1
Ifa to nobo far, etiyana if Yesu hiyyo te ikelesia atta hidofe hittitto hiyyo sayye ŋejuk to Haji Imojit nettok, afanu ifa ettaha illo fadirihien ojo hegiorok ho hiyyo illo hittaha.
2
Atta hiro to honyie hijo, “Ilimak iyyohoi hijo tanari golon nia egiamari iyye hirro inia? Harra ŋai lia esio to hoi hilohittok nia?”
3
Atta inyia hitiraŋ atta hijo to hosie, “Efi iso hido naŋ itai hifita. Ilimak nayya.
4
Hibatiso no Yoani. Ottu ifa te ido kuya tara tuŋani?”
5
Erotta isia to wati te innohosie hijo, “Kuya lejio iyyohoi, ‘Te ido,’ oremik iso inyia hijo, ‘Owuon ati jiai obe itai eruk ta hanaŋ?‘
6
Ati lejio iyyohoi, ‘Tara tuŋani,‘ atta hiyyo daŋ hidoŋ te iyyohoi, nyo odule isia hijo ara ifa Yoani hekilani.”
7
Nia etiraŋ isia hijo obe isia oyyen hijo hottu mahu tai.
8
Atta Yesu hijo to hosie, “Efi iso nayya itai ejio itai ebe elimak nayya hijo hottu golon ne egiamari naŋ hirro hunna.”
9
Atta inyia elimak to hiyyo hitiriami inna hijo, "Edulak ifa lobo tuŋani mana no honyie, atta etijurak atta he fino atta inyia eno adoŋe nobo na alama atta manya dia man fur.
10
Ifa lotubai holoŋi inne fino atta inyia efahak inyia hegiamani to mana nohonyie, atta hijo, hesiara inyia haŋer inno honyie. Ojio hegiamak atta hibak inyia, atta efuhak inyia ania obe esio to honyie haŋer.
11
Nia enyiak inyia efahak lobo hegiamani lia atta isia daŋ higiem to honyie hirro inne leyyani irri atta hidofe efuhak inyia ania.
12
Atta hidofe hinyiak efahak hitahunihi atta ajurak liyya eriafu inyia atta ebiru inyia abali.
13
Nia eijo monyie mana, atta monye mana hijo hegiem iso mahu naŋ nyio. Ejio inyia efahak iso naŋ lonyi hanaŋ la amuno nayya. Kuyya oremik iso isia baŋi inyia.‘
14
Ifa le ewolo hegiamak inyia, atta isia hiro to wati te innohosie hijo, “Harrutani illeŋ” hetittohe inyia, ara lorutat hunna daŋ innohoi.'
15
Atta isia ebiru inyia ade to hotuai ha mana, atta attohe inyia. Nyo iso oremik monye mana higiem to hosie?
16
Ottu iso inyia attohe haromok mana no fino, atta hisio mana no fino to hiyyo illak.'' Ifa etiru isia atta isia hijo, “Eyyumo Hollum!”
17
Ati oriŋa Yesu to hosie atta hijo, “Hetuhutek hiro no ojio, 'egioro hijo: moruo nafa ebo haduhok, awoŋ hira moruo nalara mirik na haji'?
18
Lobo tuŋani lolohuyik to hide ho moruo nia, owuro iso yisyis. Ati to tuŋani lohuyik inyia tohosie, “Esiak iso inyia."
19
Atta hegiorok iko habouk illo fadirihien siaha hikoi hijo ne ewak isie attirok has innohosie to honyie ta saa nyia, nyo eyyen isia hijo ero ifa inyia hitiriami nia te isia. Ati abaŋ ifa isia hiyyo.
20
Oriŋa ifa isia inyia to oger dee atta isia efahak haliamak ille ehumak wati illohosie iyya hiyyo illo obis, hijo anyar errumu isie hipali to hiro nohonyie, anyar esio isie inyia te ettok iko mamur lohosie.
21
Atta isia hifi inyia hijo, “Hetiyanani, eyyen iyyohoi hijo ero iyye ejio hidofe etiyana le ebis, ejio iyye ebe eruk rori inno lobo assai, ati etiyana iyye ibisiti no hikoi no Hollum.
22
Holibo iso to hoi hadumari musuru to Kesari?"
23
Ati oyyen ifa Yesu hinyaba nohosie, atta hijo to hosie.
24
Ituhutek ta hanaŋ rial. Na ŋai rijiori innaŋ nowuon to hiji honyie! Atta isia hijo, “No Kesari."
25
Ejio inyia to hosie, “Isiara to Kesari hirro inno Kesari, ojo to Hollum hirro inno Hollum.”
26
Obe ifa hegiorok iko fadirihien illo hittaha oremik arrumu hipalita to hirro innafa ero inyie to hosiere ho hiyyo, etira ifa isia to hitiraŋi nohonyie atta aduehini.
27
Ifa afanu Sadusahien to honyie, hiyyo illo ojio hijo obe nobo hebuhu,
28
atta isia hifi inyia hijo, ''Hetiyanani, egiorok ifa Musa te iyyohoi hijo loye halasi tuŋani, ojo inyia owuon ho noŋorwo ojo ifa isia obe owuon ho hiito, anyar eyari noŋorwo halasi honyie, anyar esiu hiito te ilasi honyie.
29
Nia owuon halasira hattarik atta oŋieu lohosie ayemu hiito noŋoruo
30
atta ye obe hiito. Ojo hidofe ilasi hitarihi.
31
Adumu halasi hitahunihi inyia amanyari ojo hidofe hitahatarihi atta ye obe durre.
32
Nia ta halu, atta hidofe hiito noŋoruo nyia ye.
33
Ati to hebuhu nohosie hottu iso inyia hira noŋoruo ŋai? Nyo Amanyari ifa hiyyo ille hattarik inyia anoŋoruo hosie.”
34
Atta Yesu hijo to hosie, “Ayama lonyirok hafau inna ojio hidofe esio to hiyama.
35
Ati ilia illo osiru to hilahaji nyia anyar efotu hebuhu tara hayok, obe enyiak yama ojio hidofe obe esiarahini to hiyama.
36
Obe hidofe isia enyiak ye, nyo erri isia iko anjilohien ojio hidofe ara loyirok illo Hollum, ojio hidofe onyirok illo hebuhu.
37
Ati ebuhu iso hayok, etihutehini ifa daŋ to Musa ta mai no tim, ta mai no hima nafa ellilloŋori inyia Habu Hollum lo Abramo iko Hollum le Isako iko Hollum lo Yakobo.
38
Eyyania enyie inyia halara Hollum la hayok, ati la hawuarak, nyo amanya hiro daŋ to honyie.“
39
Etiraŋ illak hegiorok, “Hetiyanani, etiraŋak iyye nolobis.''
40
Nyo obe ifa isia enyiak wahan hifia inyia hifiita arria.
41
Atta Yesu hijo to hosie, ''No nyo ojo isia hijo ara Kristo lonyi Davide?
42
Dede, ojio Davide to Buk no Hidolita hijo, Ojo Habu to Habu lalaŋ, 'Itolojo ta hani he inyiet hanaŋ,
43
man ehumahini naŋ miorok illohoi ahitoloji nohoi.'
44
Atta Davide hillilloŋo inyia Kristo 'Habu', hara iso inyia jai lonyi Davide?''
45
To hitira no hiyyo daŋ, atta inyia hijo to heyiyanak illohonyie,
46
"Ihuma riŋa hegiorok, illa awak loton hifitita inno boŋojin isagaha, ojio hidofe omuno hifonya no ogol to masik inno hinyiaŋita, iko hitolojita inno hosiere ta masik inne imojiti, iko masik inno hosiere ta masik inno karamat.
47
Eturruo hidofe hajik inne ihidahi, etuhuta mojo nohosie ne esaga. Hiyyo illo owuon ania, omoju iso isia ŋoto no obolo.''