1
Eliaha ifa holoŋ ne imune ne efurek isia hijo Laŋan.
2
Atta ettok la fadirihien iko hegiorok huwaha hijo hehum iso jai anyar ettohori Yesu, ati abaŋ ifa isia hiyyo.
3
Atta ati Sitan ajiŋak to Juda Iskariote lobo lo tomon ha arik.
4
Ohu Juda ade te ettok lo fadirihien iko ettaha illo loseŋer ofwo huwaha ho loseŋer ofwo huwaha jai iso leyyani inyie Yesu to hosie.
5
Omuno ifa isia, atta isia huruk hisio inyia arobiaha.
6
Eruhu ifa inyia, atta siaha ikoi ne leyyanini inyia to hosie ade tara iluluŋ no hiyyo.
7
Awoŋ ifa far ne eyyomori hiyyo imune anyar ofwo isia hisio ker ahisiori.
8
Atta Yesu efahak Peturu iko Yoani hijo, ifeti ihumak daha na laŋan anyar efwo daha.
9
Efia ifa isia inyia, "Hewak iyye iyyohoi ehumak daha aji?“
10
Etiraŋ inyia te isia hijo, "Itira, lejo itai ejiŋak to bore na gala, efu iso itai hiboŋ ho lobo tuŋani leyyuhuta hifioŋ. Ijufak inyia ahaŋ nia lowuye inyia.
11
Ati ilimak monye la haji iko hetiyenani to hoi, “Tahu haji na hatamonok, nia iso ladahari naŋ daha na laŋan iko hejufutak illallaŋ?'''
12
Etuhutek iso inyia itai haji nettok na etuhuma dia hide na lalat.“
13
Ofwo isia atta arruma saŋ daŋ iyya ojo inyia to hosie.
14
Ifa leba holoŋ nia, ahunyie inyia iko heyiyenak illohonyie.
15
Atta inyia hijo tohosi, ”Awahan naŋ bi no daha no laŋan iko tai holobe hitigiema.
16
Ati ajo naŋ ta hatai, abe iso naŋ ladaha inyiak man ottuba obie no Hollum.“
17
Atta Yesu adumu imatit, ifa esio inyia humo, atta inyia hijo "Iyari inna, atta itai hibwan to wati innahatai.
18
Ati ajo naŋ ta hatai abe iso naŋ enyiak himat tara haŋer inno yani, man ottuni obie no Hollum.''
19
Atta inyia adumu imune, ifa esio inyie humo, ewur inyia imune atta hisio to hosie, hijo, “Ara innaŋ wan nanaŋ nafa esiarahini ta hatai ihuma inna atta itai egigilu nayya."
20
Atta inyia adumu imatit ta halu no daha. Atta hijo "Ara imatit innaŋ himori ŋejuk to hoto nanaŋ no lowouni te itai.
21
Ati ihuma riŋa. Lo ohu etinyiaŋi nayya lia owuon ikanaŋ to terefeja.
22
Ati eba iso hirro inia iyya egioro ifa man beren to Lonyi Tuŋani. Ati orru iso to tuŋani lo ohu hirro inia afanu tara honyie!''
23
Atta isia hitiara hiro ta wati illohosie hijo ŋai iso lia lo ohu higiem hirro inia to honyie.
24
Teyya edoŋ rijia to hosie hijo ŋai iso ara ettok tara hosie.
25
Atta inyia hijo to hosie, ''Ara habwok illo Jentail ettaha tara hosie, ati hiyyo illo owoun iko hilohittok tara hosie ara isia hiyyo ille ehuma no olibo to hiyyo illohosie.
26
Ati hotobiaŋa ara ta hatai daŋ ania. Isiara la ara ettok tara hatai hatara iyya lettiŋ, isiara hidofe lia la anyar to hiji hatai hatara hegiamani lahatai.
27
Lari lia agalik, tuŋani le ettole to terefeja iko tuŋani le egiama ta hatai? Hara mahu tuŋani le ettole to terefeja? Ajo naŋ awuon to hiji hatai a hegiamani
28
Ati itai ilia ille edule ikanaŋ te iciemiti innanaŋ.
29
Esio nayya ta hatai obie, iyya esio Monye hanaŋ ta hanaŋ obie,
30
hijo anyar edaha itai ejio hidofe emata to terefeja no obie nanaŋ, ejio itai efu hittole to hittolojita eŋotori woyyojin tomon harik inne Isarail.
31
Simone, Simone ihuma riŋa, awak Sitan ajiŋak tohoi, hijo awak inyia higillii iyye iyya geme.
32
Ati amojok naŋ to hoi, hijo hotobiaŋa huruk nohoi olita. La aciohini iyye to huruk nohoi, itigolo huruk nohoi.''
33
Atta Peturu hijo to honyie, "Habu, Aremik nayya eno ikohoi a hotwe babus efitari iko to oyori."
34
34AttaYesu hitiraŋ, "Elimak naŋ iyye, Peturu, erisa iso iyye nayya hinyiahita hunik hijo obe iyye eyyen nayya holobe hohoro ellok.''
35
Atta Yesu hijo to hosie, “Lefahak naŋ itai ade obe hobon, he imutuk na saŋ ho hamuha, enyiak ifa itai siaha innak hirro?” Obe ifa isia oremik hitiraŋ to honyie.”
36
Atta inyia hijo to hosie, “Ati iyyania lia lo owuon ho hobon, isiara inyia eyari hijo iko imutuk no hirro. Lia lobe owuon ho nyerukat isiara hetinyiaŋak boŋo nohonyie anyar enyiaŋu nobo.
37
Ati ajo naŋ da hatai, hirro innafa lafanu to fure hanaŋ iyya egiorohini isiara hotowuana, nyo ojo ifa hiyyo hijo obe inyia loyyen ifahita.' Ottubai hirro innafa lero to fure hanaŋ."
38
Atta isia hijo, “Habu, towolo! owuon demio arik." Atta inyia hijo to hose, "Aremik.''
39
Ta halu na daha eno Yesu, iyya inna to holoŋi inyie adoŋe no Olifeto, ojo heyiyanak ejufari inyia.
40
Ifa leba isia, atta inyia hijo to hosie "Itimoje hijo hotobiaŋa itai ejiŋak to ciama."
41
Atta inyia eno ade tara hosie adoŋe atta rigoŋo ta fau atta mojo,
42
hijo, "Monye, le ewak iyye todumu imatit inna tara hanaŋ, ati obe ara wahan hanaŋ ati ihuma iyya ewak iyye.”
43
Atta anjilo te ido aliew to honyie, letigol inyia.
44
Owuana ifa inyia to diahai na taji nohonyie, atta inyia mojo binno, atta pulo nohonyie hira iyya hoto no odek ta fau.
45
Ifa lodiote inyie tomojo no honyie, atta inyia inyia awoŋ too heyiyenak, atta inyia arumu isia ojioto nyo ejiriŋa ifa inyia,
46
atta inyia hifi isia, "No nyo ejioto itai? Itite itimoje, hijo hotobiaŋa itai ejiŋak to ciama.”
47
To hiro nohonyie, kwak atta isia egonyu iluluŋ iko Juda, lobo hejufani illa ho tomon ha arik le edihita isia. Ottu inyie aŋati to Yesu hijo ajur inyia,
48
At ojo Yesu to honyie, "Judas, etinyiaŋak iyye Lonyi Tuŋani to jura ?"
49
Ifa ewolo liyya daŋ lelurok Yesu hirro innafa owuon atta isia hijo, “Habu, eŋot bahat to demi?“
50
Atta lobo lohosie hiŋot hegiamani le ettok lo fadirihen, oŋutu hiyyok nohonyie ne inyiet.
51
Atta Yesu hijo, “Aremik nia.” Atta inyie enyiahak hiyyok nohonyie atta hitilibo inyia.
52
Ojo Yesu to eittok la fadirihen, iko ettaha hijo, "Efanu itai, ta hanaŋ iyya to ohoho, demio iko buho.
53
Nafa awuanari naŋ he itai ta Haji Imojit, ebe itai etirok ta hanaŋ has innahatai. Ati innaŋ far nahatai itai hegiama hilohittok ne idumele.''
54
Atta isia eniefu inyia, atta eyari a haji ne ettok la fadirihen. Ati ejufurai ifa Peturu inyia te iloma.
55
Ta halu no etuwulek nohosie hima to hiji no ruwat, ettole isia daŋ ta fau. Ettole ifa Peturu to hiji hosie.
56
Atta nobo hegiamani na ara hiito noŋorwo egonyu inyia le ettole te iciala no hima, atta inyia hiwolo inyia to honyiehite innohonyie toktok atta hijo, "Owuon ida tuŋani ille iko Yesu.''
57
Atta Peturu risai hijo, "Tuŋani innaŋ, abe naŋ ayyen inyia.''
58
Ta halu, atta hidofe lobo tuŋani egonyu inyia atta hijo, "Era ida iyye daŋ lobo lohosie.'' Atta Peturu hijo, "Ille tuŋani, alufa nayya.'
59
Ta halu enyiak lobo hijo, "Dede owuon tuŋani illeŋ daŋ he isia nyo ara inyia la Galilea.''
60
Ati ojo Peturu ''Ille tuŋania, abe naŋ ayyen hirro inne ero iyye.” Halarasa inyia hiro, atta hohoro hillok.
61
Ofiala Yesu, atta riŋa to Peturu, atta Peturu egigilu hiram nafa ero Yesu, nafa ojo inyia to honyie "Holobe hohoro ellok errisa iso iyye nayya hinyiahita hunik."
62
Atta Peturu ettalini abali loyio no.
63
Atta heririak illo Yesu ellohitari ojo hidofe abak inyia.
64
Atta isia emuhok inyia atta hifi inyia hijo, "Ikilu! ŋai lia ollum iyye?''
65
Ero ifa isia hirro daŋ innak illa adata Yesu, ojo hidofe omoro inyia.
66
Ifa era motie nohonyie, atta maruak illo hiyyo daŋ attubahini anobotie, iko ettaha illo fadirihien iko hegiorok.
67
Atta isia edihori inyia te iluluŋ ne ettaha illo Yudeya. Atta isia hijo, "Le era iyye Kristo, ilimak iyyohoi.'' Atta inyia hijo to hosie, "Le elimak nayya ta hatai, ebe iso itai eruk,
68
ojio le efi nayya itai, ebe iso itai eremik hitiraŋ ta hanaŋ.
69
Ati man iyyania man ahosiere, ohu iso Lonyi Tuŋani ahunyie ta hani he inyiet no golon no Hollum.''
70
Atta isia daŋ hijo, "Dede iyye hada lia Lonyi Hollum?'' Atta Yesu hijo to hosie, "Ejio hido itai ara nayya.''
71
Atta isia hijo, "No nyo enyiak iyyohoi wahan lobo sut? Etiru hido iyyohoi ta wati te innohoi to hutuk nohonyie.''