¹ Edor Paulo ta maruak ilia ata hijo, "Halasira, amanya naya to hosiere ho Hollum to libe man to holoŋ inna." ² Ata ettok lo fadirihien Anania elimak te ilafa oweta aŋati honye hotollum inya to hutuk. ³ Ata Paulo hijo to honye, "Ettud iso Hollumiye,iye ohitir no foroŋo innaŋ. Hewakiye hiŋot hiram nanaŋ, ejo hidofeiye ewak anyar ollum hiyo naya, tahu ati hifahi nya?'' ejo ilafa loweta aŋati, "Emoroiye fadiri lettok lo Hollum ania?" ⁴ Ejo ilafa loweta aŋati, "Emoroiye fadiri lettok lo Hollum ania?" ⁵ Ejo Paulo, "Abe naya nayen halasira, hijo ara hada inya fadiri lettok. Nyo egioro hijo, 'Hotobiaŋaiye erro no oru te ettok lo hiyo ilahatai.'' ⁶ " Ifa ewolo Paulo hijo ara ŋati nobotie na maruwak ile ewuaha he iluluŋ a hiyo ilo Sadusahien iko nobotie no Farisei, ata inya hiyoro a hide to hewuahak, "Halasira, ara naya la Farisei," lonyi Farisei. Nyio dede to hiram ta na hayok ne lekumori itai naya. ⁷ Ifa lejo inya ania, etiara rija to hiji ha Farisei iko Sadusahien ata ewuahari nohosie bwanya. ⁸ Nyo ojo Sadusahien hijo obe nobo hebuhu, obe hidofe ilakanjilohien, iko loyirihien, ati ojo Farisei hijo owuon hiro inia bidaŋ. ⁹ Niya edoŋ iluluŋ no hetiŋalafak, iko ilak ilohegiorok ilo oweta ila Farisei etirisa, hijo, "Obe iyohoi erumu nobo hipali to tuŋani ile. ŋa lero loyiri kuya hidofe anjilo ero to honye?" ¹⁰ Nafa odiotori rija no obolo, abaŋ ifa habu lo oseŋer hijo eguguas iso hiyo ilia Paulo to hiji, ata inya elimak oseŋer hefie eyani inya ade tara hosie, heyani inya ahosiere honye, to oŋotori. ¹¹ Ta tari to no honye, ata Habu weta aŋati to honye ata hijo, ''Baŋa la abaŋ, iya eroiye to fure nanaŋ to Yerusalem, ino irara daŋ to hiyo iloRoma.'' ¹² Ifa ara far, eruk ilak ile Judei giata to wati inohosie: hijo obe isia daha, obe emata ilak hiro man ettohe isia Paulo. ¹³ Ara ifa hiyo ila awak attohe Paulo tomwana aŋwan. ¹⁴ Ata isia efi ta habu la fadirihen iko maruak ata hijjo, "Emak iyohoi wati inohoi to hipita, hijo hotobiaŋa lobo tuŋani anyar ilakhiro daŋ man ettohori Paulo. ¹⁵ Ilimak iyania ettok lo oseŋer hesiara ta hatai inya anyar eyyan inya aŋolon te iyohoi. Egonyu iyohoi hijo eremikiye hiŋot to honye hiram nohonye na anyar. Ojo te iyohoi, awuana iyohoi hulo attohe inya holobe inya eba tohoi ini.'' ¹⁶ Ati etiru ifa onyi inasi Paulo hijo etila ifa isia inya bi, ata inya eno ajiŋak ta haji no oŋotori ata elimak Paulo. ¹⁷ Ata Paulo elimak lobo curukal ata hijo, ''Iyari oŋeyye ile ta habu lettok, awak inya elimak nobo hiram to honye.'' ¹⁸ Niya eyari curukal lia loŋeye lia ta habu lettok lo osenger ata hijo, "Eliloŋ Paulo la babus naya to honye, ata elimak naya heyani loŋeye ile to hoi. Owuon inya ho hiro ilak iloawak elimak to hoi." ¹⁹ Eyari habu lettok inya ta hani a mai hamai ata hifi inya, "Nyo nia ewakiye elimak naya?'' ²⁰ Ejo loŋeye, "Awak Judei hifiaiye heyaniiye Paulo aŋolon motie ewuahari to fwarra, iya awak efie hifia hiram no honye aŋejuk. ²¹ Ati baŋa esio to hosie, nyo ara hiyo ilia tomwana aŋwan ilo ofer ojo etila inya. Eliloŋo ipit to wati inohosie, obe adaha, obe mata man otohe isia inya. Man iya nia liya etila, hiram tara hoi." ²² Ata habu ebusak lia ebusak oŋeyye heno, ifa elimak inya to honye hjio, "Hotobiaŋaiye elimak lobo tuŋani hiro inia elimakiye ta nanaŋ.'' ²³ Ata inya Eliloŋu curukali ohorik ata hijo to hosie, "Iturrumu oseŋer ilak hisiha arik anyar ofwo man a Kesariai iko hiyo ilo kusani tomwana hatarik ojo hiyo ilo ferria hisihai arik. Edioto itai to hitahunihi na sa ta tari ena.'' ²⁴ Ata inya elimak to hosie hijo anyar owu Paulo alotori anyar eyari inya bolioŋ ta Mamur Felix. ²⁵ Ata inya higier waraga tiji; ²⁶ Klaudio Lisia mamur la anyar, efonya nayaiye bino. ²⁷ Efitak ifa Judei hallaŋ ile ata isia hijo etohe, ifa lajo naya attu to hosir ho oseŋer ata inya etuluahini, nyo ara inya tuŋani lo Roma. ²⁸ Awak ifa naya hiyen nyo lo orrosok isia inya, ata naya eyari inya te ewuahari. ²⁹ Nayen naya hijo orrosok inya to hifiita ino hifahita inohosie, ati obe ifa nobo hiram nohonye no osiru to ye nohonye iko hetifitahini inya. ³⁰ Eyyen ifa hiyo daŋ hijo awak isia attohe inya, inya nia efahahini naya inya kwak to hoi, ata naya elimak harosok ilohonye heyani irositi inohonye te inya to hosiere hoi. Humo.'' ³¹ Ata oseŋer huruk hiro nohosie. Eyari isia Paulo to honye ta tari to nya ta Antipratis. ³² To motie to nohonye, ata oseŋer ariaii ebusari kusani inohosie ata efie he inya ojo isia ata afanu to wati inohosie ata aciohini ahatwai haji iŋotit. ³³ Ifa eba hiyo ilo kusani to Kesariai ata hisio waraga ta mamur, ata hidofe hisio to honye Paulo. ³⁴ Ifa ehien mamur waraga nya, ata inya hifi nari kal no Roma nia Otuni Paulo. Nafa eyen inya hijo Otu inya to Silisia, ³⁵ ata inya hijo, ''Etiru iso nayaiye la afanu harosok illohoi ini.'' Ata inya elimak hijo anyar owuon inya te ettolojori ne imiri ne Erode.