¹ Ejio nayya ati, hebo Hollum hiyyo illohonyie? Isiara hotobiaŋa oso. Iyya nayya ara nayya le Isarail, to orrutati la Abramo, to woyyo to no Benjamin. ² Obe Hollum ebo hiyyo illohonyie, illo oyyen inyia beren. Eyyen itai higierita inne Bibia inne lero Elijah, ho lia inyia jai ho Hollum ne obiaŋari isia awak Isarail? ³ ''Hollum, attohe isia hekilak illohoi, ŋawurok isia to fau altarihien inno hoi, ojio nayya anobotie ebusahini, ojio isia awak attohe nayya.'' ⁴ Ati hojio hitiraŋi no Hollum nyo to honyie? ''ŋattunak nayya hiyyo lomuk to wan to nanaŋ alif hattarik illo lobe origoŋo ta Baal. ⁵ ''Ati ta saa inna owuon hidofe lomuk ofitu fere illafa onyimu Hollum ta ŋamelehini. ⁶ Ati kuya lara ta ŋamelehini, enyiei halara to higiama. Atta amelehini enyie ha lara amelehini. ⁷ Nyo ati? Hirro inne osiaha Isarail, obe I sarailorrumek, ati arrumu ille onyimu Hollum, ojio ifa lomuk atta hittuk tajia. ⁸ Ara iyya nafa egiorohini, ''Esio Hollum to hosie tajia hunna obe egigilo, honyiehite anyar lobe isia oriŋa, yohe anyar obe isia etira, te inna holoŋitek daŋ'' ⁹ Atta Davide hijio, ''Isiara ŋiria no hosie hatara ofidik hilohit anyar eniefu isia. ¹⁰ Isiara honyiehite inno hosie hotorioho anyar lobe isia egonyu; isiara horuoŋite innohosie hotokude holoŋitek daŋ.'' ¹¹ Eijo nayya ati, ''Ekosori itai hijio anyar ehuyai?'' Obe tuŋ. Ati, to hitaluk negiem, awoŋ ati wuaran to Jentail, anyar etidiek isia he joriai. ¹² Ati iyyania lara wuaran no hosie isamiti inne fau, ojio biaŋan ara isamiti inne Jentail, hobolo iso mahu jai tuhe no hosi? ¹³ Ati iyyania ero nayyia hatatai Gentiles. Ha lawon nayya efahati lo paganihien, etidara nayya to igem te inna. ¹⁴ Ati ahu nayya hitidiek man ejoria lomuk hulloŋ ociala daŋ iyya nayya, ajio nayya atta etuluahu lomuk illo hosie. ¹⁵ Ati ara hibo na pagani to himwara no fau, hara iso ŋefwotu no hosie nyo manya to ye? Olibo ŋama innafa edieŋu itai ahosiere, ara ati imune nia na ŋama nuhe. ¹⁶ Ojio lo owueta hade inno yani no olibo, atta sana wueta daŋ no olibo. ¹⁷ baŋa hetidara to hide hasana ne ho yani ne osio wan. ¹⁸ Ati itidara iyye, obe lara iyye itigolo hade, ati hade inne etigolo iyye. ojio le etidara iyye, obe ara iyye etigolo hade, ati hade inia etigolo iyye. ¹⁹ 19Ihu iyye hijio, ''Ogwanyini ifa sana ade atta naŋ asihini de.'' ²⁰ Dede! Ati biaŋan no huruk tara hosie, atta isia agwanyini ade, Ati ewueta iyye to huruk no hoi. Baŋa hegigilo bi no to wan to no hoi, ati tabaŋa. ²¹ Ati lobe Hollum ofitu sana inne lowuon berren to yani, obe inyia ohu ebusak itai. ²² Itiwolo enni, ati, te kotia inia anyalam ojio inne efiriwa inno Hollum. To nobo hikoi, ottu hifiriwa to Yudea hullo ahuye, ati to nobo hikoi, nyalami no Hollum ottu ta hatai, le erasa itai ta nyalami no honyie. Ati ŋaso itai egwanyini ade. ²³ Ojio hidofe, lobe isia odule to biaŋan no hiruk, ofu iso isia agwanyini ade. Ati owuon Hollum ho golon ne enyiahahini isia hinyak. ²⁴ Ati la ŋaŋutuni ifa iyye ade to yani no owueta inna esuru wan to tim, obe ara iyya ne esuru wan to tim atta agwanyini atta edulahini to wati inna olibo, hara iso mahu Yudea hulloŋ jai, hullo ara sana inne owuon to yani beren, hinyiak edulahini to yani no oliveto? ²⁵ Ati abe nayya awak itai ho to tumwe, halasira, ille egiamari inna, anyar ibe itai ebis to higigilo na hatai: owuana hibo no Hollum te Isarail, man ottuhuni Hollum eyyani Paganihien atta ati Yudea afanu hiruk Hollum. ²⁶ Teyya etulwahini iso Isarail bi daŋ, iyya nafa egiorohini hijo: Ottu iso hetuluahani to Sion. Ottu iso inyia adumu ade paganihien tara Yakobo. ²⁷ Ojio iso innaŋ ara himwara neti daŋ hosie, le ŋeno nayya eyyari hiyyata inno hosie ade.'' ²⁸ To hibo to ne Yudea sayye inno olibo, atta isia hirra amiorok to Hollum, ati ta anyimu no Hollum, omuno Hollum isia nyo otiorokk ifa inyia to hohonyiok ilo hosie. ²⁹ Nyo obe hisiorita ojio hillilloŋo no Hollum eloyyito. ³⁰ Era ifa ita miorok to Hollum, ati iyyania, amoju itai hamehini to hidefer nohosie. To hikoi nia, edefer ifa hiyyo illo Judei. ³¹ To hamelehini nafa etuhutahini to hosie hijo anyar omoju hidofe isia hamelehini. ³² Esionok Hollum hidefer ta mai daŋ, hijo anyar etuhutak iso inyia mahati hamelehini to hiyyo daŋ. ³³ Dede, bolo no Hollum te ibariti daŋ inne hilifere ojio ofioroho inno Hollum! ŋai oremik hiyyen iŋotiti inno honyie, ojio ikotia hunna agalik! ³⁴ ''ŋai lo oyyen higigilo no Hollum? Kuyya ŋai hidofe lia lo ottu ifa ehesiŋani honyie? ³⁵ Kuyya ŋai le esio ifa hosiere hirro nomuk to Hollum''? anyar enyiahak hiyyo to honyie? ³⁶ Ati to honyie, ojio tara honyie, ojio to honyie, ara hirro bi daŋ. Hotowuana ohuo to honyie. Amen.