¹ Ati, egiama iyyohoi nobotie he inyia, elia iyyohoi ta hatai hijo hotobiaŋa itai emoju hamehini no Hollum assai. ² Ojo inyia , "To holoŋ no olibo etira naŋ tohoi, ojo to holoŋ no hetilohu aluak ifa naŋ iyye." ³ Toriŋai, iyyania ara holoŋ no hetilohini ; toriŋai, iyyania ara far no hetilohu. Obe iyyohoi ehumak moru no olulur to hosiere holobo tuŋani, ati obe iyyohoi ewak igiem nohoi hotohuyai. ⁴ ati, etuhutek iyyohoi wati innohoi to higemita, hijo iyyohoi piti illo Hollum-to hadihu, to hitigiama, biaŋan no mune, hitigemita, ⁵ baha, hifita, hitigema, te igem nologol, biaŋan no jio ta harie, hiŋa, ⁶ to libe, ofioroho, dihan, nyalami, to Loyiri lo Olibo, to mune nolobis; ⁷ Era iyyohoi hegiamak illo hiro nolobis, to golon no Hollum. Ewuon iyyohoi iko iriemiti inno bisan ta hani he inyiet ojo ta hani he ihorroŋ. ⁸ Egiama iyyohoi to baŋi iko to biaŋan no baŋi, to heyialai ojo to hitahuo. Nyo orrosok hiyyo iyyohoi hinyiaba ojo hidonye iyyohoi ero dede. ⁹ Egiama iyyohoi iyya obe ŋai oyyyen iyyohoi ojo hidonyie oyyen; iyya oye ojo orriŋa! Hidonyie amanya; iyya etiniŋ to higiemita innohoi ati obe ara hepitai to ye. ¹⁰ Egiama iyyohoi iyya obe mune ati edule iyyohoi mune; iyya lociaŋak iko ehuhumak ariai hatabarai; iyya obe iyyohoi ewuon he illak hirro ojo hidonyie egiemu hirro ariai. ¹¹ Elimak iyyohoi hirroinno obis bidaŋ ta hatai, Korinto, ojo hidofe tajia innohoi aŋa. ¹² Obe mune nanaŋ odicio ta hatai, ati odicio mune nahatai ta hanaŋ. ¹³ Iyyania, itifonik mune nahatai ta hanaŋ. Ero nayya ta hatai iyya durre illallaŋ. ¹⁴ Ibaŋa ottuba nobotie iko illo obe eruk. Jai oremik libe riaha iko hibwoti? Hara ŋari tubai owuon to cialai iko idumele? ¹⁵ Jai hidofe owuon tubai no Kristo iko Beliar? Hidofe hara nyo inia obwanya heruhok iko illo obe eruk? ¹⁶ Nyo huruk no haji no Hollum iko rijorihien? Ara iyyohoi haji no Hollum hullo owuar, iyya ojo Hollum, "Amanya naŋ to hiji hosie ajo hidofe alot iko isia; ara iso naŋ Hollum lo hosie ojo iso isia ara hiyyo illallaŋ." ¹⁷ Iyyania, "Ifanu ade to hiji hosie, atta itai wuana hame," ojo Habu, hotobiaŋa itai ettir hirro inno obe olibo, ajo naŋ atta efwotu itai. ¹⁸ Ojo era iso itai durre illallaŋ iko durre innanaŋ," ojo Hollum Lologol.