¹ Ojo Yesu tohosie hijo, "Dede, obe iso illak illahatai eniŋ ye holobe egonyu hawoŋ no obie no Hollum iko golon". ² Ta halu ho holoŋitek ile, eyari ifa Yesu Peturu iko Yokobo ojo Yoani ahide ho doŋe. Teyya eloito Yesu to hosiere hosie. ³ Eloito boŋojin innohonyie boŋi atta hidofe opiapiak, boŋi nono, agalik boŋojin hunna elila hiyyo hubwat ibwatit agalik ibwatiti inno fau inna daŋ. ⁴ Ifa teyya, olieu Elija iko Musa to hosie, le ero iko Yesu. ⁵ Etiraŋ Peturu atta hijo to Yesu, "Hetiyanani, osiru toohoi hawuanari inni, eduhok iso iyyohoi hajik hunik. Eduhok nobotie to hoi, nobotie to Musa ojo nobo to Elija. ⁶ (Nyo obe Peturu oyyen hijo ajo iso inyie nyo. Abaŋ ifa heyiyanak bino.) ⁷ Ottu itiran atta etihok isia. Ojio hiro atta awoŋ to itiran, no ojo, "Onyi hanaŋ ille la amuno nayya binno, itira to honyie." ⁸ Teyya, atta isia riŋita ati obe isia egonyu lobo tuŋani, aracie Yesu hame. ⁹ Nafa esuru isia to doŋe, etotek Yesu heyiyanak illo honyie hijo hotobiaŋa elimu hirro inno egonyu isia man ebuhu Onyi Tuŋani to ye. ¹⁰ Omuonik ifa isia hiram nia to wati inno hosie atta isia hifi wati illohosie hijo, "Hebuhu to ye, hojio nyo? ¹¹ Ette isia hifi inyia, "jai ojo hegiorok hijo otu iso Elija hosiere?" ¹² Etiraŋ inyia to hosie , "Ottu iso Elija to hosiere dede hehuhumak hirro bidaŋ nA anyar. Nyo ati egiorohini hijo orrumu iso Onyi tuŋani hitigiemita iko arria ojo hiyyo oliwari inyia? ¹³ Ati elimak nayya ta hatai hijo awoŋ ifa Elija, atta isia hihuma hirro inno awak isia to honyie, iyya egioro to buk te inyia." ¹⁴ Nafa acohini isia to heyiyanak illafa ilak, egonyu isia iluluŋ no hiyyo ekolok isia, ojo hidofe etirrija isia iko hegiorok. ¹⁵ Nafa egonyu isia Yesu, ellilliha iluluŋ no hiyyo atta hinyior man to honyie atta efotu inyia. ¹⁶ Efi inyia heyiyanak illohonyie, "Errija itai nyo iko isia?" ¹⁷ Etiraŋ lobo to hiji he iluluŋ to honyie, "Hetiyanani, eyyani nayya to hoi onyi hanaŋ; owon inyia iko oyiri no obe esio tohonyie hirro, ¹⁸ ifa teyya, eniefu ŋwai nyia inyia atta abwrak ta fau; ojo ahabunak atta hidoŋ to hutuk honyie, hidofe errita hala, ojo wan no honyie atta agole. Efi nayya hetiyanak illohoi hefuhai ŋwai nia honyi adde, ati obe isia oremik. ¹⁹ Etiraŋ Yesu to hosie man anu iso amanya nayya ikatai hilahaji inna? adi iso nayya itai Jai? Hadi yani inyia ta hanaŋ." ²⁰ Eyyani isia lia to honyie. Nafa egonyu oyiri Yesu, atta ehumak ahahwe. Ohuyik oŋeyye lia taf au atta ahabunak hidoŋ to hutuk. ²¹ Efi Yesu monye hiito hijo, "Hesok ŋwai nia honyie holoŋitek jai?" Ojo monye atta hijo, "Man halara ahiito. ²² Odule hibirita to hima iko to hifioŋ, awak hidofe hitihar inyia. Ati leremik iyye hitilibo inyia, omehini toohoi tolwak iyyohoi." ²³ Ojo Yesu to honyie, "Le eremik iyye, oremik iso hirro daŋ to lia le eruk." ²⁴ Kwak atta monye hiito hiluluo hijo "Yesu eruk nayya! Toluak nayya ille obe huruk!" ²⁵ Ifa egonyu Yesu iluluŋ no hiyyo onyieru to honyie, "Atta inyia efuhak oyiri no orru hijo, "Iyye oyiri no obe ero iko no obe etira, ajo nayya to hoi, were ino adde tara honyie, henyiak ajiŋak to honyie. ²⁶ "Atta ati oyiri hiluluo binno atta hira iyya hahwe atta awoŋ adde, oriŋa hiito lia iyya oye bi, ojo hiyyo arriai, " Oye hoi inyia." ²⁷ Ati enief Yesu inyia ta hani atta hihaf ahide, ojo hiito lia atta diote ahide. ²⁸ Ifa awoŋ Yesu ahotwai haji, efi heyiyanak illo honyie inyia hijo, "Nyo ebe iyyohoi eremik efuhai ŋwai nia adde?" ²⁹ Etiraŋ Yesu to hosie, "Obe ara ŋwai inna oremik efuhari asai ania aracie tomojo hame" ³⁰ EbusakYesu iko heyiyanak illohonyie mai nia atta hucul afau ho Galilea. Ati obe Yesu awak lobo tuŋani hotoyyen mai ne ewuanari isie, ³¹ Etiyana ifa inyia efahat illohonyie. Ojo to hosie, "Esio iso hiyyo Onyi Tuŋani ta has ho hiyo, atta iso isia attohe inyia. Attohe hiyyo inyia, ta halu ho holoŋitek hunik enyiak iso inyia ebuhu to ye." ³² Ati obe ifa isia etiru hitieri no hiram nia, nyo abaŋ ifa isia hefiari inyia. ³³ Atta isia afanu anobo mai no ara fure Kapernam etiyanari. Ojiŋak Yesu ahotwe haji atta hifi heyiyanak hijo, "Nyo nara ero itai to hikoi?" ³⁴ Ati oduehini ifa isia. Teyya orija ifa isia to wati inno hosie to hikoi hijo ŋai letok. ³⁵ Ahunye inyia ta fau atta eliloŋu heyiyanak illohonyie tomon harik bidaŋ atta hijo to hosie, "Lawak lobo hira hosiere, isiara inyia to hatara halu hidofe ara hegiamani lo hegiamak to hiyyo daŋ." ³⁶ Eyari ifa inyia hiito letiŋ atta efiyak to hiji hosie. Akafu inyia hiito to ohohoo innohonyie atta hijo to hosie, ³⁷ ŋai lia oremik efotu hiito ille to fure nanaŋ, ojo hidofe efotu nayya, Le efotu lobo nayya, obe inyia efotu nayya hamai ati efotu inyia lafa efahu nayya." ³⁸ Ojo Yoani to honyie, "Hetiyanani, egonyu iyyohoi lobo tuŋani le efuhuta miniaŋa inno orru adde to fure to nohoi, atta iyyohoi hitik inyia, nyo obe inyia ejufuta iyyohoi." ³⁹ Ejo Yesu, "Ibaŋa etiwet inyia. Nyo obe lobo oremik hihuma idwariti to fure nanaŋ ojo ta halu atta hiro hirro inno orru to fure nanaŋ. ⁴⁰ Ati lo obe ara amioroni tohoi ara lohoi. ⁴¹ Le esio iyye ikobo no hifioŋ hatamat nyo ara iyye lo Kristo, dede ajo naŋ ta hatai, obe iso inyia etilitai hisiorita inno honyie. ⁴² Letipala lobo oŋeyyaha hullo tara huruk to hiram nanaŋ, osiru herriatahini moru nettok to murut honyie atta ebirok inyia ta hari nettok. ⁴³ Letipal hani nohoi iyye to hiyyata, oŋutu inyia adde. Anyar iso tohoi hajingari to wuaran iko hani no oŋuto agalik hawuanari iko has arik, atta awuyie to hima no obe eruk dunya. ⁴⁴ "Mai no hosie no obe huru oye ojo hidofe hima obe odunya." ⁴⁵ Kuya etipal heju nohoi iyye to hiyyata, oŋutu ade. anyar iso to hoi heno to wuaran ojo heju nobotie oŋuto agalik heno to hejek arik to hima no obe odunya. ⁴⁶ Aram Mai no hosie no obe huru oye ojo hidofe hima obe odunya ⁴⁷ Letipal honyiek nohoi iyye to hiyyata, ofolohosu inyia ade, nyo eyyak hajiŋak to lobie no Hollum iko honyiek lobotie agalik hajiŋahini ho honyiehite arik to hima no odule mak. ⁴⁸ Ta mai no lobe huru oye iko to hima no lobe odunya. ⁴⁹ Ociemahini iso hiyyo daŋ to hima. ⁵⁰ Olibo mile, ati lobe mile lodua, jai iso enyiak iyye emak inyia no odua? Itiwuanai iko mile tohiji hatai, ejio hidofe emanya to himwara iko hiyyo daŋ."