¹ Ta halu ariŋai naŋ atta nayya egonyu lonyi Ker ille owueta to hosiere hanaŋ to Doŋe ho Sion. Owuon hiyyo daŋ he inyia 144,000 inno owuon ho fure nohonyie ojio fure no Mony honyie to homomite hosie. ² Etiru naŋ hiro inna ottu te idou inna ara iyya hitiri no haria arriai ojio hidofe iyya hitir na hai inna okwat. Hitir ne etiru nayya ara hidofe iyya hiyyo hulo erribo doŋi innohosie. ³ Edolo isia fureta ŋejuho to hosiere ho hitoloji ojio iyyeti aŋwan hunna owuar wati iko maruak. Obe ifa lobo tuŋani oremik hidolo fure nyia aracie hiyyo illafa 144,000 illafa etilohini ta fau. ⁴ Isia ilia illafa obe owuon ho ŋorwo. Olibo isia iyya hodwoti inna obe otirohini ho hiito oliawa. Isia ilia hullo ejufuta lonyi Ker. Enyiaŋini ifa ilia to hiji ho hiyyo hijio anyar ara haŋer hitierita illo Hollum arik ho lonyi Ker. ⁵ Obe ifa teleri to hutuhen hosie. Obe ifa nobo hipali tara hosie. ⁶ Ta halu, egonyu nayya lobo anjilo edarra ahide idou ojio inyia owuon ho sayye hunna olibo wati hunna odule wati fuur elimahini to hiyyo illa amanya wati ta fau, isiay woyojin inno hiyyo bidaŋ, hikienita inno hiyyo daŋ gele gele, ojio obiehien daŋ. ⁷ Ero inyia ania no okuat binno hijo, "Itibaŋa Hollum, isiara kwatan to honyie, to nyo awoŋ holoŋ no ŋoto nohonyie. Itihabue lia lo oyyeu wan ido arik ha fau, ojio hifioŋ arik ho otilik.'' ⁸ Ejufari anjilo hitarihiri inyia atta hijo, ahuye, ahuye Babolonia doŋe nettok, etimat ifa inyia hiyyo hullo ta fau daŋ hifioŋ inna ajalaŋi inna ara wati isomiti innohosie.'' ⁹ Ejufari anjilo hitahunihi isia atta hijo to hutuk to no okwat hijo, ''Le etihabuo wan ciaŋ arik ho rijori nohonyie, atta amoju higwarit to homom honyie kuya hidofe ta hani nohonyie, ¹⁰ amat iso inyia hifioŋ inna ajalaŋi hunna ara wati ajore no Hollum hunna obe eharrahini ho hifioŋ. Amat iso inyia to kos inna ho jore no Hollum. Etigiama iso hiyyo hamatani lia to hima ojio nohon to hosiere ha anjilohien hullo olibo wati ojio hidofe to hosiere ho Lonyi Ker. ¹¹ Etulak iso furo no hetigiamak ilia hire ahide man fur. Obe iso isia oremik eyyomu ta far ojio hidofe ta tari. Isia ilia ille etihabuo wati ciaŋ arik ho rijori innohonyie arik he illo omoju wati hiŋiesita no fure nohonyie to homomite hosie. ¹² Etiliek hirro hunaŋ hidik no hiyyo illo Hollum, isia ilia hullo aŋunai wati hifahita inno Hollum ojio hiruk to Yesu Kristo.'' ¹³ Etiru nayya hutuk ero te ido hijo, egioro hijo, isiara illo oye wati to huruk ta Habu hotomune to holoŋ tena man fuur. Ojio Oyiri, "Ara dede, isiara isia hotoyiri to higiemita innohosie to nyo ejufita hihumita innohosie isia.'' ¹⁴ Ta halu hena egonyu naŋ hidis inna obwor ojio lobo tuŋani ettole te ilia ocialari ho Lonyi Tuŋani. Owuon inyia ho yiel inna eciofok to hoo honyie ojio demi inna ofu wuana ta hani honyie. ¹⁵ Ojiŋu anjilo lobo ta mai inna odua wan atta hillilloŋ no okwat to lia le ettole wan to hidis atta hijo, todumu demi nohoi, ojio todioŋoi ŋama inohooi nyo odon mana nyia ta fau ojio hidofe era holoŋ no dioŋo. ¹⁶ Teyya atta lia le ettole wan to ohidis ebirok demi nohonyie ta fau atta fau adieŋini. ¹⁷ Ojiŋu anjilo lobo te ido ta mai inna odua wan; owuon hidofe inyia ho demi inna ofi. ¹⁸ Arasa lobo anjilo ajiŋu tohotwai hitidwari ina owuon ho duaran no hima, atta inyia hililoŋo no lokwat to anjilo ile owuon ho demi no ofi wan atta hijo, todumu demi nohooi, toŋot ajalaŋi ina ta fau nyo odon haŋer innohonyie. ¹⁹ Attati anjilo ebirok demi nohonyie ta fau atta attubak haŋer ina ajalaŋi te iwudo inna omwatari isia, inna ara iyya jore no Hollum. ²⁰ Omwata isia hifioŋ inn haŋer inne ajalaŋi to oger na haŋ atta hoto awoŋ teyya atta adilu sigaji no husan ojio hidofe onyior maili man hisihai arik.