¹ Annda idala ari se, azze ari napa orri ra, azze ari napa awe orri. ² Lago napa eleni andda orri ro rid ala se na. ³ Kiru nga leebithi eaffu lago se, azze kirru andda kuse ady lago keway nga alla alobe ady obaku oduba obakanaka eleki niki. ⁴ Lidy lago ra, azze kiru lidy napa banny ri offo. ⁵ Kiru offo napa ko ie ofo naneetherye niah ne, azze ofo naneetherye napa kiru itella offo doku. ⁶ Kiru mod’i nago alla na oloro andda eabbu ri orri ra lele se, lago ri ru iwana. ⁷ Lago eaki aryia anyi beya karyi offo ri kiw se, anyi beya leebithi oggo kewo algo se anyo wo. ⁸ Iwana awe offo neku, ama lago eaki anyi beya oggo koryi offo napa ri kiw anyo wo. ⁹ Offo ne thoki, oloro kokwe offo ne banny ni leebithi(ko ie banny ne leebithi), eleh keaki milili niah wo. ¹⁰ Achobo lago milili niah wo, azze milili napa oba lago se, azze kiru milili napa adi onne lagoku. ¹¹ Lago eaki awenga, azze kiru banny kapa awenga ri eleki adi a iy lagoku. ¹² Ama leebithi oduba lago na iybaka eleki, oduba eawo awery ruwa anyokaka eleki, kiru lago okwe thokithoki anyo anyi beya kufuri orri ri erebiru anyo wo. ¹³ Kapa eleki adi othee earyi seku, angwi adi othee yeye ruw rika seku, angwi adi othee yeye mod’i rina seku, ama othee yeye orri rina se. ¹⁴ Ari napa kiru ofuri ruwru anyo wo azze kichaka aary agaga wo. Kiru akonddeh awery akku ne anyo wo, kakku mod’i alobe nini angwi te awe eaki dute atha ra lele se, oga thoo quii se thokithoki ro. ¹⁵ Kiru iwana karyi lago ri kiw se wo azze kuzwa oddo,”Eleni mod’i oloro andda ma mojo awery kiw se oddo: lago oloro eleh andu keaki ma ri bubuwa nane thumogona towe kopeh ma ne, kobwo lago andda athii ma ni.” ¹⁶ Kobwo awery ogga thoo nane se achobo aah aka iy quii oho quii nidii. ¹⁷ Kobwo andda kakoko okwe mose se. Kiru quii pi thokithoki ro eavvo yesu khristho se. ¹⁸ Pir nganya mod’i alla alobe oggo adi ondde orriku lao alla se. Ngwago azze te orri, oloro atheh ri bidio, awe okwe onne lago oho. ¹⁹ ini kiru iwana ri aryi kuse jew ri banny eabbu kawila ri banny bwo levi ri banny ro lago ra jerusalem lele se anyi beya kozyi oddo,”Anyi me adida?” ²⁰ Azze lago kenna ri adi lago apehku, ama kiru enna oddo,” ma khristhoku yo.” ²¹ Ilia wo azze loba kozyi lago ne wo oddo,”Ya kiru me adi da koy? Me eliya re? Lago kojo oddo, ma aweku. Azze loba kojo oddo, ya me mia ri mod’i? Azze lago kinyopa ri oddo, keway. ²² Ilia wo azze loba kojo lago ni oddo, kiru me adida koyi anyi beya andu amma minyopa banny amma neab buba kaki di se? Me nojo ad unga ne anyo me ri ruw se? ²³ Kiru lago kojo oddo, achobo ma oli andda, ozwa ri kujoto niah oddo: ichita rimba natha ri leathy tir nane, easu andda mia ri mod’i Isaiah ri ojozo nini. ²⁴ Ilia wo azze angwi keab bu ri mose ri kakoko ri buluka alokwa, ²⁵ Angwi loba kozyi lago ne azze kojo lago ni oddo, ya kiru me nonna ru ne iyi se adu eya me khristhoku angwi me eliyaku angwi me mia ri mod’ikuna? ²⁶ Azze iwana kinyopa ri loba ne kojo oddo, achobo ma monona ne iyi se. Ama achobo modi alla keddeh ammi niah ilia ammi inneku. ²⁷ Lago awe oloro andu keaki ma ri bubuwa ne, lago ri gogi ri ibba ma munji doku. ²⁸ Nga kapa eleki owe bethany jordan ri bi di alla nane ra, ofo iwana ri ru nonnale iyi se nane ra. ²⁹ kiru kosa a ie se wo azze iwana konddeh yesu ne keaki awe ra azze kojo oddo, Indeehta, orri ri olengo ilia, oloro onuu milili ri rossu kale wo! ³⁰ Lago andda ma ri ojo kana ne awe ileh, lago andda oloro ma ri ojo kana oddo eleh keakkeaki ma ri bubuwa thumogona towe kopeh ma ne, kobwo lago andda athii ma ni. ³¹ Andda ma adi anne lagoku, ama kiw napa anyi beya oggo andu enna Israele ni wo oddo ma meaki ru nonna iyi se. ³² Kiru oggo andda iwana karyi, kojo adda, acho ma anddeh oyuru keasee ruthu lele se kede olikino nini, azze kiru oyuru napa asse aka lago nidii wo. ³³ Azze andda adi ma anne lagoku, ama lago oloro andda eabbu ma anyi beya anna ru iyi se nane kiru ojo ma ni oddo, Eleh andu me nonddeh lago ne oyuru keasee diina azze kasee lago nidii wo, lago awe konna ru ni oyuru naggwy se ne anyo. ³⁴ Achobo ma anddeh kale bwo leebithi angwi aryi kale oho oddo eleni orri ri ngwago. ³⁵ Angwi kiru kosa a ie ri se wo, kuse iwana keddeh banny awery inne kana kapile reeka kaki ro, ³⁶ Azze loba kondde yesu keaki ethethe, azze iwana kiru kojo, Inddehta oleng’o orri rina. ³⁷ Kiru awery banny kapile reeka inne kanaka eleki keari ri lago kojo ileh wo azze loba kovvo yesu ri buwa wo. ³⁸ Azze yesu kufuri azze konddeh loba ni oddo, anyi ammi nondu adu ne da? Azze loba kinyopa ri oddo, Rinne natha(Rabbi) eleni kenna ri oddo rinne natha, anyi me nichaka ingolia da? ³⁹ Kiru lago kojo loba ni oddo, Eavvota azze nonddeh. Ilia wo azze loba kevvo azze konddeh ofo lago ri ichakale nane ne wo; kiru inee napa nane se loba ichaka lago ra, lao napa nane kossa lao suu orula rina ra wo (Ichaka kososa lao mudury). ⁴⁰ Kiru alobe reeka kaki ra oloro eari iwana konga ari ne nane azze kiru kovwi yesu ri bu ne wo eleni enderua, simone pethoro ri ading’a. ⁴¹ Kiru lago eassu awery ading’a simone athii anyo azze kojo lago ni oddo: Khristho. ⁴² Azze lago keazee lago ne yesu ra wo, azze yesu kopee mii lago ra konddeh azze kojo oddo, achobo me simone iwana ri gogo. Kiru eleh andu ungwe ri me ne kepha wo(Eleni kileleng’a ri oddo pethoro). ⁴³ Kiru kosa a ie ri se wo, kuse yesu kondu oyee ne wo anyi koki Galilee, azze lago keassu ri kilipone azze kojo lago ni oddo, Eavwi ma bu. ⁴⁴ Kiru ilia wo kilipo napa bethsaida lele se, enderia pi ri e iy pethoro ro. ⁴⁵ Kiru kilipo keassu ri nataniel ne azze kojo lago ni oddo, acho lago andda mose ri iwro kana kakoko niah ri, mia riba ro, nane amma meassu kale bwo: yesu esepo ri gogo ini, nazareta lele se. ⁴⁶ Kiru nataniel kojo lago ni oddo, ya ndo nga nintha alla keafefu nazareta lele se? Azze kilipo kojo lago ni oddo, Eaki azze nonddeh, ⁴⁷ Azze yesu konddeh nataniel ne keaki lele wo azze kiru kojo lago ri kiw se wo oddo, nddeh koy, Isrealego ne thoki wiyo, oloro lado lago ra keway! ⁴⁸ Azze nataniel kojo lago ni odd, kuse adi kilipo ungwe meku, kuse me ngobo ri kwydo ri bubuna, ma anddeh me oho. ⁴⁹ Azze nataniel kinyopa ri oddo,”Rinne Natha, acho deya me orri ri ngwago! Me Isreale ri ajju ri ossi! ⁵⁰ Kiru yesu kinyopa ri azze kojo lago ni oddo, kobwo ma ajo me ni oddo, ma anddeh me ngobo ri kwydo ri bubu, ya me neawo dise oho re? Achobo eleh andu me nonddeh nga ne thumogoo towe kopeh eleki toh wo kiru. ⁵¹ Ilia wo azze lago kojo oddo, thoki, thoki, ma mojo me ni oddo, achobo eleh andu me nonddeh ruthu kopee ri opee, azze orri ri anjiluji konga azze keassee mod’i agona ri ngwago nidii wo.