¹ Kiru nga kappa eleki ri bubuwa wo, azze yesu kozwa kale wo Galilee ri mearyi ri ado alla nan era, angwi ungwe ri Tiberia. ² Kiru b’anny ri anyag’a ne thumogo nane kovwi lago ri bu ne wo ko’bwo lob’a onddeh quetechi lago ri owe kana ombwe ri b’anny nika kaki. ³ Azze yesu kothu orou b’eh nidii azze lago korye bouwa aka b’eh nidii na b’anny awery inne kanaka kaki ro. ⁴ (Kiru ilia wo ozwa netellale na wo, azze kiru Jew ri ujuma, ethethe wo) ⁵ Kiru yesu, kopee mii ne orou azze konddeh b’anny ri ayang’a ne thumogo ne wo keavvo awe ra, kiru lago ko’jo kilipo ni oddo, “ya kiru andu akovvo ingo re ta anyi akogeh osusi anyi biya b’anny eleki konya? ⁶ (Ama yesu ko’jo ileh diya koka kilipo ne, kobwo awerina ne onne oho eya andu awe kowe ad’ung’a ne anyona). ⁷ Azze kilipo kinyopa ri lago ne oddo, osusi ri d’awa long’e mudi mudury ree rika acho andu od’eiku d’id’i ni alobe ju kead’iru. ⁸ Kiru b’anny inne kanaka kaki ri alla alobe, eleni enderia, simone pethoro ri ading’a, ko’jo yesu ni oddo, ⁹ “Acho lago ningwa alla wa alobe lago inya ri osusi rot how eab’yi ro kapele ree, ya kieu eleki andu kowe ad’unga ne b’anny nab’yi kappa eleki ni?” ¹⁰ Azze yesu ke’jo oddo, “ikweta b’anny kappa korye bouwa”. (kiru ilia wo aei aka ofo napa nan era ab’yiru). Ilia wo azze agoo kappa korei bouwa wo, loked’eka kososa mudi mudury mudury thow (5000). ¹¹ Azze yesu konuu osusi kappa ne azze kiru ku’se okwe piapia kale ‘bwo, azze lago kokwe osusi kappa ne b’anny kappa ureiba bouwaka eleki ni wo. Angwi ge eab’yi kappa nil ago owe ileh, ge ab’yiru easu lob’a ri onduzo nini. ¹² Kiru ku’se b’anny kappa ibuliega kale ‘bwo, azze lago ko’jo b’anny awery inne kanaka eleki ni oddo, “onuuta eab’yi rathathib’a od’ub’a assab’a eleki kale, anyi biya nga alla kodo egweh aka lele seku. ¹³ Kiru lob’a onuuw azze kiru iga eabo thoo rathathib’a eleki ‘se inya ri osusi thowka lob’a onyab’a eleki ri oyee kana kaki ra lele’se. ¹⁴ Ilia wo, ku’se b’anny kappa onddeh quetechi napa lago ri owe kana eleni ‘bwo, azze job’a ko’jo oddo, “Acho diya eleni mia ri mud’i thoki oloro andda o’jo kana oddo eleh keakeaki mililio wa ini.” ¹⁵ Ku’se yesu iboring’o kale ‘bwo oddo lob’a kondu eavvo ne wo azze kiticha ri awe ne agoh’se anyi kob’a awe ajju ri ossiru wo, azze wo, azze lago koyee kale wo angwi kothu orou b’eh, nidii awery ruw’se wo. ¹⁶ Ku’se lao orula rina essa ‘bwo, azze b’anny awery inne kanaka eleki kosee bouwa mearyi niah. ¹⁷ Azze lob’a kothuw roggo niah, azze kozwa mearyi nidii se wo kozwa kaparanuma. Kiru lao napa nan era bou one tiet, azze kiru adi yesu eaki lob’a raku. ¹⁸ Azze kiru lowiwindi namba alla kenga wo kiru kogou bou ne, azze kiru mearyi napa ka’ja ri kenekene. ¹⁹ Kiru ku’se lob’a iwadu apye ne kead’i kososa mudi ree imbi-thow eyabo mudi naa, azze lob’a kenddeh yesu ne koki mearyi nidii ‘se azze keaki roggo ri agaa, azze lob’a korow nga ne wo. ²⁰ Ama kiru azze lago ko’jo lob’a ni oddo, “Ini mai! Nodoo nga norowku.” ²¹ Kiru ilia wo kondu lago na iy ne roggo niah na wo, azze roggo napa kessa ing’a lob’a ri ovvole nan era wo wule. ²² Kiru ipoko ri‘se wo, b’anny ri ayang’a andda keddeh mearyi ri ad’o alla ra kaki kiru konddeh roggo alla naa keway tea lobe nane, kiru yesu napa acho adi othuw roggo niah naku b’anny awery inne kana kaki ro ama b’anny kappa awery inne kana kaki acho ovvo kale d’ule. ²³ Kiru ilia wo, roggo alokwa akana keavvo Tiberia lele’se kiru ethethe ofo lob’a ri inya ri osusi nonyale nan era kuse rimba natha okwe piapia ‘bwo. ²⁴ Kiru kuse b’anny ri ayang’a kappa kaki onne kale ‘bwo oddo yesu akana keway, kiru lob’a kappa api ri ruw’se d’ule wo othuw roggo niah azze kovvo kaparanauma yesu nondu’se. ²⁵ Kiru ku’se lob’a eassu lago ‘bwo mearyi napa ri ad’o alla nane ra, azze lob’a ko’jo lago ni oddo, “Rinne Natha, anyi me neaki wa ead’i da?” ²⁶ Azze yesu kinyopa ri lob’i ne, ko’jo oddo, “thoki, thoki, acho diya oggo ammi nondu ma ne, nondu ma ne quetchi ammi ri onddeh kana kaki ‘seku, ama ko’bwo acho andda ammi inya inyah ri o’su’si azze nibuliega. ²⁷ Nodoo eab’u nonga onya niku onya kokoko, ama ingata eab’u onya oloro kozee ammi ne lidya nyonyo nane ni anyo oloro eleh andu mod’i ri ngwago kokwe ammi n inane, ko’bwo Atheh orri epee awery nyad’ok lago nidii.” ²⁸ Azze lob’a ko’jo lago ni oddo, ya amma andu mowe od’oh ne anyo, anyi biya andu amma awe orri ri eab’u kappa anyo wo? ²⁹ Azze yesu kingwi ri nyopa ne azze ko’jo lob’a ni oddo, “Eleni orri ri eab’nonga anyo koy: oddo ewota mod’i alobe oloro awery eab’bu kana nan era anyo” ³⁰ Ilia wo azze lob’a ko’jo lago ni oddo, “ya kiru eleh andu quetechi ingo ne me nowe anyo wo, anyi biya amma anddeh azze mewo me ra anyo wo? Kiru eleh andu me nowe ad’oh ne ango? ³¹ Aary ab’b’ii andda anya manna kujoto niah, easu andda riwrozo nini oddo, lago ekwe lob’a ni osusi ruthu ri lele’se onyale”. ³² Kiru azze yesu kinyopa ri lob’a ne oddo, “Thoki, thoki, andda adi mo’se ekwe ammi ama nane athema ekwe ammi ni osusi thoki nane ne ruthu ri lele’se. ³³ Ko’bwo orri osusi nane ease bouwa ruthu ri lele’se azze kokwe lidy ne milili ni wo.” ³⁴ Ilia wo azze lob’a ke’jo lago ni oddo, “Bulukago, kwe amma ni osusi napa ini daly leebithib’a.” ³⁵ Azze yesu ko’jo lob’a ni oddo, “achobo ma osusi lidy rina, lago oloro eaki ma ra oho eleh andu vi oruuku, angwi lago oloro ewo ma ra oho eleh andu iyi vi oruuku. ³⁶ Ama acho andda ma menna ammi ni oddo ju ammi inddeh ma, azze ge ammi newoku. ³⁷ B’anny leebithi od’ub’a athema kokwe ma nika eleki eleh andu keavevo ma ra, azze awe oloro keakeaki ma ra eleni eleh andu ma abu angweh quwo. ³⁸ Ko’bwo adi ma measee bouwa ruthu ri lele’se, anyi biya awye yeye mana anyoku, ama mowe yeye lago oloro ma neab’b’u r inane rina ne anyo. ³⁹ Eleni yeye lago oloro ma neab’b’u ri nane rina, oddo ma modo api leebithi od’ub’a awery ekwe kanaka eleki ri alla negweku ju alobe, ama kiru eleh andub’a minji lob’a konga orou inee asseezo nane ra. ⁴⁰ Ko’bwo ini athema ri yeye, oddo b’anny leebithi od’ub’a ngwago nonddehb’a azze kewo lago raka eleki eleh andu kolow lidya nyonyo wo azze kiru eleh andu ma minji ri awe ne konga orou wo inee aseezo nane ra.” ⁴¹ Ilia wo azze kiru Jew ri b’anny kombu pathapatha ne wo lago’se ko’bwo lago ko’jo oddo, “achobo ma osusi oloro easee bouwa ruthu ri lele’se.” ⁴² Azze lob’a ko’jo oddo, “Eleni yesu esepo ri gogoku, oloro atheh pi ande ro aah akonone nane? Kiru elenini lago ko’jo ad’oh oddo, “ma measee bouwa ruthu ri lele’se? ⁴³ Azze yesu kinyopa ri ko’jo lob’a ni oddo, “Iddehta pathapatha nombu ammi ri agaga niah ilia kale. ⁴⁴ Mod’i alla eaki ma raw a d’oku eya nguna athema oloro ma neab’b’u ri nane eabu ne awe ne anyie, azze kiru eleh andu ma minji ri awe ne konga orou wo inee aseezo nane ra. ⁴⁵ Achobo andda iwro mia ri b’anny’se oddo, ‘B’anny leebithi eleh andu orri kinne ri inne. B’anny leebithi od’ub’a eari oho angwi inne athema ra lele’se oho keavevo ma ra. ⁴⁶ Mod’i alla alobe adi onddeh athehku, te awe oloro orri ra lele’se nane lago onddeh athe ne. ⁴⁷ Thoki, thoki, oloro kewewo acho ku’se awe lidya nyonyo wo. ⁴⁸ Achobo ma osusi lidy rina. ⁴⁹ Achobo andda ab’b’iiki onya manna kujoto niah, azze lob’a kudda. ⁵⁰ Ini osusi oloro easee bouwa ruthu ri lele’se, anyi biya mod’i konya awe anyo wo azze odda quwo. ⁵¹ Ma osusi lidy rina oloro easee bouwa ruthu ri lele’se. eya mod’i oloro onya osusi ini oho, awe eleh andu kady nyonyo wo. Osusi napa oloro eleh andu ma mokowe nane ma ri ruw i anyi biya milili kady d’ise.” ⁵² Ilia wo azze Jew ri b’anny kotha api ri ruw raw o azze kori oja wo, kiru kejo oddo, “anyi kiru mod’i angona napa eleni kokwe awery ruw napa ne aah ni onyale adad’u koy da?” ⁵³ Ilia wo azze yesu ko’jo lob’a ni oddo, “thoki, thoki, eya adi ammi inya mod’i ri ngwago ri ruwaku angwi adi imbu lago ri eareiku, acho ku’se eleh andu lidy ammi ri ruwo keway. ⁵⁴ Oloro onya ma ri ruw oho azze kombu ma ri earei ne andu kolow lidya nyonyo wo, azze kiru eleh andu ma minji ri awe konga orou wo inne aseezo nan era. ⁵⁵ Ko’bwo ruw mana ne onya ne thoki, angwi earei maka iki ombu ne thoki. ⁵⁶ Lago oloro konya ma ri ruw ne azze kombu ma ri earei ne andu kasee ma ra wo, angwi ma masee awe ra anyo wo. ⁵⁷ Easu athema lidy rina nane ri ma neab’b’uzo nini, angwi easu ma ri adyzo nini ko’bwo athema, kiru eya lago oloro onya ma oho, angwi eleh andu awe kadady ko’bwo ma. ⁵⁸ Ini osusi oloro easee bouwa rutha ri lele’se, ede easu andda ab’b’iiki ri onya kana azze kuddaa nane niniku. Lago oloro onya osusi ini oho eleh andu kady nyonyo wo.” ⁵⁹ Ama yesu o’jo nga kapa kaki jo romomile nane niah ku’se lago kinne rinee ne kaparanauma niah. ⁶⁰ Kiru ilia wo b’anny nab’i awery inne kanaka kaki od’ub’a eari reari ‘bwo ko’jo oddo, “Acho eleni rinne namba, ad’i kakkah ri rinne napa ne ne nyuna?” ⁶¹ Ko’bwo kiru yesu napa kaki kombou pathapatha ne d’ise wo, azze ko’jo lob’a ni oddo, “Eleni kizza ri ammi ri aside ne re? ⁶² Anyi kiru eya andu ammi nonddeh mod’i ri nywago napa kothuw orou wo ofo andda awery eakile athii rina nane raw o na? ⁶³ Eleni oyuru lidy ne ne, ruw rim ii longwe keway. Arari od’ub’a mari ong’a kana ammi nika eleki oyuru rika, azze kiru eleki api lidy i ne wo. ⁶⁴ Azze kiru ammi ri alokwa acho ge adi ewoku.” Ko’bwo oggo yesu onne oho andda rid’alale lele sena eya ad’ub’a eleh andu ewoku ne anyone angwi eya andu ad’i kimang’a ri awe ne ne na. ⁶⁵ Azze lago kejo oddo, “Achobo ma mo’jo ko’bwo oggo eleni’se ma mo’jo ammi ni oddo mo’di alla alobe eaki mara d’oku eya nguna Athema oyee awe ne na anyie.” ⁶⁶ Ko’bwo eleni’se wo, azze b’anny awery inne kanaka eleki kowvvo kale wo azze ole eab’u nonga lago ra quwo. ⁶⁷ Ilia azze yesu ko’jo mudury imbi reeka eleki ni oddo, “kiru ammi rikaki angwi ile ovvo kaleku re, ya ammi novovo?” ⁶⁸ Azze simone pethoro kinyopa ri lago oddo, “Rimba natha, eleh kiru andu amma movvo ad’i ra? Bo me arari lidy rika ra na, ⁶⁹ Acho kiru amma mewo kale ‘bwo angwi bo mevvo anyi anne oddo me aggwy natha orri rina. ⁷⁰ Azze yesu ko’jo lob’a ni oddo, “andda ad’i ma mepeh ammiku re, mudury imbi reeka eleki, azze kiru ammi ri alla alobe mod’i ninjwi?” ⁷¹ Eleni lago kong’a Juda simone isakriota ri gogo ne, ko’bwo lago awe, mudury imbi reeka eleki ri all alobe, oloro eleh andu kimang’a ri yesu ne wo.