¹ Afanu anjilohien hattarik illafa oyita kurahien hattarik daŋ atta hijo ta hanaŋ, "Woŋ, etuhutek iso naya hiyo ŋoto ne isomo nettok ne ettole to hariak ariai, ² ilo oroto habwok he inya ta fau ojo hidofe eboto ilia amanya ta fau atta isia eyyau hiro ino somon." ³ Atta anjilo eyyari nayya a mura to Oyiri ajo naya ata egonyu nobo hito noŋorwo ne ettole to horwoŋ ho ciaŋ no odo binno nefut ho fureta imoriti. Owuon ciaŋ nia ho hossi hattarik iko muarrak tomon. ⁴ Eciefita ifa hiito noŋorwo nya boŋo no' owuon iyya bulu ojo hidofe eciefita yiel to murut iko morwo inno opipiak. Otoŋita ifa inya ta hani nohonyie kos nara yiel nefut ho hirro inno orru ojo hibwotita ino hiro inno somon nohonyie. ⁵ Ne egioro to homom nohonye hiro inne eŋofo hijo: "Babilonia ne ettok, hotonye hasomok iko hiro ino eturu fau." ⁶ Egonyu naya hito noŋorwo nia orumu ho hoto no heruhok iko hoto no hayok ilo oye to hiram no Yesu. Ifa egonyu inyia, eliliha ifa naŋ bino. ⁷ Ati ojo anjilo ta nanaŋ, "No nyo eliliha iye? Elimak iso naya hiram no hito noŋorwo nia iko no ciaŋ nia ahafita inyia (ciaŋ nowuon ho hossi hattarik iko maruak tomon) ⁸ Ciaŋ nia ewolo iyye iyyania, obe amanya iyyania, ati owu iso awoŋ te iwudo. Owu is inya etiharari. Lia ila amanya ta fau, iko ilia ilo obe fureta inohosie egioro to Buk no Wuaran man to hitieri hafau-- Eliliha iso isia legonyu isia ciaŋ nyia nobe oliew iyania, notu iso awoŋ. ⁹ Awak hiram inna ofioroho. Ara hossi hattarik doŋiok hattarik netolojori hiito noŋoruo nia. ¹⁰ Ara hidofe isia habuok hattarik. Ohuye habuok hattarik, ojo lobotie owuon, ojo hidofe lobotie holobe awoŋ; lawoŋ inyia, ottu iso inyia wuana kai lettiŋ. ¹¹ Ciaŋ nafa amanya, ati iyyania obe oliew, ara inyia habu hitahottohunihi ati ara inya la habuok hattarik ati owu iso inya ahima. ¹² Ara muarrak tomon inia habuok tomon hullo holobe amoju obie, ati amoju isia hilohittok iyya habuok to saa nobotie iko ciaŋ. ¹³ Owuon higigilo nohosie nobotie, man atta hisio golon iko hilohittok nohosie to ciaŋ. ¹⁴ Efura iso isia fere hariomori iko lonyi Ker. Ati omir iso iso lonyi Ker isia nyo ara inyia Habu la habuok iko Ettok le ettaha- owuon iso inyia iko hiyyo ilohonyie ilafa eliloŋu inyia, onyimot iko heruhok." ¹⁵ Ojo anjilo ta hanaŋ, "Hifioŋ inia egonyu itai, tamai netolojori hasomok, ara hiyo, iluluŋi, woyojin iko, hirorita. ¹⁶ Muarrak tomon inia egonyu iyye--oliwari iso ciaŋ he inyia isomo. Etihar iso isia inyia atta hidofe hibut inyia aŋatturre, atta aswuahahini iso inya to hima. ¹⁷ Emak Hollum ta tajia innohosie hehumai igem nohonyie nyo eruk isia hisio golon nohosie hekumori ciaŋ man otubari hiro ino Hollum. ¹⁸ Hiito noŋoruo nara egonyu iyye, ara inyia doŋe nettok netimanya habwok daŋ illo fau."