¹ Ilia wo kuse yesu onne kale bwo oddo mose ri kako ko ri banny kaki eari kale bwo oddo awe konga eabu ne angwi konna banny awery inne kana ri ru ne iyi se kiru abiru wo kopeh andda iwana rika kaki ne wo. ² Kiru ju yesu awery ru se onna ruku, ama banny awery inne kana kaki acho konna ru ne onna wo iyi se, ³ Kiru azze lago koyee judaya ne azze kongwi bule da angwi galilee. ⁴ Ama kolow lago ni dodo anyi koki samaria. ⁵ Ilia wo azze lago keaki eiy ningwa samaria rina nane ra, ungwe ri sykhar, inga andda yakobo ri eachi kana azze kokwe ngwago esepo ni nane ra. ⁶ Kiru yakobo ri iyi ri gulume akana. Azze yesu kamud’we awery away se wo azze kiru korei bouwa iyi ri gulume nane ri agaa. Lao napa nane ra. Kossa lao azia wo undwe laga. ⁷ Azze samaria zinga keaki iyi nobeh, kiru azze yesu kojo nena ni oddo, eakwe ma ni iyi alokwa ombuleba nato. ⁸ Kobwo banny kapa awery inne kana kaki ovvo e iy ningwa nane ra onya negeh. ⁹ Ilia wo azze samaria zinga napa kojo lago ni oddo, anyi kiru me nozyi ma ni, azze bo ma samaria zinga, anyi kiru imba nga alokwa ma ra lele se? Azze bo jew ri banny omia ri banny samaria rika roku. ¹⁰ Kiru yesu kinyopa ri azze kojo nena napa ni oddo, eya me inne okwe orri rina oho, angwi modi oloro kojo me ni oddo, eakwe ma ni ambu eleni oho, eya awe adii, sona me nozyi awe ni anyo, azze eleh andu lago kokwe me ni iyi lidy rika ne anyo wo. ¹¹ Azze modi nizi napa kojo lago ni oddo, bulukago, achobo me dengi ako(10 owy) ako azze kiru iyi ri guluyme napa wiriwiri. Kiru andu me nessu ri me ri iyi kapa lidy rika eleki ne ingolia? ¹² Achobo me thumogona toweku, ya me thumogona towe, nopeh ammary abiy yakobo ne opeh, oloro okwe amma ni iyi ri gulume napa ini ne angwi bo andda lago ombombu iyi ri gulume napa ra, awery erebi ro awery anyokwa bah rika? ¹³ Kiru yesu kingwi ri nyopa ne azze kojo nena napa ni oddo, banny leebithi oduba ombombu iyi napa eleni ra lele seka eleki eleh andu iyi vi kororuu da geh, ¹⁴ Ama modi oloro eleh andu kombu iyi oduba ma imokwe awenika eleki ra lele se eleni kiru iyi eleh andu angwi oruu lago quwo. Kombo, iyi kapa oduba eleh andu ma mokwe awe nika eleki achobo eleh andu kufuri iyi oduba awe raka eleki ri ireeru wo, iyi ri mii oloro lidy rina nyongo wo. ¹⁵ Azze modi izina napa kojo lago ni oddo, bulukago, eakwe koy ma ni iyi kapa eleki anyi beya iyi vi kodo ma noruu quwo angwi anyi beya modo eaki wa iyi nobe quwo. ¹⁶ Azze yesu kojo nena napa ni oddo, ki agoki nungwe, azze nengwi ato bule wa. ¹⁷ Kiru modi izina kinyopa ri azze kojo lago ni oddo, acho ma ago ako. Azze yesu kingwi kinyopa ri aka oddo, acho me nojo thoki oddo ma ago ako, ¹⁸ Kobwo andda me ri agoo thow, azze kiru oloro me ro eleninina eleni me ri agoku. Nga me ri ojo kana eleni thoki. ¹⁹ Azze modi izina napa kojo oddo, bulukago, acho ma monddeh me nedeya me mia ri modi. ²⁰ Achobo andda abii ma osso anya bouwa beh napa ini ra, ama azze ammi rikaki kiru nojo oddo jerusalem nane ofo oloro banny ri anya nususozo bouwa. ²¹ Kiru yesu kojo lago ni oddo, eawo ma ra fo, modi nizi ini, achobo lao eleh andu kesesa oloro ammi nossa anya bouwa atha ni wo beh ini raku eyabo jerusalem. ²² Acho ammi rikaki nosso anya ne bouwa nga oloro amma monone ne anyo, kobwo loka juday ri banny. ²³ Achobo lao napa eleh kesesa wo, azze elenini achobo ilia wo banny anya nususoba bouwa thokithoki seka eleki ri anya nussozo bouwa eleh andu kosse anya ne bouwa wo. Atheh ni oyuru thokithoki ro, kobwo athema kondu banny ilehka eleki ne anyo anyi beya kosso anya bouwa awe ni. ²⁴ Orri oyuru, azze kiru banny oduba kosso anya ne bouwa awenika eleki kiru kosso anya ne bouwa oyuru se wo thokithoki ro. ²⁵ Azze modi nini eleni kojo lago ni oddo, acho ma monone oddo massiah eleh keakeaki wo (modi oloro ungwe kana khristho nane). Kiru eya lago eassa oho, azze eleh andu lago kovwi ri aah ni nga kapa ne leebithi wo. ²⁶ Azze yesu kojo nena napa ni oddo, achobo ma awe, modi oloro kong a ari ne me ni eleni. ²⁷ Lao napa nane ra kuse banny awery inne kanaka kaki eangwi kale bwo. Ilia wo azze loba ri ruw kochu ake ne wo oddo anyi lago konga ari ne modi izina nane ro adu ama kiru modi alla adi ojoku oddo, me nondu adunga ne da? Eyabo me nonga ari ne nena napa ro adu da? ²⁸ Kiru ilia wo azze modi izina napa koyee awery iyi eaja ne azze kongwi bule wo e iyo, azze kojo banny ni oddo. ²⁹ Eavvota, modi nago ini nonddeh oloro enna ma ni nga leebithi oduba ma ri owe kana ya nguna eleni khristhoku, ya eleni awe? ³⁰ Azze loba koyee e iy ne wo azze keavvo lago ra. ³¹ Lao napa ra wo, azze banny inne kanaka eleki kombuw pathapatha ne wo lago ni, kojo oddo, rinne natha ngonya fo. ³² Ama azze lago kojo loba ni oddo, ma onya ro onyale oloro ammi anneku. ³³ Ilia wo azze banny kapa inne kanaka eleki didi kojo oddo, achobo modi ala adi eazee lago ni nga llaku anyi konya, deh nguna loba eazee oho? ³⁴ Azze yesu kojo loba ni oddo, onya mana mowe yeye lago ma neabbu ri nane rina ne anyo angwi miko ri awery eabu ne anyo. ³⁵ Adi ammi ejoku re oddo, assa imba suu wo azze kiru lao onya ri okazo nonddeh ambu kapa ne kobwo onya nolii(nodwa) ri lao eassa kale bwo onya oka kale bwo. ³⁶ Kiru lago oloro andda ogogeh osia ka a iy ri awery mii longwe ne wo azze kututu ri oka kapa ne lidy ri nyonyo wo, anyi beya lago oloro osi atheh eleni pi lago oloro ringara ri nane ro kinyonyori ofo nalobe wo. ³⁷ Kobwo ari napa ini kojo oddo, alla osi atheh, azze alla kangara ri modi, eleni thoki. ³⁸ Ma meabbu ammi anyi ninga ra anyi beya inga eabu oduba adi ammi ingakuka kaki. Alokwa onga eabbu kale oho, azze kiru ammi noqui api ri eabu napa niah wo. ³⁹ Kiru samariaba nabi azze keawo lago ra wo e iy napa nane niah kobwo mod izina nane ri renna se oloro karyi oddo, acho lago enna nga ma ri owe kana kaki leebithi oho. ⁴⁰ Ilia wo kuse samariaba kapa eavvo lago ra kale bwo, azze loba kozyi lago anyi kichaka api ro azze kiru lago ichaka na inee ree. ⁴¹ Kiru abika eawo kobwo lago ri ari. ⁴² Azze loba kojo modizina eleni ni oddo, amma adi meawo kobwo nga meri ojo kanaka eleki seku, kobwo amma amma ri ruw se meari oho, angwi amma monone oddo modi eleni eabbu loka natha kiloka ri milili ne wo. ⁴³ Kiru inee reeka kaki ri bubuwa wo, azze lago koyee nari lele se kale wo azze koki galielee. ⁴⁴ Kobwo yesu awery ruw se kiru karyi oddo mia ri mod’i kodo ruw niwah awery nyigoku. ⁴⁵ Kiru kuse lago eassa Galilee bwo, azze galilee ri bwany ka iy ri lago ne loba kiru andda anddeh nga kapa lago ri owe kana jerusalem ri kaki leebithi ujuma napa nane ra. ⁴⁶ Ilia wo azze angwi yesu keangwi da kana galilee niah, ofo oloro andda lago ofu iyi iwaru nane ra. Kiru ossi ri jaigo alla kombombwe aka kaparanauma na. ⁴⁷ Kiru kuse lago eari oddo yesu eaki judya lele se kale oho oki galilee, azze lago koki yesu ra wo azze kozyi lago ni anyi keassee bouwa azze kokwe awery ngwago kathu, oloro ethethe oddata wo nane. ⁴⁸ Kiri ilia wo azze yesu kojo lago ni oddo, oggo eya adi ammi inddeh quetechi kapaku azze ammi ruw kochu ake ne, oggo eleh andu ge ammi neawoku. ⁴⁹ Azze jaigo napa nane kojo lago ni oddo, bulukago, eassee ingwama ra bouwa wa da koy athii kuse adi addaku we. ⁵⁰ Azze yesu kojo lago ni oddo, ki wo achobo ingwaki napa ady kale bwo azze modi agona napa keawo ari yesu ri ojo kana awe ni eleni ra wo, azze lago koki kale wo. ⁵¹ Kuse lago keasse bouwo wo, azze lago komia ri awery nyaa napa ro, azze kojo lago ni oddo acho ingwaki ady kale bwo. ⁵² Ilia wo azze lago kozyi loba ni lao awery dodo nobazo nane se oddo anyi da oba dodo eadi. Azze loba kinyopa ri lago ni oddo, agini lao twodiery se azze emebo koyee lago ne wo. ⁵³ Ilia wo azze atheh napa kiboringo ri wo oddo acho lao napa nane ra yesu ojo awe ni oddo, achobo ingwaki ady kale bwo. Kiru iliawo azze lago keawo banny awenga bah ri kaki ro leebithi. ⁵⁴ Eleni quetechi ri reezo oloro yesu ri owe kana andda kuse lago oki kale judya ri lele se azze koki galilee.