¹ Alew hitiyenita ifa te idou: eciofok ifa hiito noŋoruwo holoŋ, ojo yafa te hejek honyie ojo hidofe eciofok aciofok tamu inna owuon iko haheri hattarik to hoo honyie. ² Owodi ifa inyia bi hidofe oyoo to holoŋ no hitado nafa etadori inyia hiito. ³ Edas ifa nobo hitimijani aliw te idou: Toriŋe! Owuon ifa munu inna riet iko hosi hattarik ojo muarrak tomon ojo tamuho hattarik to hosi hose. Afie ifa lisa nohonyie hitahunihi no haheri ade te idou atta ebiru afau. ⁴ Odiote ifa munu nia to hosiere ho hiito noŋoruo nafa awak hitado, hijo lo ojo tuŋani nia etado, anyar honyie ahu inyia adile hiito no tuŋani nia. ⁵ Esiu tuŋani nia hiito oliawa, lafa ojo anyar ottu hikumo misihi daŋ ta hali bileta. Akuwarrari ifa ade hiito no tuŋani nia to Hollum iko to hara nohonyie, ⁶ eruwata ifa tuŋani nia amur, amai nafa ehuhumak Hollum atiorok to honyie, hijo anyar ohu honyie hiriria dia man holoŋitek 1,260. ⁷ Iyania owuana ifa rem te ido. Mikele ojo anjilohien ilohonyie etiŋalafa ifa isia munu nolowuon iyya hinyiaŋ; ojo munu nia iko anjilhien illohonyie elionyu nohosie. ⁸ Obe ifa munu owuon iko golon heyyalari. Obe ifa mai tara ho munu nia iko anjilohien illohonyie te idou. ⁹ Munu nia inna hittok inna maruani nafa ellliloŋo hijo Sitan lafa enyieb fau daŋ-- ebiru ifa afau, iko anjilohien illohonyie. ¹⁰ ati etiru ifa naŋ hutuk nolokuat man te idou: "Iyyania awoŋ hetilohini, golon iko obie no Hollum lohoi ojo hikumita inno Kristo. Ebiruni ifa harosoni ne ilasira hohoi inni afau--lia lafa odule roso isia to hosiere ho Hollum ta tari iko to motie. ¹¹ Eyyale iso isia inyia to hoto no Ker iko to hiram no hitimijita innohosie, hijo obe isia omuno imanyiti innohosie bi inna no iko to ye. ¹² Ati itumune, itai idosien iko lia la amanya to hosie daŋ. Ati orru iso ta fau iko haria nyo awoŋ henyiabani enni afau ta hatai. Efut jore to honyie no obolo, oyyen inyia hijo awuon inyie iko holoŋitek innohonyie kai ta fau. ¹³ Ifa leyyen munu hijo ebirini inyia inni afau, eno inyia etufari hiito noŋoruo nafa hetek esiu hiito oliawa. ¹⁴ Ati esiarahini ifa hiito noŋoruo huwua inno okuliriŋ hunna obolo hijo anyar efiritari amai nafa otiorohini ifa beren tohonyie to wati, mai nyia no ofuye eririari inyia, to holoŋ, to holoŋitek iko nus no holoŋ ade tara Sitan. ¹⁵ Atta munu ejuhe hifioŋ ade to hutuk nohonyie iyya hari inna onyieta iyya igura no oremik awatari inyia ade. ¹⁶ Ati etiluahu ifa fau hiito noŋoruo nia ifa eŋa fau hutuk atta adile hari nafa ejuhuni to hutuk no munu ade. ¹⁷ Ati ejoria ifa munu binno to hiito noŋoruo atta eno hijo anyar ahu inyie ehumak rem iko durre inno tuŋani nia--ilia hullo oniŋe hifahita inno Hollum iko ilia illo odule golon to hituhutita inno Yesu. ¹⁸ Owueta ifa munu nia to hide ho siŋata to otifor na hari.