¹ Ta halu ho holoŋitek miet, ata Anania fadiri lettok, iko ilak maruak ojo herarani lohosie la ara fure nohonye Tertulio eno ade. Ata hiyo ilia eyani irositi inohosie to Paulo ahosiere ho mamur. ² Ifa oweta Paulo to hosiere ha mamur, ata Tertulio hitiara arosok inya ata hijo ta mamur, "Arumu iyohoi himwara ini te iye to hiriria nohoi iyohoi, nyo eyani hiloito to doŋe hohoi; ³ to mune, omoju iyohoi hiro daŋ ino egiamaiye, Felix lo olibo bino. ⁴ Hotobiaŋa naya enyak hitihita iko hoi, efi nayaiye hijo anyar etiru kai ta nanaŋ na lanyar. ⁵ Erumu iyohoi tuŋani ile lara hetiharani ojo ile emak hiyo ilo Yudea to fau daŋ a hetiŋalafak. Ara inya a henyamitani lo Nasarit. ⁶ Eciem inya higem afari ta haji imojit; nia efituni iyohoi inya. ⁷ Ati nafa eba Lysias, tuŋani lettok lo loseŋer, epihu Paulo ade ta has ino hoi ata edihori ade. ⁸ Efi itai Paulo to hiro inia daŋ, efu iso itai hiyen hijo herros iyohoi inya jai." ⁹ Eros hiyo iloYudea Paulo, daŋ, ata hijo ara hiro inia dede. ¹⁰ Ati nafa eliet mamur hijo tojo Paulo herara, ata Paulo hitiraŋ, "Nayen naya hijo ta ŋasi ariaii inafa efie era ifa iye haŋotoni to doŋe inna, ojo iso to mune elimak iso nayaiye ino wan nanaŋ." ¹¹ Eremikiye hiyen hijo holobe eyari holoŋitek agal tomon harik to nafa auye naya etihabuori to Yerusalem; ¹² ojo nafa arumu isia naya to hotwai ha haji imojit, abe naya etarisa ho lobo to hosie, ojo e abe ekukur iluluŋ no hiyo, kuya to Sinagoge, wole to bore na gala; ¹³ Ojo isia obe etahutek lo hoi irositi inia ehuma isia to naya iyania. ¹⁴ Ati eruhok naya ta hatai, to hikoi no ojo isia iluluŋ, egiama naya to Hollum monyie hohoi daŋ ania. Ara naya heruhoni lo hiro ino owuon to hifahita iko to higierita ino hekilak. ¹⁵ Awuon naya iko huruk to Hollum iya hiyo hulo, hijo owuon iso hebuhu no hiyo iloobis iko hiyo heyyak. ¹⁶ Adule naya wuana iko higigilo no olibo to hosiere ho Hollum iko to hiyo. ¹⁷ Iyania ta halu ha ŋasi ariai atu naya eyani luaha to doŋe ha naya iko hisiorita ino arobiaha. ¹⁸ Nafa egiem naya nia, lobo lo Yudea ta Asia Otu arumu naya te etihabuori ne hitilibi ta haji imojit, obe ara iko iluluŋ ojo to ewuoloŋitari. ¹⁹ Awak hiyo iliawa ilia owuana ahosiere to hoi iyania, hotojo nyo owoun to hosie ta hanaŋ, owoun isia ho inak hiro. ²⁰ Kuya hidofe, isiara hiyo ilia herara hiro ino epal naya ino orrrumu isia ta nanaŋ hawetari te etaha iloJudei, ²¹ kuya ara mahu hiram no sihin nobotie nafa Eyorori naya to hosie, "Ara hiram no hebuhu no hayok nia eŋotori itai naya ena ini."' ²² Ata Felis lafa ehum hiyen hikoi nohosie, afonik holoŋ no ofuo etirari hiram no Paulo. Ata inya hijo, "La awoŋ Lysia ettok lo oseŋer to Yerusalem, ajio iso naya aŋot hiram nohoi.'' ²³ Ata inya elimak hijo anyar emak oseŋer Paulo ta babus, ati anyar hidofe owuon ho loton nobo kai anyar oluak motiarak honye inya te iluahiti ino wan nohonye. ²⁴ Ta halu he inak holoŋitek, aciohini Felis ho Drusila oŋoruo honye, Jewes, ata efahak tuŋani to Paulo, ata inya etiru tara honye hiruk nohonye to Yesu Kristo. ²⁵ Ati nafa egigilo Paulo iko inya ino ibisiti, hiriria no wan, ojo hikumo nya Otu, ata Felis baŋi, ata hitiraŋ, "Ino ade to hosiere, ati lawuana iso naya iko nobo holoŋ, Eliloŋ iso nayaiye." ²⁶ Ati to saa to nya, egigilo ifa nya hijo esio iso Paulo arobiaha to honye, nia adule inya hillilloŋo inya ojo hidoefe erorita iko inya. ²⁷ Ati nafa ellaŋ ŋasi arik, awoŋ Porkio Festo hira a mamur ta halu ho Felis, ati awak ifa Felis arumu mune tara hiyo iloYudea, nia ebusak inya Paulo hotodule hiyo iriria inya.