¹ Eleni ri bubuwa wo kiru jew kapa ri ujuma akana, azze yesu koki oroule jerusalem. ² Kiru aka jerusalem na billu ri kali ri leathy nanda ri agaa, abulu aka, abulu napa ungwe ri bethesda heburo ri ong ubu se, thythyleka thow. ³ Kiru banny akana earezwe oduba kumbumbwe, mudud woka, idaaka, azze kapa kiru olla ri akana. ⁴ Kobwo lao alokwa se rimba natha ri anjilu keasee aka bouwa abulu napa ra na azze kocha ri iyi napa ne azze kiru eya modi oloro osee aka athii kuse adi iyi napa kocha ri ocha eleh kiru azze kathu ombwe awery amud wezo nane ri lele se wo. ⁵ Kiru modi, agona alla akana oloro ombwe kii mudi naa imbi aro. ⁶ Kiru kuse yesu onddeh lago olla ri akana, azze kuse lago iboringo bwo oddo lago olow akana lao azoru, azze lago kojo lago ni oddo, me nondu athu ne re? ⁷ Azze modi agona napa ombwe ri eleni kinyopa ri oddo, bulukago, acho ma ri modi alla keaway oloro koba ma ne abulu niah eya iyi napa kocha ri ochana eya ma meakeaki wo, azze diye daly alla kosee bouwa ma ni athii wo. ⁸ Azze yesu kojo lago ni oddo, ngah oron, nuu me ri thaka onuzo eleni, azze noki, ⁹ Ilia wo azze modi agona napa kathu wole dini wo, azze lago konuu awery thaka onuzo eleni ne azze kokoki wo. Kiru inee napa nane inee twodiery ri inee athii rina(Laka ri inee athh rina). ¹⁰ Ilia wo azze jew ri banny kapa kojo lago oloro athu ri eleni ni oddo, inee ini inee twodiery ri inee athii rina kiru kakoko kojo me ni oddo nodo me ri thaka onuzo eleni naguwku, ¹¹ Azze lago kinyopa ri oddo, achobo lago oloro okwe ma mathu oho nane ojo mani oddo, ba ma anuu thaka onuzo ini azze moki. ¹² Azze loba kozyi lago ni oddo, anyi modi napa oloro ojo me ni eleni adi da oddo, nuu thaka onuzu azze noki? ¹³ Kiru modi napa athu ri eleni adi onneku eya adi na kobwo yesu oki kale dwo dini, kobwo banny ri ayang a ofo napa nane ra. ¹⁴ Kiru eleni ri bubuwa wo, azze yesu kojo lago ni oddo, inddehba, achobo me nathu kale bwo. Nodo rossu nowe quwo towe quawak, anyi beya nga ninjwi alla towe andu kodo ronga me ni quwo. ¹⁵ Kiru azze modi agona napa koki kale wo azze kenna ri jew ri banny kapa ni oddo achobo diya nane yesu okwe ma ri athuleh ne to dini. ¹⁶ Ilia wo kobwo nga eleki se wo azze jew ri banny kodoh yesu ri bu ne wo oruuleh, kobwo lago owe nga kapa kaki inee twodiery ri inee athii nina nane se. ¹⁷ Azze yesu kinyopa ri loba ni oddo, athema kongah eabu ne ju tokojo elenini, angwi ma oggo mongah eabu ne ongah. ¹⁸ Kiru kobwo eleni se wo, azze jew ri banny kapa kiru koja towe wo oggo kiru kondu kidda ri lago ne kale kobwo lago adi ongo inee twodiery ri inee athii rina nane duleku, ama angwi acho kungwe ri orri ne awery atheh, kithema ri awery ruw ne orri ro jojo(Seer) ¹⁹ azze yesu kinyopa ri loba ne oddo, thoki, thoki, ngwago awery ruw se owe nga kobwo nga oduba athema kowowe, angwi ngwago kowowe. ²⁰ Kobwo athema kiyie ri ngwago ne iyie angwi lago kenna ri lago ni nga oduba awery owe kanaka kaki ne enna leebithi, angwi lago eleh andu kenna ri lago ne nga ne thumogoo ne oduba kopeh eleki toh anyi biya eleh andu ammi ruw kochu ake ochu. ²¹ Kobwo easu athema ri banny uddaba ninjizo nini odda lele se azze kokwe loba, kadady anyo, achobo angwi ngwago kokwe bann awery ondu kanaka eleki kadady. ²² Kobwoathema oliiju modi alobe ri lokikoku, ama lago okwe lokiko nulii leebithi ngwago ni wo. ²³ Anyi biya oggo banny leebithi kiwah ngwago easu loba ri athema niwahzo nini. Modi oloro iwah ngwagoku iwah athema oloro lago neabbu ri naneku. ²⁴ Thoki thoki, modi oloro keari ma ri ari ne eari angwi keawewo lago oloro ma neabbu ri nane ra andu kadady nyonyo wo angwi eleh andu imworo kale quwo, ama kiru lago ozwa kale odda ri lele se lidya. ²⁵ Thoki, thoki, achobo ma menna ri ammi ni oddo lao napa eleh keasesa wo azze elenini eya banny oduba udda bwo keari ri orri ri ngwago napa ri oli ne wo, azze kiru oduba reari ba eleki eleh andu kady wo. ²⁶ Kobwo oggo easu athema napa nini lidy awery ruwo, achobo angwi lago okwe ngwago napa ni anyi biya lidy kolow lago ri ruwo. ²⁷ Azze kiru athema okwe ngwago ni opopi anyi kiru kulii lokiko kobwo lago modi ri ngwago. ²⁸ Ammi nodo nga norowku eleni se, kobwo lao eleh keasesa wo oloro banny leebithi oduba budi niah ri kaki eleh andu keari ri lago ri oli ne anyo wo. ²⁹ Azze kiru eleh andu keathu angweh wo. Kiru oduba owe owowe ninthaka eleki longa lidya wo, azze oduba owe owowe ninjwika eleki konga anyi biya olii lokikoka kale wo. ³⁰ Ma ma ri ruw se away nga alla doku. Ma molii lokiko ne, easu ma ri rearizo nini, angwi ma molii lokiko ne thoki kobwo ma andu yeye maka anyoka ama yeye awe oloro ma neabbu ri nane molii lokiko ne dise anyo. ³¹ eya ma moryi ma ri ruw ne anyo, ma ri aryi napa olow thokiku. ³² Modi alla aka oloro awe koryi ma ne ne, azze kiru ma monone oddo aryi awery ma noryizo nane thoki. ³³ Ammi neabbu reabbi iwana ra, azze lago kiru karyi thoki. ³⁴ Ama aryi napa ma ri a iy kana nane modi ra lele seku. Ma mojo nga eleki ne anyi biya kiruruka ammi. ³⁵ Iwana oleng o oloro kololy azze ko ie azze kiru ammi andda neyeye lonya ne awery offo nane se lao leadiru. ³⁶ Ama aryi napa oloro ma ra ini thumogona towe kopeh iwana rina nane ne, kobwo eabu athema ri okwe kanaka ma nika kaki anyi koko kale wo, eabu kapa ma ri owe kanaka toweka eleki, koryi ma oddo athema eabbu ma ne. ³⁷ Athema oloro ma neabbu ri nane lago awe koryi ma ne ne. Ammi neari lago ri oli doku angwi indeeh lago ri ovwi doku lao se leebithi. ³⁸ Lago ri ari assee ammi raku, kobwo ammi ole eawo modi nalobe oloro awery eabbu kana nane raku. ³⁹ Induta kawro kaki kobwo anyi biya ammi neyeye eyeye oddo ammi andu neassu ri lidy ne eassu nyonyo api ra wo, angwi kawro kapa kaki ge koryi ma ne anyo. ⁴⁰ Azze ge ammi neyeye eavvo maraku anyi biya ammi nolow lidya anyo wo. ⁴¹ Ma ma iy kafufura banny ra lele seku, ⁴² Ama achobo ma monone oggo oddo orri ri riyie ammi ra keway. ⁴³ Ma meaki athema ri ru se, azze kiru ammi ile ma na iy quwo. Azze eya eya modi alla eaki awery ru se anyo dule azze eleh andu ammi na iy ri awe ne anyo wo. ⁴⁴ Ya kiru ammi newo adado da koy, bo ammi nakkah ri kafufura ne modi alla ra lele se anyo azze ile akku oloro le keaki orri ra lele se nane nondu alyokuna? ⁴⁵ Ammi nodo eyeyeju oddo nguna eleh andu ma menna ri ammi ne athema ri andaku. Modi oloro kenna ri ammi ne awe mose, ingwita ammi ri asidi lago ra anyo. ⁴⁶ Eya ammi newo mose ra ohona, azze kiru eleh andu ammi newo mara ra wo, kobwo andda lago iworo ma ri ari oho. ⁴⁷ Eya kiru ammi newo lago ri iwrjo kapa eleki raku ya kiru andu ammi newo ma ri arari kapa ra ada’do?"