¹ Egonyu naya nafa eŋa Ker iduanyit nobotie tara inafa hatarik, ajo naya etiru hililoŋo tara hitaŋwani no ciaŋi niya ara iya hetiru no hila, nyia ojio hijo, "Woŋ!'' ² Ata naya riŋa, egonyu naya kusan no obwor ojo hesuhoni lo honye ottoŋita raŋ ojo buk nafa egioro anjilohien. Otu inya ahahoroni hijo anyar ahoru inya. ³ Nafa eŋa Ker iduanyit hitarihi, atta naya etiru hitarihi no ciaŋ ille ellilloŋ nayya hijo, ''Woŋ!'' ⁴ Teya enyak nobo kusan awoŋ nolodo iyya hima. To hesuhutani lo honyie atta elimak isia hijo anyar eyari ade himwara ta fau anyar ottoho hiyyo wati inno hosie. Esio ifa isia hesuhutani demi no ofi ojio hidofe esaga. ⁵ Ifa eŋa Ker iduanyit hitahunihi, atta nayya etiru hitahunuhi no ciaŋ no ojio hijo, "Woŋ!" Atta nayya egonyu kusan ojio hesuhutani lo honyie oyita iciemit ta hani honyie. ⁶ Etiru nayya nobo hutuk tara ciaŋi no ojio, "Enyaŋa itai iciemit nobotie no ŋama ta arobiaha jai? Enyiaŋa itai sofiyaha ino geme hunik to jai to arobiyaha jai? Ati baŋa eriafu hiyali iko balu.'' ⁷ Ifa eŋa Ker iduanyit hitaŋwani, atta nayya etiru nobo hutuk no lojo hijo, "Woŋ!'' ⁸ Atta nayya egonyu Sigira no etiriok wan nohonyie, ojio hesuhoni lo honyie ara fure no honyie Ye ojio Hadese ejufari inyia. Esio ifa hiyyo hikumuta hirro aŋwan ta fau, ara hirro inia attohe to demi, hiŋa, iŋweti ojio ciaŋi hahonyak inno fau inna. ⁹ Atta inyia hiŋa iduanyiti hitamieti to ŋolon ha altari, egonyu nayya oholioho inno hiyyo innafa ottohe isia to hiram to no Hollum ojio hikienita inno iferno ojio huruk no hiro dede. ¹⁰ Oyio isia no okwat binno hijo, "Habu lohoi, ettok, ille odua ojio ara dede, anu iso ekum eye hiyyo illa amanya to hoto ta fau inna? Man elienyu inyia hoto nohoi?" ¹¹ Ifa atta hiyyo hisio itiditi no obwor ojio hiyyo atta elimak isia hetilai kai man afani iluluŋ nafa hosie iko ha halasira ojio ha hanasira illafa oye, iyya nafa ottohori isia. ¹² Ifa eŋa Ker hitileji no iduanyit, awolo nayya hitir no okitik. Ojio holoŋ atta rioho, ojio yafa atta don iyya hoto. ¹³ Atta haher niyya to hide ido ahuyu afau iyya haŋer inno ŋaboli hunna ohutu oyyami no obolo. ¹⁴ Ojio ido atta bibina iyya biris. Ojio doŋiok iko masik ino odu to hotwe hahari. Atta hihuto ade ta masik hosie. ¹⁵ Atta habuok illo fau iko hiyyo illo hittaha, ojio illo otuba, ha barak ojio ille owuon ho golon daŋ ojio ille owuon tamasik daŋ atta efie daŋ hiŋofo daŋ to nomi. ¹⁶ Atta isia hijo to doŋiok daŋ ojio moru, "Ituhuyik tohoi! Iŋofok iyyohoi ade tara le ettole to kurus iko to jore no Lonyi Ker; ¹⁷ nyo ottu iso jore tara hosi, ŋai iso oremik ŋaweju?''