i ne athema ra lele’se. ko’bwo eab’u kapa eleki kiru api ammi nowa ma ne d’ise anyo?” ³³ Azze Jew ri b’anny kapa kakkah ri lago ne oddo, “Amma awa me eab’u nintha alla ri kiw ‘seku, ama ko’bwo kamena’se, kob’wo me, mod’i, azze nowe me ri ruw ne orriru anyo.” ³⁴ Azze yesu kakkah ri lob’a ne oddo, “ari napa adi andda iwro ammi ri kakoko niah ku re, “acho ma mo’jo oddo, “ammi orri od’ub’a yuro d’ini?” ³⁵ Eya lago kungwe ri lob’a ne orri od’ub’a yuro, anyi kiru orri ri ari eaki ad’i ni (azze kiru ari iwro kana oleh kaleku), ³⁶ E’jo ammi lago ni oloro ath ri ob’a kana bidio nane azze keab’u ri mililio, “kiru ammi nimena, ko’bwo ma a’jo oddo, ‘ma orri ri ngwago? ³⁷ Eya adi ma awae athema ri eab’u kapaku, newo maraku. ³⁸ Ama eya ma mowe eab’u kapa ne, ju adi ammi newo maraku, ewota eab’u kapa ra anyo anyi biya ammi inone azze kiru nikokoro ri oddo athema ma ra angwi ma athema ra.” ³⁹ Azze angwi lob’a kamba ri kib’othy ri lago noruu nida, ama azze lago kopa ri kale lob’a ri de lele’se wo. ⁴⁰ Azze angwi lago koki kale wo Jordan niah ‘se ofo andda iwana ri ru nonnale athii iyi ‘se nane ra, azze kiru lago ichaka akana wo. ⁴¹ Kiru b’anny ab’iru eavvo lago ra azze lob’a ko’jo lago ni oddo, “acho andda adi iwana owe quetechiku, ama nga leebithi od’ub’a andda iwana ri o’jo kana mod’i agona napa aleni ri ru’se na ini thoki.” ⁴² Kiru b’anny nabi ewo lago ra akana wo.