¹ Ta anjilo le ikelesia na Sardis: Hijo, 'Ero lia lowuon ho oyirihien hattarik illo Hollum ojo haher hattarik. "Ayyen naŋ hirro inne egiem itai. Hidofe hiyyo ojo ewuar iyye ati ebe iyye ewuar nobo. ² Toriŋai nanyar ejo hidofe etigol hirro inna arasa nyo eliaha isia hisaha, nyo abe naŋ arrumek libe no higiemita innohoi to hosiere ho Hollum hanaŋ lobotie. ³ Togilu inne efwotu itai iko inne etiru itai. Iruho isia ojo eloyit tajia innahatai. Ati lobe itai leriŋa, attu naŋ to hatai iyya lohoho ojo hido itai ebe eyyen far na lattuni naŋ harumuni itai. ⁴ Ati owuon fureta inne illak hiyyo loŋwan dia ta Sardisa illo obe letibwot boŋojin inno hosie. Ofu iso isia loton ika naŋ atta eciofok boŋojin inno obuor, nyo osiru isia. ⁵ Lia leyyale, eciofok iso inyia boŋojin boŋi, abe iso naŋ efufus fure nohonyie ade tara Buk no Wuaran, ero iso naŋ to hosiere ho Monye hanaŋ, ho anjilohien innohonyie. ⁶ Lewuon iyye ho yohe, itira hirro inne ero Oyiri te ikelesiaha." ⁷ v 7Ta anjilo le kelesia no Filadelfia; Ero lia lo olibo ojo obis; otoŋita inya iŋanyit na Davide; oremik inya hiŋa ikat nobe lobo tuŋani oremik esionok, lesionok inya ikat obe lobo oremik hiŋa. ⁸ Ojo inya hijo, ayen naŋ higiemita inohoi, towolo, aŋek naŋ to hoi ikat to hosiere hoi no obe lobo tuŋani oremik esionok. Ayen naŋ hijo odicio golon nohoi, ati edule iye baŋi hiram nanaŋ ejo hebe iye erisa fure nanaŋ. ⁹ Toriŋai! owuon hiyo ilo Sitan ilo ojo era isia ilo Yudea, ati oteler isia. Toriŋai arosok iso naŋ isia hafanu rigoŋi to hejek inohoi, man afanu isia hiyen hijo amuno hada naŋ iye. ¹⁰ Edule iyye rori inanaŋ to dihan, ati eriria iso naŋ iye to saa no hususuta nottu ciama hiyo daŋ ila amanya ta fau. Atu iso naŋ kwak. ¹¹ Ogolik to hiro ino owuon iko hoi, hijo hotobiaŋa lobo tuŋani eyari tamu ade tara hoi. ¹² Lia le eyale, ehumak iso naŋ inya iya ahalai ta haji ho Hollum nanaŋ. Obe iso inya ojiŋu ade teya, egiorok iso naŋ fure no Hollum nanaŋ to honye iko fure no doŋe nanaŋ, ara inyia Yerusalem ŋejuk ne'suru te ido tara Hollum nanaŋ, ojo egiorok iso naŋ fure nanaŋ to honye. ¹³ Tuŋani lowuon ho yohe, isiara hetiru, tojo inyia hetiru rori inne ero Oyrir te ikelesiaha.' ¹⁴ Ta anjilo lowuon te ikelesia no Laodesia egioro: 'Ero lia lara dede ojo hidofe ara asut lolibo lobe oteler. Inyia lia lafa to hitieri no hirro daŋ innafa oyyeu Hollum. ¹⁵ Ojo inyia: Ayyen naŋ higiemita innohoi nyo ebe iye elik ojo iyye ebe enok. Olibo ida ta hanaŋ lelik iyye kuyya le'nok iyye, ¹⁶ Ati era iyye iyya hifioŋ inno ojo luu, ebe iyye enok ojo hidofe ebe elik- Ati amitai iso naŋ iyye ade to hutuk hanaŋ. ¹⁷ Ejo iyye hijo, "Abara naŋ, awuon hidofe naŋ he ibariti arria, Iyyania abe naŋ awak nobo sihin; ati ebe itai eyyen hijo ewuon itai iko hijiriŋita, ifiahajiti, hilociaŋ, ŋode, ojo hidofe itai ewuon aŋatturre. ¹⁸ Ajo naŋ ta hatai hijo inyiaŋu yiel tara hanaŋ nehuhumuni to hima atta iso itai bara. Inyiaŋu boŋojin inno obwor anyar eciofok itai hijo hotobiaŋa itai etuhutek irri hijo hotobiaŋa itai ewuon aŋatturre, imuhok to honyiehite innahatai anyar egonyu itai. ¹⁹ 19Esiŋa naŋ ajo hidofe abaha durrre daŋ illa amuno naŋ, iloito taji nohoi eijo hidofe etigol wan. ²⁰ Toriŋai, awueta naŋ te ikat ajo hidofe ekukuho te ikat. Letiru lobo tuŋani hutuk hanaŋ atta hiŋa ikat, attu iso naŋ manya ta haŋ honyie, atta naŋ daha he inyia, ojo hidofe inyia owuon iko nayya. ²¹ Lia le eyyale, ettole iso iko nayya to hittoloji hanaŋ iyya nafa eyyalari naŋ atta naŋ hittole ho Monye hanaŋ to hittoloji nohonyie. ²² Lia lowuon ho yohe, isiara hetiru rori inne ero Oyiri te ikelesiaha daŋ."'