¹ Wo kakoko ri bulukago alla akana runa Nikodemo, jeba ri bulukago nagwi. ² Modi agona napa kiru eaki yesu ra ineego ri se azze kojo lago ni oddo, Rinne natha, amma monone oddo me rinne natha oloro keaki orri ra lele se, kobwo modi alla owe quetechi me ri owe kanaka eleki doku eya nguna orri lago ranna anyie. ³ Azze yesu kinyopa ri lago ni oddo, thoki, thoki modi oloro eya angwi adi othee dakuna, awe onddeh orri ri opopiku. ⁴ Azze Nikodemo kojo lago ni oddo, anyi kiru modi napa othee adadu bo otheh kale bwo na? Achobo awe oqui awery ande ri aha doquwo daly ri reezo se azze angwi othee, ya awe kamba ri amba do? ⁵ Azze yesu kinyopa ri oddo, thoki, thoki, eya modi adi othee iyi seku oyuru ro, owe oqui orri ri opopiaku. ⁶ Oloro othee ruw se eleni ruw, azze oloro othee oyuru se eleni oyuru. ⁷ Me ri ruw kodo ake nochuku ma ri ojo se me ni oddo, oggo angwi othee ammi ne othee da ge. ⁸ Lowiwindi konga ofo awery andu kana nane ra; azze me neari ri awery wawaw, ama me onneku eya olee napa keaki ingo ri lele sena eyabo olee napa koki ingoliana. Banny oduba othee oyuru seka eleki kede illeh ⁹ Azze Nikodemo kinyopa ri azze kojo lago ni oddo, anyi kiru nga kapa eleki kolow adadu koy? ¹⁰ Kiru yesu kinyopa ri azze kojo lago ni oddo, me Israele ri rinne Natha azze kiru me Nikodemo nga eleki doku? ¹¹ Thoki, thoki ma mojo me ni oddo, achobo aah akonga nga oduba akonne oho, angwi aah akoryi nga oduba akonddeh oho. Azze ge ammi rikaki ile aary aryi nakka ku. ¹² Achobo eya andda ma menna ri ammi ile eawoku, ya kiru eleh andu ammi neawo adado eya ma menna ammi ni nga ruthu rika kaki ri ari oho na? ¹³ Modi alla alobe oggo addi othu ruthuwaku oggo te lago oloro easee ruthu lele se nane-modi agona ri ngwago. ¹⁴ Oggo easu andda mose ri inye nongizo nini orou kujoto niah, kiru oggo modi agona ri ngwago napa andu ongi orou anyo wo, ¹⁵ Anyi beya banny oduba keawo lago raka eleki oggo kolow lidya anyo wo nyonyo. ¹⁶ Kobwo oggo orri iyie milili anyo wo, kiru lago ekwe awery modi alobe ngwago te, anyi beya banny leebithi oduba keawo lago raka eleki andu odo iranyaku ama kolow lidya anyo wo nyonyo. ¹⁷ Kobwo orri andda adi eabbu ngwago napa milili niah wa anyi beya kimwo milili ro kaleku, ama anyi beya kiruruka milili lago se anyo wo. ¹⁸ Modi oloro keawo lago ra imwo ro kaleku, ama modi oloro. ¹⁹ Eawokuna imwo ro kale bwo jeru dini kobwo awe rina ne ole eawo modi alobe oloro orri ri kiw ini awe ileh oddo: offo eaki milili niah wa azze kiru banny iyie ofo naneethery anyo kopeh offo kobwo loba kunga ri eabu ninjwi ne anyo. ²⁰ Kobwo banny leebithi oduba kuwe ri eabu ninjwi kapa neka eleki kothi offo ne asidio, azze ole eavvo offoku anyo, anyi beya awery eabu kapa kaki kodo efu angweku. ²¹ Ama oggo modi oloro kuwuwe ri thokithoki ne keaki offo anyo, anyi beya onddeh awery eabu kapa aggwyba eleki onddeh oddo owe orri se. ²² eleni ri bubuwa wo, azze yesu pi banny awery inne kanaka kaki ro kovvo inga Judya rina nane ra. Kiru lago ichaka laboa ro na lao alokwa se azze konna ru ne iyi se. ²³ Ilia wo angwi iwana konna ru ne iyi se aenon salim ri agaa kobwo akana iyi abiru. Banny kiru keavvo lago ra azze konna ruka ne iyi se, ²⁴ Kuse adi Iwana obbu kangongo ri joku. ²⁵ Kiru na wo azze rocheh konga banny Iwana ri inne kanaka kaki pi jew ri modi ro alobe rujwe ri kaka ri kiw se. ²⁶ Ilia wo azze loba kovvo Iwana ra azze kojo lago ni oddo, Rinne Natha, modi alobe oloro andda me ro golo Jordan rina nane ri adoh alla ra nane, oloro andda me noryi lago ne nane, inddehba, acho lago konna rune iyi se wo, azze loba kovvo leebithi lago ra wo. ²⁷ Azze Iwana kinyopa ri oddo, modi a iy nga allaku eya nguna nga napa okwe lago ni ruthu ri lele sena anyie. ²⁸ Achobo ammi ammi ri ru se nararyi oddo ma ajo oho oddo, ma kristhoku, ama te, eabbu ma anyo lago ni athii. ²⁹ Izonga aly kana tetego aly ri eleni ri. Kiru tetego napa aly ri berego, elenini keddeh ilia azze keari ri lago ne anyo wo, azze kiru kinyonyori towe wo kobwo tetego aly ri eleni ri oli se, kiru ma ri, lonya napa ini achobo miko kale oho. ³⁰ Lago kidee ri idee, ama ma rina ne oggo mongongwi anyo. ³¹ lago oloro keassee orou nidii lele se ororou leebithi ni, awe oloro bou ri lele se eleni oggo bou ri lele se angwi konga bou ri ari ne anyo. Lago keassee ruthu ri lele se ororou leebithi ni. ³² Lago koryi nga oduba awery anddeh kana ne anyo awery eari kana ro, ama modi alla alobe kiru adi akkah aawery ri aryi napa quwo. ³³ Lago oloro a iy awery aryi oho kuse ikokoro oho oddo orri thoki. ³⁴ Kobwo modi oloro orri eabbu ne konga orri ri arari ne anyo. Kobwo lago okwe oyuru aka adi ithemaku. ³⁵ Atha iyie ngwago azze kokwe nga ne leebithi lago ri deya wo. ³⁶ Lago oloro eawo ngwago ra oho lidya nyonyo wo, ama modi oloro ole ngwagoku eleh andu anddeh lidy quwo, ama orri ri ago kiru kolow awe nidii anyo wo