¹ Ifa ta halu ho hirro inia, egonyu nayya anjilohien lo ŋwan illo owueta to guli aŋwan inno fau, ojio hidofe eniefita tid tid oyyami na masik aŋwan inno fau, hijo anyar obe oyyami ohut ta fau, ojio ta hari kuya to yani. ² Ati atta nayya egonyu lobo anjilo lo ottu tekoi hidoŋi ho holoŋ ojio wan arik be iduanyit no Hollum ho wuaran. Atta inyia yio to hutuk no okwat atta anjilohien lo oŋwan illafa iso okum anyar ottohe fau ojio hariak; ³ atta hinyiak hijo ibaŋa eriafu fau haria, iko yani man oduanyahini iyyohoi idwayiti to homoŋitek inno hegiamak illo Hollum.'' ⁴ Ati etiru nayya hihieni lo hiyyo illafa odwanyahini; 144,000, illafa odwanyahini tara woyyojin illo hiyyo illo Isaraili. ⁵ 12,000 tara woyyojin inno Judei innafa oduanyiahini, 12,000 tara woyyojin inno Ruben,12,000 tara woyyojini inno Gad. ⁶ 21,000 tara woyyojin inno Asher, 21,000 tara woyyojin inno Naphtali,21,000 tara woyyojin inno Manasseh. ⁷ 12,000 tara woyyojin inno Simiona, 21,000 tara woyyojin inno Levi ,12,000 tara woyyojin inno Issakar, tara woyyojin inno Sebulun, ⁸ 12,000 tara woyyojin inno Yosefo, ojio 12,000 tara woyyojin inno Benjamin illafa oduanyahini. ⁹ Ta halu ho hirro inia egonyu nayya iluluŋ no obolo nolobe lobo tuŋani oremik ehienu. Afanu bidaŋ to misihi ojio hirorita to woyyojin daŋ. ojio to obiehien daŋ iko hikienita daŋ hame hame. Ati atta isia wueta to hosiere to hikota, ojio to hosiere ho Lonyi Ker. Eciefita itiditi inno obwor ojio hidofe ottoŋita fara inno hafore ta has hosie. ¹⁰ Ojio isia ellilloŋo no lokuat binno to hutuk nia ojio hidofe ottu etulwahini tara Hollum lohoi lia le ettole to hittoloji ojio to Lonyi Ker." ¹¹ Owueta anjilohien daŋ ille ekolok hittoloji iko maruak ojo ciaŋi aŋwan inno owuar atta isia mojo Hollum. ¹² Atta hijo, ''Amen'!' Isiara mune iko kwuatan, ojio ofioroho, humo to hosie hitihabwo, duaran ojio golon hotowuana to Hollum lohoi man mak! Amen!'' ¹³ Atta lobo maruani hifi nayya hijio, "Haŋai hulloŋ eciefita itiditi inno obwor. Afanu itai tai?" ¹⁴ Ata naya hijo to honye ''Etok eyen iye'' Atta inyia akabak ta hanaŋ hijo humo hulloŋ, hulloŋ afanu to misihi inno obolo higigiala ellilla isia itiditi innohosie to hoto to Lonyi Ker hijo anyar obwor. ¹⁵ Ati iyyania owuon isia to hosiere ho hittoloji no Hollum ojio omojo far ha hariejin daŋ ta haji imojit no Hollum, ojio ille ettole to hittoloji atta ehumak hajik hitolojita ino hosie ojo obe lobo niamai ojio hiboti, obe nobo inohit no hima ojio no holoŋ obe eba to hosie. ¹⁶ obe iso isia enyak niamai, kuyya hibwoti, obe iso holoŋ oswak isia kuyya nobo nohon. ¹⁷ Oso iso Lonyi Ker lia owueta to hosiere hosie aheyoboni'' atta eyari isia ahari, hatamat hifioŋ inno manya no owuar man. ojio Hollum atta hifufus hidenyia daŋ ade to honyiehite hosie.''