¹ Eleni ri bubuwa wo, azze kiru yesu kaway Galilee niah wo, ama kiru lago adi eyeye oki judya niah naku, ko’bwo Jew ri b’anny konduw lago ne iddale. ² Ama diya kiru Jew kappa kappa ri ujuma obila rika ethethe wo. ³ Ilia wo azze kiru awery adii kappa ke’jo lago ni oddo, “oyee wa ri lele’se kale azze noki Judya anyo, anyi biya angwi b’anny me ri nine kanaka eleki konddeh eab’u kappa me ri owe kana eleki. ⁴ Mod’i konga eab’u ne kodo ambweku eya awe konduw anyi b’anny konne leebithi na. ⁵ Eya me nowe nga eleki ni anyo, acho ku’se nenna ri me ri ru ne milili ni wo.” Acho ko’bwo andda adi awery adii kappa ewo lago raku. ⁶ Kiru azze yesu ko’jo lob’a ni oddo, “Achobo lao mana adi ge eassa waku, ama lao daly leebithi ammi rikaki ni inthaka. ⁷ Milili othi ammi asidioku, ama milili kothi ma ne asidio anyo, ko’bwo ma moryi milili kappa ne oddo eab’u apika injwika. ⁸ Ivvota ujuma napa ra. Ma rina ne oggo aki ujuma napa eleni ra, ko’bwo lao mana adi od’eku.” ⁹ Bubuna wo ku’se o’jo ileh ‘bwo, azze lago kichaka Galilee na wo. ¹⁰ Ama ku’se awery adii kappa ovvo ujuma napa ra kale ‘bwo, kiru azze angwi lago awery ruw’se koki, adi oki foroku ama kiru ambwe ri ambwe anyo. ¹¹ Azze kiru Jew ri b’anny kappa konduw lago ne wo ujuma niah na azze ko’jo oddo, “anyi lago ingo da?” ¹² Azze kiru akana wo o’ja konga lago’se wo b’anny kapa ri ayang’a niah na. “kiru alokwa ke’jo oddo, “Achobo lago mod’i nintha,” (kiru) alokwa rikaki ko’jo oddo, keway, achobo, lago kontheh b’anny ri ayang’a ne leathy ninjwia.” ¹³ Kiru ge, mod’i alla alobe adi ong’a ari foroku lago ni ko’bwo lob’a korow Jew ri b’anny ne. ¹⁴ Kiru ku’se lao ossa ujuma ri agaga ‘bwo, azze yesu koki orri ri jo romomyile nane ri akulongo wo azze kid’ala ri nine ne anyo wo. ¹⁵ Azze Jew ri b’anny kapa ri ruw kochu ake ne wo azze ko’jo oddo, “Anyi da lago konne kawro napa ne adad’u bo adi innekuna?” ¹⁶ Kiru yesu kakkah ri lob’a ne azze ko’jo oddo, “Rinne mana ne ma riku ama mod’i oloro ma neab’b’u ri nane ra lele’se. ¹⁷ Eya mod’i oloro kepeh ri anyi kowe yeye lago rina anyo eleh andu konone eya ma ri rinne napa orri ra lele’se de ma mong’a maka ne. ¹⁸ Mod’i oloro kong’a arari aweka ne anyo d’ule, ama mod’i oloro kondu mod’i lago neab’b’u r inane nikku ne anyo eleni thoki, azze kiru injwi lago ra keway. ¹⁹ Andda adi mo’se okwe ammi ni kakokoku ve? Ya kiru ammi ri alla adi iruruka kakoko napaku. Ya kiru ammi nimang’a ri ma nidda ne ad’u da? ²⁰ Azze kiru b’anny ri ayang’a kakkah oddo, “Setan me ra! Ad’i eleh kimang’a ri me nidda ne ne?” ²¹ Azze yesu kakkah azze ko’jo lob’a ni oddo, “Achobo ma anga eab’u alobe azze kiru ammi ri ruw kochu ake ne wo leebithi. ²² Ko’bwo eabwo eab’u napa’se. mose andda akwe ammi ni rigwetu anyo rigwetu napa nane keaki mo’se ra lele ‘seku ama acho keaki ab’b’ii ra lele’se – azze kiru ammi nigwetu ri mod’i ne inne twodiery ri inne athii rina’se wo. ²³ Eya kiru mod’i ka iy ri rigwetu ne inne twodiery ri inee athii rina’se wo anyi kiru mo’se ri kakoko napa ong’o d’o quwo, ya kiru ammi notha ma’se ko’bwo ma akwe b’anny athu leebithi inee twodiery ri inne athii rina nane’se? ²⁴ Iddehta lokiko nolii oloro e owy ri eleni kale, ama aliita lokiko thoki anyo wo.” ²⁵ Ilia wo azze b’anny ichakab’a Jerusalem ri kaki ri alokwa ko’jo oddo, “ya nguna eleni lago oloro lob’a kondu kimang’a ri anyi kidda naneku? ²⁶ Inddeh azze bo acho, lago kong’a ari ne foro azze lob’a kejo nga alla lago ra ke. Ya kakoko ri oppi kappa nguna iboring’o oho oddo lago messiah? ²⁷ Ama achobo aah rikaki akonone eya eya ingo ri lele ‘sena. Andda ku’se messiah ri eaki’se, mod’i alla eleh adi anneku eya lago ingo ri lele ‘sena." ²⁸ Ilia wo azze yesu kuzwa orri ri jo romomyile nane ri akulogo niah easu andda awery rinnezo nini azze ko’jo oddo, “Achobo ammi nonne ma ne onne azze angwi bo nonone eya ma ingo ri lele’sena. Ma adi meaki ma ri ruw’se d’uleku, ama mod’i oloro ma neab’b’u ri nane, awe adi ammi adi ammi inneku anyo, awe thoki ne. ²⁹ Ma monne lago ne onne ko’bwo ma lago ra lele’se, angwi awe eab’b’u ma ne.” ³⁰ Ilia wo azze lob’a kiru kimang’a ri lago noruu ne wo, kiru mod’i alla oggo adi ollo lago de ‘seku, ko’bwo lago ri lao adi essaku. ³¹ Ama kiru ilia wo azze b’anny nab’i ri ayang’a kid’ala ri ewo ne lago raw o, azze ko’jo oddo, “ya kiru eya messiah napa keakeaki ead’i eya eaki oho, eleh andu lago konga quetechi nab’i ne onga od’ub’a kopeh mod’i eleni ri owe kapaka eleki ne opeh?” ³² Kiru Jewb’a ri kakoko ri buluka keariri b’anny ri ayang’a ko’jo lago ‘se wo kiru kazza, azze kawila ri appi pi Jewb’a ri kakoko ri buluka kapa ro kiru keab’b’u ri jai kappa atheahle rika kaki ne wo anyi biya koru lago. ³³ Ilia wo azze yesu ko’jo oddo, “ma eleh andu molow ammi ro lao aliiru te, azze eleh andu ma moki mod’i oloro andda ma neab’b’u ri nane ra wo. ³⁴ Ama kiru eleh andu ammi monduw ma ne wo azze kiru neassu (ma) d’o quwo, azze kiru ofo oloro ma aka nane ammi issa aka d’o quwo.” ³⁵ Kiru ilia wo azze Jew ri b’anny kapa ko’jo api ri ruw ni oddo, “Anyi kiru lago koki ingolia d’a oddo eleh andu akeassu awe d’oku eleni? Acho thoki ya lago b’anny arab’a Geregib’a ri agaga niah ri kaki raku anyi kinne Geregib’a kaki wo, elen awe re? ³⁶ Anyi ari napa awery a’jo kana eleni ri d’uki ad’wi da oddo, ‘Ama kiru eleh andu ammi nonduw ma wo azze kiru neassu (ma) d’o quwo, azze kiru ofo oloro ma aka nane ammi issa aka d’o quwo?” ³⁷ Kiru inne ne thumogo towe ujuma ri aseezo nane ra wo, azze yesu keddeh orou wo azze kob’b’eh oddo, “mod’i oloro iyi vi ro keaki ma ra azze kombu. ³⁸ Mod’i oloro ewo ma ra, easu kawro ri o’jozo nini oddo: Gologo ri iyi lidy rika eleh andu koguru awe niah lele’se wo?” ³⁹ Lago o’jo eleni anyi biya api od’uka andda eavvob’a awe ra anyi kewoka eleki anyi biya ka iy oyuru wo. Ko’bwo andda, adi oyuru okweku, ko’bwo yesu adi andda ikkuku. ⁴⁰ Kiru b’anny kappa ri alokwa b’anny ri ayang’a niah ad’ub’a eari kappa eleki, ‘bwo kiru ko’jo oddo, “Acho diya eleni mia ri mod’i thoki.” ⁴¹ Kiru alokwa rikaki kejo oddo, “Achobo diya eleni messiah.” Ama azze alokwa rikaki ke’jo oddo, “Ad’iriro bo messiah napa eleh andu keafu Galilee ri lele ‘sekuna, ya nguna eleni awe? ⁴² Andda adi kawro napa o’joku re oddo massiah eleh andu keafu Dabide ri od’i ra lele’se angwi bo keafu Bethele ri lele’se, juru Dabide ri ichakale nane ra?” ⁴³ Kiru ilia wo azze rapee konga wo b’anny kappa ri ayang’a niah na lago ri ari’se wo. ⁴⁴ Kiru b’anny kappa ri alokwa kondu lago noruu ne wo, ama kiru mod’i alla ju alobe adi ollo de lago raku. ⁴⁵ Ilia wo azze jai kappa atheahle rika eleki kovvo kawila ri oppi ra Jewb’a ri kakoko ri buluka ro, azze kozyi lob’a ni oddo, “Anyi ammi neazee lago kad’oh? ⁴⁶ Azze ‘jai kappa kakkah oddo, “Acho andda athiina mod’i alla adi ong’a ari kede easu, mod’i eleni rina niniku.” ⁴⁷ Ilia wo azze Jewb’a ri kakoko ri. Buluka kappa kakkah ri lob’a ne oddo, “Angwi iwowolo ammi kale ‘bwo? ⁴⁸ Ya oppi kappa eleki ri alla eyabo Jewb’a ri buluka eleki ri alla ewo lago ra ‘bwo? ⁴⁹ Ama kiru b’anny ri ayang’a, od’ub’a adi onne kakokokuka eleki, kiru ogow kale wo.” ⁵⁰ Kiru nikodemo api ri bulukago alla alobe oloro andda oki lago ra athii ineego ri ‘se, azze ko’jo lob’a ni oddo, ⁵¹ Ya kiru aary kakoko napa kimwo mod’i ro anyo athii ku’se kakoko napa adi eari lago ri ariku da athii azze kiru keasu ri eya lago kowe ad’unga ne anyone?” ⁵² Azze kiru lob’a kakkah ke’jo lago ni oddo, “Achobo, angwi me Galilee ri lele ‘seku, ya me Galilee ri lele’se re” inddeh’ba angwi nddeh tho oddo mia ri mod’i eafu Galilee ri lele’seku. ⁵³ Ilia wo azze kiru d’id’i koki awenga b’ah wo.