¹ Atta nayya egonyu ta hani inyiet ho lia le ettole to hitoloji, buk ne egioro iko hosehe ojo iko horuoŋ ojo hidofe odwanya to idwanyiti hattarik. ² Atta nayya egonyu Anjilo ille efiriwa binno ero wuoloŋ-wuoloŋ hijo, ''ŋai iso oremik hiŋa buk inna ojio hidofe owur iŋanyiti?'' ³ Obe iso lobo te ido kuya ta fau kuya hidofe to hotwe fau oremik hiŋa buk nyia. ⁴ Ayyo naŋ no lorru nyo abe naŋ arrumek lobo tuŋani ille oremik hiŋa atta hihien buk nia . ⁵ Ati ojo lobo maruani ta hanaŋ hijo, ''Baŋa eyyo, ahorru Emie lia to woyyo ba Yuda, ojo sali naba Davide buk nyia atta hiŋa ojo hidofe atta hihien.'' ⁶ To hiji ho hitoloji ojo ciaŋi aŋwan iko maruak, egonyu nayya Ker lo owueta, lo owuon iyya oye. Owuon inyia ho mwarak hattarik ojo honyiehite hattarik, ara isia oyirihien hattarik illo efahak Hollum afau daŋ. ⁷ Ottu inyia adumu buk to hani he inyiet ho lia le etole to hitoloji. ⁸ Nafa adumu inyia Buk nyia, origoŋo ciaŋi aŋwan iko marwak tomwana arik ha aŋwan to hosiere ho Ker. Eboŋ isia daŋ iko Okome ojo hidofe sahani inno efut iko attagoŋi hunna etimojori hiyyo illo Hollum. ⁹ Atta isia hidol fure ŋejuk hijo; osiru to hoi hadumuni iko haŋari iduanyiti inno Buk nia. Ati ottohe iso iyye ojo Hoto nohoi nafa enyiaŋu hiyyo to Hollum. Afanu isia to misihi, to hirorita, to woyyojin iko ta fau daŋ. ¹⁰ Ehumak itai to hosie obie iko hetimojok hotomoje Hollum anyar etihabwo fau.'' ¹¹ Egonyu nayya ojo etiru hidolita ino anjilohien ilo ekolok lahabwua iko caŋi ojo mawrok. Ara ifa iluluŋ nohosie alif tomon ne ino alif tomon ojo alif iko alif arai. ¹² Ero isia wuoloŋ wuoloŋ hijo, ''Osiru iso to Ker lafa oye hattoŋitari iduariti, ibariti, ofioroho, ojo golon iko Baŋi ojio hitihabuo.'' ¹³ Etiru nayya hirro innafa oyyeuni daŋ te ido ojo ta fau iko to hotwe fau, ojo hijo, ''Isiara lia le ettole to hittoloji, ojo lo Ker hatamanyai man mak.'' ¹⁴ Origoŋo maruak ta fau atta mojo, "Atta ciaŋi aŋwan hijo, ''Amen!'' atta maruak ebirok wati innohosie ta fau atta hitihabuo inyia.