¹ Nyo iso enyiak iyyohoi hijo Abramo, hohonyiok hohoi illafa orrumu wati innohosie? ² Lara ifa Abramo lobis te igem nohonyie no owuon ifa hidofe iyya iko higigilolo no hitidara, ati nobe arra to hosiere ho Hollum. ³ Hojo higierita inno Baibol nyo? ''Eruk Abramo to Hollum, ojio ehianahini to honyi bisan.'' ⁴ Iyyania to honyie ille egiama, hadumahini obe ehianahini iyya nyalami, ati arra iyya lolowu duma. ⁵ Ati to honyie ille obe egiama ati eruk tolobo ille arra hebisani no illamuk hullo obe arra heruhok, ehianahini iso huruk to honyie bisan. ⁶ Eliotok hidofe Davide jaha nohonyie to tuŋani le ehianak Hollum to honyie bisan obe higiemita. ⁷ Ojio inyia, "Hotomune tuŋani le ebusahini hiyyata innohonyie, ojio hidofe hiyyata innohonyie emuhohini. ⁸ Hotomune tuŋani lo obe Hollum ehianak to honyie hiyyata.'' ⁹ Hara mahati jaha innaŋ hame te illia hullo ara hagotok, ojio mahati te illia hullo obe ogoto? ''Nyo ejo iyyohoi hijo, ehianahini ifa huruk to Abramo to bisan.'' ¹⁰ Hehianahini ifa jai? Nafa owuanari Abramo lo goto, ojio hidofe owuon lo goto? Obe ifa ara togote, ati to biaŋan no gote. ¹¹ Orumu ifa abramo hituhututa no goto, ahitihi no bisan no huruhi no honyie nafa oyita inyi beren holobe inyia gote, anyar ara amonye lo hullo illia eruk, obe ida hido isia ogoto-ojio inyi bisan ehianahini to hosie. ¹² anyar ara inyia amonye lo hullo illia ogoto illia afauna obe ara to goto hame, ati hullo ejufak to huruk naba monye hohoi Abramo - huruk nafa oyita inyie holobe ogoto. ¹³ Nyo ati obe ifa ara hame teibisit ne itierit nafa esiarari ta Abramo ojo to onyirok illo honyie hijo ara iso isia harutak illo fau, ati ta bisan no huruk. ¹⁴ Nyo lara illia habisak ara harutak, obe iso nobo huruk ojo hidofe hatiorohini atta puahan. ¹⁵ To bisan eyyani jore norru, ati tame inna obe bisan, obe iso hidofe biaŋan na baŋi. ¹⁶ Nyo to higigilo nia ara to huruk, anyar oyiri itierit to hamehini hatara hituhuti to onyirok illa Abramo, obe iso te ilamuk hullo oyyen bisan hame, ati ara iso te illia hulo ara heruhok ta Abramo, (Ille arra monye lohosie bidaŋ, ¹⁷ iyya egiorohini, ''Ehumak nayya iyye amonye lo hiyyo daŋ''). Owuon ifa Abramo to hiji honyie lia lafa eruk inyia, inyia nia, esio Hollum wuaran to ye atta hillilloŋ hirro innafa obe owuon ta manya hatamanyai. ¹⁸ Ofe tara hirro innafa oliu dang, eruk Abramo Hollum ta taji nohonyie daŋ, hijo anyar ara inyia monye lo hiyyo daŋ nia, iyya owuon ifa ¹⁹ to hirori, ''Nyo ara iso bi to onyirok hoi.'' Hotobiaŋa elik to huruk, egigilo ifa Abram hijo awuana inyia bi ahayoni-eliaha ifa inyia bi iko ŋasi hisihai nobotie-ojio hidofe eruk hijo enyie Sara horemik hisie. ²⁰ Ati to itierit no Hollum, obe ifa Abramo etigolo hijo ebo inyie huruk, ati etigol ifa inyia to huruk, ojio hidofe etihabuo to Hollum. ²¹ Eruhu ifa inyia hatiorok no Hollum. ²² Inyia nafa ehianahini to honyie bisan. ²³ Iyyania obe ifa egiorohini anyar orrumu inyia illak hirro, anyar mahati ehianahini to honyie, ²⁴ ati to hoi hidofe, ta ŋai anyar ehianahini, iyya iyyohoi hullo eruk to honyie inyia lia lafa etidietu Yesu Habu lohoi to ye. ²⁵ Yesu, lafa orre ahide te irruti innohoi, ojo ebuhu nyo anyar etibisak iyyohoi.