¹ Ati, iyyania anyar ehum iyyohoi riŋa to hirro ino etiru iyyohoi inno onyi Hollum anyar lobe iyyohoi eremik hituwet hiruk nohooi. ² Lo obis hiram nafa ero anjilohien, itimoju iso hiyyata iko miasa ŋoto no obis, ³ herruat iso iyyohoi jai le ebo iyyohoi etilohini ne ettok? Etilohini inna nafa ogiofohini te iyyohoi ta Habu tara lia illafa etiru. ⁴ Ero hidofe Hollum to hituhutita, igiemita, iko iduariti ariai inno ogol, ojio hidofe to habuanyak nohonyie hisiorita inno oyiri no Olibo iyya ta wahan nohonyie. ⁵ Obe Hollum emak anjilohien hoto toŋitai fau ŋejuk na awu inyia ayyeu, ati owu inyia emak Kristo hoto toŋitai fau nyia. ⁶ Ero lobo tuŋani ta nyalami to Hollum hirro inia to higierita, hijio, ''Obe lobo tuŋani legigilo binno no eremik iyye higigilo te inyia! Obe lobo tuŋani lo owuon la anyar lo oremik iyye luaha inyia! ⁷ Eyyeu ifa iyye inyia lo odicio tara anjilohien, atta iyye baŋi isia iyya ne abaŋari hiyyo habuok. ⁸ emak iyye hirro bidaŋ ta has hosie.''Ojio Hollum hijo anyar ekumo tuŋani hirro bidaŋ. Etihutek hijo obe enak hirro ino ofu ofitohini to hikumo to nohonyie. Ati iyyania, to holoŋitek hunna ebe iyyohoi egonyu tuŋani ekumo hirro bidaŋ. ⁹ Ati, ebe iyyohoi eyyen hijo ŋai Yesu, lo olieu tamanya no honyie iyya odico tara anjilohien. Nyo omelehini inyia atta ye, esio Hollum inyia mai no olibo bino bi daŋ. Emak Hollum Yesu hatara habu lo hirro bidaŋ, nyo oye Yesu to hiyyo bidaŋ. ¹⁰ Nyo ara ifa no hijo omelehini Hollum to hoi, inyia nia owuon hirro inia. Ara ifa nia hijio emak Hollum Yesu bidaŋ tokoi ino hitigiemita ojio hotoyo te iyyohoi. Hollum oyyeu hirro bi daŋ, ojio ara inyia lia owuanari no hiro bi daŋ. Ojio ara Yesu le etuhumak Hollum hetilohu hiyyo. ¹¹ Ara Yesu hetiliboni lo hosie le emak isia aŋati ho Hollum, ojio ilia olibo wati owuon daŋ iko Hollum, ara daŋ tamai to nobotie, Hollum wan lohonyie. Ati obe Yesu eloriri hillilloŋ isia hijio halasira honyie iko hanasirak honyie. ¹² Nyo egiorohini hijo ojio Yesu to Hollum hijio etuhutek iso nayya fure nohoi to halasirak hanaŋ, awu nayya iso hidolo hitihabuo iyye to hiji ho heruhok!'' ¹³ Ojio hekilak atta egiorok te innak higierita hijo hojo Yesu nyo to hiram no Hollum: ''Awu nayya hiruk Hollum.'' Ojio to innak higierita, ojio Yesu to hiyyo ilia ara onyirok ho Hollum, ¹⁴ ''Nayya ho onyirok iko Hollum hullo esio Hollum ta hanaŋ teni.'' Ati iyya ara onyirok ho Hollum hiyyo, ara Yesu tuŋani iyya isia. Owuon sitan iko golon ne emak hiyyo hatabaŋa ye, ati awoŋ Kristo a tuŋani anyar ara to ye to nia honyie ojio to himir to nohonyi ye anyar etirifak inyia sitan. ¹⁵ Egiem Yesu hirro inia anyar ohou iyyohoi bi daŋ, manya no hoi, ebe iyyohoi eremik ebusak wati innohoi hata baŋa ye. ¹⁶ Nyo awoŋ no Yesu a tuŋani, obe ara anjilohien hame ottu inyia hiluak. Obe, ara luŋa iyyohoi ilo eruk Hollum iyya nafa egiem Abramo ŋai lia ottu inyia heluak. ¹⁷ Ati emak Hollum Yesu hatara dede iyya iyyohoi, iyya tuŋani ''halasirak.'' Awoŋ inyia afadiri le ettok le egiama ta nyalami to hiyyo bi daŋ ojio hidofe egiama to hilik to na taji to Hollum, ati ohu inyia ye to hiyyyata inno hiyyo ojio emak hikoi to Hollum hotomelehini to hosie. ¹⁸ Oremik Yesu hitiluak hiyyo illo ociem eyyau nyo orumek inyia to wan to lohonyie hitigiemita ojio ifa sitan ociem inyia heyyau iyya nafa ehumahini inyia iyyohoi heyyau.