¹ Ifa egonyu naŋ ciaŋ lotu ade to hotwe hari nettok. Owuon ifa inyia ho muarahi tomon ojo hosi hattarik. To hide ho muaraha niyya honyie owuon ohuluhi inna lara tomon to hoo honyie owuon fureta tomon inno lo moro to Hollum. ² Ciaŋ nya lawolo naŋ owuon iyya huwaru lomini. Owuon hejek innohonyie iyya inno lohute atta hutuk nohonyie wuana iyya ne emie. Esio idaraŋ inyia golon ojo obie nohonyie ojo hifiriwa ne lekumori inyia. ³ To hoo ho ciaŋ nyie nobotie oliew horroŋon inno lowuon iyya isia leyyani ye tohonyie. Ati olibe ifa horroŋoni nyia. ⁴ Omojo hidofe isia idaraŋ nia ati to hisio nohonyie golon no honyie to ciaŋ nya. Omojo isia binno ciaŋ nyia, odule hijo, ''ŋai ara iyya ciaŋ?'' ŋai iso oremik ŋalafa he inyia?'' ⁵ Esiarahini ifa ciaŋ nyia hutuk herarari hirro inno hitidara iko emoriti. Esiarahini ifa hilohittok to honyie ta yafajin tomwana aŋwan ha arik. ⁶ Atta ciaŋ nia hiŋa hutuk nohonyie herarari imoriti to Hollum: omoro fure nohonyie, mai na amanyari inyia, iko hiyyo illa amanya te ido. ⁷ Esiarahini to ciaŋ hijo anyar orem inyia iko heruhok anyar eyyale isia bidaŋ, Ojio hidofe hilohittok esiarahini to honyie hagalihini woyyojin, hiyyo, hirorita iko doŋiok bidaŋ ta fau. ⁸ Hijo anyar etihabuo hiyyo illa amanya ta fau inyia, hijo tuŋani lo obe fure nohonyie egioro, man to hitieri na fau, to Buk no Wuaran, na ara no Ker, lafa oye. ⁹ Lo owuon lobo tuŋani ho hiyok isiara inyia hetiru. Lowuon lobo tuŋani awak inya eno efitari, isiara inyia heno efitari. ¹⁰ Lowon lobo tuŋani la awak ye to demi nettok, oye iso iinyia to demi. Isiara hiyyo illo Hollum hoto di hitigiemita ojio hidofe eruk to honyie. ¹¹ Egonyu nayya nobo ciaŋ no ojiŋu ta fau. Owuon inyia iko muarrak arik iyya lonyi ker, ojio inyia amala iyya munu, owuon inyia iko hilohittok inno ciaŋ hitieri, atta inyia etuhutek hilohittok nyia to honyie. ¹² Ojio hidofe inyia orroso inyia hiyyo bidaŋ fau, iko hiyyo illa amanya ta fau hetihabuori ciaŋ inna hitieri nafa owuon iko horroŋoni nafa awak attohe inyia, ati olibe inyia. 13Egiama inyia idwariti hunno hittaha, ojio hidofe egiemu hima nolottu afau te ido to hosiere ho hiyyo. ¹² Ojio hidofe inyia orroso inyia hiyyo bidaŋ fau, iko hiyyo illa amanya ta fau hetihabuori ciaŋ inna hitieri nafa owuon iko horroŋoni nafa awak attohe inyia, ati olibe inyia. ¹³ Egiama inyia idwariti hunno hittaha, ojio hidofe egiemu hima nolottu afau te ido to hosiere ho hiyyo. ¹⁴ To hituhutita innafa ojio hiyyo to honyie igiama, anyaŋa inyia hiyyo illa lamanya ta fau, elimak inyia to hosie hijo ihumuak nobo rijori no ciaŋ nyia nafa leriafini to demi, ati harasa wuaran. ¹⁵ Esiarahini golon to rijori no ciaŋ hijo anyar ero rijori ojio hidofe emak hiyyo illo obe etihabwo inyia hotoyo. ¹⁶ Orrosok hidofe inyia hiyyo bidaŋ, illo obe anyar, illo ogol, illo asam, ille elociaŋ, illo obe efita, iko piti hamojuni hituhuti ta he inyiet iko to homom. ¹⁷ Ogolo ifa binno to hiyyo illo obe owuon iko hituhuti no ciaŋ, nimira ne etuhutek fure nohonyie. ¹⁸ Awak hiram ina hilofere. Lia lo owuon iko ofioroho, isiara inyia hotoyyen nimira no ciaŋ. Ara nimira nia no tuŋani. Ara nimira nia 666.