¹ Ta halu ho hirro hunna daŋ, arriŋ nayya ahide ido atta nayya egonyu hikat aŋa to hide ido, etiru nayya hutuk inna owuon iyya furuju no ottu to ido, ojio hijio, woŋ eni anyar etuhutek nayya tohoi hirro inno afanu isio. ² Nafa awuana nayya iko Oyiri, egonyu nayya tuŋani te ido ille ettole to hittoloji. Owuon tuŋani lia ettole iyya moru no ogil. ³ Ojo hidofer ohilok ekolok hittoloji nyia. Owuon ohilok nyia iyya moru igara. ⁴ To hittoloji nyia, owuon hittolojita tomwana arik ha aŋwan inno ettolojori marwak tomwana arik ha aŋwan ojio hidofe marwak liyya eciefita bongojin boŋi ojo ohuluhi to hosie hosie. ⁵ Emedek hitoloji nyia ojo hidofe etir iyya hila. To hosire ho hittoloji, owuon lomot hattarik hunna ara iyya oyirihien hattarik inno Hollum. ⁶ Ojio hidofe to hosiere ho kurus owuon hari no onyieta dee na aciala iyya miraya. Ekolok hiyyeti aŋwan inno owuar kurus nyia ojio hidofe owuon aŋati ho kurus. Obore honyiehite innohosie to hosiere iko ta halu. ⁷ Ocialari ciaŋ hitieri iyya emie, ojo ciaŋ hitarihi ocialari iko tawo, ojio hitahunihi ocialari iyya homom no tuŋani, ojo hidofe hitaŋwani ocialari iko okuliriŋ lo efirita. ⁸ Owuon ciaŋi inia daŋ iko huwa ojo honyiehite owuon to hide iko ta fau. Holoŋitek daŋ odule isia hijio, "Odua, Odua, Odua, Habu Hollum La agalik daŋ inyia lia owuon, inyia lia owuon man beren, lo ottu wan.'' ⁹ Le esiara ciaŋi niyya ohuo ojio baŋi iko humo to lia le ettole to hittoloji, lia la amanya man mak. ¹⁰ Atta ati maruak tomwana arik ho aŋwan safuho to hosiere ho lia ettole to hittoloji. Origoŋo isia to hosiere he lia amanya man mak atta ebirok ohuluhi innohosie to hosiere ho hittoloji, atta hijo, ¹¹ Habu lohoi iko Hollum lohoi, osiru tohoi hamojini hitihabuo ojo duaran, iye eyiu hirro daŋ atta isia wuana wahan nohoi.''