¹ Inne ri naazo wo, andda aly nonji aka kana Galilee rina nane ra, azze kiru yesu ri ande akana. ² Kiru yesu pi banny awery inne kanaka kaki ro ungwe aka aly nonji napa nane ra ³ Kiru kuse iwa oko kale bwo, azze yesu ri ande napa kojo lago ni oddo, acho iwa keowo. ⁴ Azze yesu kojo nena napa ni oddo modi nizi ne ya kiru me neaki ma ra aduwa? Acho lao mana adi eassaku. ⁵ Azze lago ri ande napa kojo oppee kapa ni oddo, eya lago ojo ammi ni nga alla oho, iweta nga napa anyo. ⁶ Ilia wo iyi ri eaja oduba ony akana kapile azia jew ri banny ri olow ri ovwi rujwezo, alobe kochu dawa ri aha ne mudi ree kossosa mudi naa. ⁷ Kiru azze yesu kojo loba ni oddo, igigata iyi ri eaja eleki iyi se thoothoo. Ilia wo azze loba kigiga ri eaja kapa ne tokojo eaja sio. ⁸ Kiru azze lago kenna ri oppee kapa eleki ni oddo, ibbehta alokwa kale elenini azze iyi kapa ne aly nonji ri atha ni. Ilia wo azze loba kowe. ⁹ Kiru aly nonji ri atha kobi iyi kapa ne wo deya ofuri iwaru kale bwo, ama kiru lago adi onneku iwa kapa keavvo ingo lele sena(Lama oppee kapa oduba iyi neabehba kaki onne oho). Ilia wo azze lago kungwe ri tetego napa aly ri nane ne wo. ¹⁰ Azze kojo lago ni oddo, ammi leebithi didi obeh iwa nintha athii kiru kuse loba imera kale oho azze nokwe thalamba kaki aka anyo. Ama deya ammi rikaki niruruka iwa nintha tokojo elenini. ¹¹ Eleni quetetchi athii rina yesu andda owe kana Galilee rina nane ra, angwi lago enna awery akku, azze kiru banny awery inne kanaka kaki keawo lago ra wo. ¹² Eleni ri bubuwa wo, kiru yesu pi ande ro, azze banny awery inne kanaka kaki ovvo boura kaparanauma azze kiru loba ichaka na inee ga. ¹³ Ilia wo jew ri banny ri ozwa ethethe wo, azze yesu kiru oki to jerusalem. ¹⁴ Kiru lago eassu banny oduba kigigeh ri theiogo ne, billu ro, olikino ro, azze banny oduba kiwiwicha ri longe ni urei akana orri ri jo romomyle nane ri akulogo. ¹⁵ Kiru ilia wo azze lago kithena ri ibba ne lutairu wo azze kudo loba kale angweh wo orri ri jo romomyile nane ra lele se, billu kapa ra theiogoo pi ro leebithi lago iraratha longe odo banny riwichiba eleki kale azze kuzwe ri kiru loba thaka kapa kaki bouwo wo. ¹⁶ Kiru azze kojo banny olikino nigigehba eleki ni oddo, innuta nga eleki kale ilia lele se. Iddehta rithetho ammika eleki kale athema ri jo ri ofo lele se. ¹⁷ Kiru awery banny kapa inne kanaka kaki azze keyeye ri oddo achobo ari napa andda iwro oho, od ia me ri jo napa rina acho eleh andu konya ma ne onya. ¹⁸ Kiru azze jew ri kakoko riba kakkah azze kojo lago ni oddo, ya quetechi ingony eleh andu me menna ri amma ni anyo, kobwo bo me iwe nga eleki oho na? ¹⁹ Azze yesu kingwi ri oddo, izweta orri ri jo napa romomyile eleni kale bouwa inne naa azze kiru eleh andu minga ri orri ri jo napa orou. ²⁰ Azze jew ri kakoko riba kapa kojo oddo, orri ri jo napa romomyile eleni acho andda osee kiii mudi suu-imbi azia(46) azze kiru eleh andu me ninga ri inga do inee naaka eleki ra? ²¹ Deya lago konga awery ne orri ri joru anyo. ²² Bubuna wo kuse lago eanji odda ri lele se kale bwo, azze banny awery inne kanaka eleki keyeye ri oddo achobo andda lago ojo ari napa eleni oho, azze kiru loba keawo kawro napa ra ro eajo napa andda yesu ri onga kana nane ro. ²³ ilia wo kuse lago jerusalem niah wo ujuma ozwaza ne ra, kiru banny nabi eawo lago ri ru napa ra anyo wo kuse loba anddeh quetechi kapa lago ri owe kana kaki bwo. ²⁴ Ama yesu adi abeh ri loba raku kobwo lago onne loba oho leebithi, ²⁵ Kobwo oleku anyi beya modi alla kodo awe noryi modi ri kiw seku, kobwo lago onne oho eya adunga modi ra ne na.