¹ Ara obie ne ido iyya monye mana, ille ewuan to motie beren osiahari hegiamak illo mana nohonye. ² nafa eruk inyia iko hegiamak idumuti arobia inno oremik to holoŋ lobotie, atta inyia efahak isia amana honyie. ³ Teyya atta inyia hinyak eno abali inyiak ta saa hunik atta egonyu illak hegiamak owueta to suk asai. ⁴ Atta inyia elimak hegiamak, ‘’Ifeti daŋ amana, lo owuon innak hirro inno olibo esio iso nayya ta hatai,’’ ojo hegimak. Atta isia efie te igem. ⁵ Enyiak inyia eno ta saa ile ojo hidofe enyiak ta saa hotoŋwan, atta higiem iyya nya. ⁶ Enyiak ofe ta saa tomon holobtie owu ofe abali atta arrumu illak oweta asai. Atta inya hijo to liyya, ‘Nyo eweta itai inni asai far daŋ? Ojo isia atta hitirraŋ to honyie hijo, ‘Obe hido lobo tuŋani lo ojuru iyyohoi.’’ ⁷ Ojo inya atta hijo to hosie, “Ifeti daŋ amana.’ ⁸ Nafa era iŋalio, atta monye mana hijo ta hatunani lohonyi, ‘Ililoŋo hegiamak daŋ odumak higiemita inno hosie, itiarai to hucuŋi man to hitieri.’ ⁹ Nafa afanu hegiemak illafa egiama daŋ man ta saa tomon holobotie, ohoru tuŋani daŋ arobia innafa eruk isie to holoŋ lobotie. ¹⁰ Nafa afanu hegiemak illafa ho hosiere, egigilo ifa isia hijo ehoru iso isie arobia arriai, ati ohoru isia arobia innafa eruk isia. ¹¹ Nafa ahoru isia idumuti innohosie, ejullumori isia to monye mana. ¹² Atta isia hijo, ‘Hegiamak hullo hahalu esok isia saa lobotie ja te igem, ati etirrik itai idumuti innohosie daŋ iko innohoi, iyyohoi hullo edik hitaban na far iko nohon no holoŋ.’ ¹³ Ati etirraŋ monye mana atta hijo to lobo lohosie, Illa, abe nayya egiem ta hatai noloru. Obe ifa itai eruk ikanaŋ idumuti arobia lobotie? ¹⁴ Omoju, ino ara innohoi atta iyye eno hikoi nohoi; Ara munei nanaŋ hesiarari to hegiamak illo halu iyya ta hatai daŋ. ¹⁵ Hobe olibo ta hanaŋ hesiarari ibariti innanaŋ to tuŋani la awak nayya? Ehayin itai to libe himorot hanaŋ?’ ¹⁶ Ati ara iso halu hosiere, ojo hosiere halu.’’ ¹⁷ Iyya nafa eno Yesu man a Yeruselem, eyari ifa inyia iko efahat tomon harik, ati to hikoi ojo inyia to hosie, ¹⁸ ”Itiwolo, efu man Yeruselem, ati owu iso Onyi Tuŋani esiarahini to ettaha illo fadirihien iko hegiorok. Ofu iso risai inyia hotoyo. ¹⁹ ofu iso hisio inyia to halufak anyar omoro inyia, ahaf inyia, atta esihok inyia. Ati to holoŋ hitahunihi owu iso diote ahide.’’ ²⁰ Teyya, atta hotonye onyirok inno Sebedeyo awoŋ iko onyirok honyie to Yesu; origoŋo inyia to hosiere honyie atta hifi innak hirro tara honyie. ²¹ Ojo Yesu to honyie, “Ewak iyye nyo’. Ojo inyia to Yesu, ikumok onyirok hanaŋ hulo ohorik hotohunye lobotie ta hani he inyiet ojo lobotie ta hani he ihorroŋ to lobie hoi.” ²² Ati etirraŋ Yesu atta hijo, “Obe iyye eyyen rori inne etitifa iyye. eremik iyye himat ikobo inna eliaha naŋ himat?” Ojo isia to honye, “Eremik iyyohoi.” ²³ Ojo inyia to hosie, “Emat iso na itai ikobo nanaŋ. Ati hahunyei ta hani ho inyiet hanaŋ iko ta hani he ihorroŋ hanaŋ obe ara nanaŋ hesiarari. Ati ara no illo illafa ehuhumak monye hanaŋ to hosie” ²⁴ Nafa etiru heyiyanak illak ilia tomon daŋ ania, obe ifa isia omuno iko halasirak ilia ohorik. ²⁵ Ati eliloŋ Yesu isia to honyie atta hijo, “Eyyen itai hijo arosok huwo illo olufa isia, ojo ettaha illohosie etitiyana toŋita nohosie to isia. ²⁶ Ati to hiji hatai hotobiaŋa ara ania he itai, tuŋani lawak hira letok to hiji hatai anyar ara pit lahatai; ²⁷ tuŋani hidofe lawak hira hosiere to hiji hatai anyar ara hegiamani lahatai; ²⁸ Iyya obe Onyi Tuŋani ottu hijo anyar egiema hiyyo to honyi, ati ottu egiemari, ojo hidofe esio manya no honyie iyya idumut no huwo arria.” ²⁹ Nafa efie isia ade to Yeriko, ejufari iluluŋ nolobolo inyia. ³⁰ Dia, etole ifa haŋodok illak lohorik to oger ho tuluba; nafa etiru isia hijo lia Yesu owu teyya aŋati, eyyorro isia atta hijo, “Habu, Onyi Davide, tomehini iyyohoi.” ³¹ Ati etiwet iluluŋ isia, atta elimak to hosie hotoduai. Ati ojo isia arasa ettulak yio ojo, “Habu, Onyi Davide, tomehini iyyohoi.” ³² Nia oweta Yesu atta hitirraŋ isia, “Ewak itai anyar egiem nayya nyo ta hatai?” ³³ Atta isia hijo to honyi , “Habu, anyar ida oriŋa honyehite inyohoi.” ³⁴ Nia tomune no Yesu, atta Yesu hitan honyehite innohosie. Teyya atta isia hison riŋai atta ejufak inyia.