¹ Edas iyyohoi hitiara hitahuo wati innohoi? obe iyyohoi awak nobo waraga tara iyye kuya tara hoi, iyya illamuk hiyyo, obe mahati? ² iyye to wan nohoi ara iyye waraga, negioro ta tajia hohoi, no ediara ojo hiyyo oyyen. ³ Ejo hidofe iyye etihutek hijo ara iyye waraga tara Kristo, nara iyyohoi eyari, no egioro obe ara to galam ati to Oyiri no Hollum la amanya, obe hidofe egioro to moruo, ati egioro ta tajia inno hiyyo. ⁴ Ejio inna ara hijo ta hamijak nohoi inna eita iyyohoi to Hollum tara Kristo. ⁵ obe ara hijo era iyyohoi hullo egalik herari to wati innohoi innamuk hirro hunna afanu te iyyohoi, ati haremik nohoi ara tara Hollum, ⁶ lia ile ohutu iyyohoi hatara hegiamak inno emor ŋeju- obe ara to waraga ati ara to Oyiri; nyo to ottohe waraga, ati to Oyiri esio manya. ⁷ Iyyania lowuana igiem no ye nafa eŋudohini to waraga no moruo ottu iyya to kwatan nafa obe hiyyo illo Isarail oremik riŋai to homom, no Muse' tok nyo okwat ifa homom nohonyie, kwatan nafa olilita, ⁸ oso iyya obe ara igiem no Oyiri nara binno to kwatan? ⁹ Nyo kuyya lowuon igiem no ye ho kwatan, hara iso bajai igiem no bisan nolowuon to kwatan! ¹⁰ Nyo dede, nia nafa owuon iko kwatan enyei holowuon iko kwatan tokoi tenia, nyo to kwatan nia agalik inna. ¹¹ Nyo kuyya nia nafa owu ade owuon iko kwatan, hara bajai nia odulei kwatan dia! ¹² Iyya ewuon iyyohoi iko hamijak nia, ewuon ati iyyohoi iko ŋere, ¹³ obe ara iyya Musa, lia letihok boŋo to homom nohonyie, anyar lobe hiyyo illo Isarail oriŋa to honyie tok to hucuŋi no kwatan nafa owu ade. ¹⁴ Ati esiono ifa hosi innohosie. Ofe man to holoŋ ne inna arasa hitihi no hihieni nafa himori marwani; obe ifa aŋa, nyo ara bi to Kristo hegiamak ade iko. ¹⁵ Ati ofe man ena, kuyya lehien Musa, etiho ifa tajia innohsie to boŋo. ¹⁶ Ati oyite tuŋani ta Habu, ahafini boŋo hitihi ade. ¹⁷ Nyo ara Habu Oyiri, ojo ta mai no owuanari Oyiri na Habu, owuon iso bolioŋ dia. ¹⁸ Iyyania iyyohoi bi daŋ, ille etiho homomite, itiwolo lohuo na Habu. Eloito iyyohoi to rijori no lohuo nafa ho beren tara nobo lohuo man to nobo, iyya ara tara Habu, la ara Loyiri.