¹ ŋorwo ijufutai hirro inno liawa hatai obeŋ ida hido illamuk illohose eruk to Hollum, afanu iso isa hiruk. Obe ati ara to hirro, ati ara to higemita inno ŋoruo innohosie. ² Egonyu isia higiemita innahatai inno olibo to hiruk nahati hirro. ³ Hotobiaŋa ida ŋoruo egigilo to libe no wati innohosie inne etilahamanari isia wati te iŋotiti iyya yeli, ya no hofir iko hiciofo no'lolibo, ⁴ isiara ida itai hotodule tajia innohose hilahaman to nyalami, anyar odule hilahaman to hosiere Hollum. ⁵ Heruhok innafa ho'beren olibo ifa isia to Hollum atta hitilahaman wati to hitilahamanita iyya inno omunori isia liawa innohosie. ⁶ Ara ifa Sarai nolo'omuno Abramo atta hillilloŋ inyia habu nohonye. Era isio itai ŋaniok ha Sara lehuma itai nolibo hidofe obe ara ta baŋi inno hiro. ⁷ Itai liawa hidofe anyar emanya itai ho ŋoruo innahatai nolobis ta baŋi inno wati, ara hiito ŋoruo nolodicio golon nohonyie. Iririeu ŋoruo iyya tuŋani no ofiahai nyo era itai daŋ aharutak inno hamehini no wuaran lehuma itai daŋ ania, obeŋ iso imojiti etiho to Hollum. ⁸ To hucuŋi no honye, anyar ewuon ha taji no obotie iko higiglo; Hetolojo to mue iyya halasira to nyalami iko mune no wati. ⁹ Helienyu lia lehum noloru ta hatai, lo omoro itai, itudule jaha, to hiram nia ifa ellilloŋini itai, hijo anyar erutak itai ijohiti. ¹⁰ Iyya egioro to Bibia: lia awak munoi manya no lolibo hidofe egigilo hegonyini holoŋitek inno olibo, anyar ebusak teler iko hihumuta inno lorru. ¹¹ Hotoyite ade to iruti, ati hegiamai higiemita inno olibo. Hetisiahai taji no bolioŋ. ¹² Orriŋa Habu to ilia habisak, hidofe hetire mojo nohose, ati hebwara rutejok. ¹³ ŋai lia iso lo oremik hitihar itai lejufuta itai to golon no hirro inno olibo? ¹⁴ Ati, itai ilia erumek hitigiemita to bisan, erumek iso itai ijohiti. Baŋa labaŋ hirro hunna abaŋ isia ojo hidofe baŋa elafuho. ¹⁵ Hehumak Kristo ta taja innohoi, etihabuwo inyia a habu. Ihuma hitira daŋ ta sayye, itai ilia awak hifia heyihini nolowuon ta tajia hatai. ¹⁶ Ihuma elimak tohosie ta nyalami iko to baŋi. Ihumai ta nyalami no baŋi. ihumak higigilita inna hatai inno obis, hijo lo omor itai, ilia ero noloru ta' hatai lolibo manya nahatai a hejufak ilo Kristo, ofuo iso hiloriri to hirro niyya ero isia. ¹⁷ Anyar lerumu hitigemita hehumari nololibo, lara inno wahan no Hollum, baŋa egamari irruti. ¹⁸ Odihu ifa Kristo hitigemita, attati ye hinyiahi nobotie to hiyyata, anyar eyyani iyyohoi to Hollum. Oye habisani to heyyak. Loye wan nohonyie ojo Loyiri nohonyie owuar, ¹⁹ wuana nohonyie ho loyiri eno ifa Kristo ettitori loyirihin innafa to kijan. ²⁰ Ara ifa hunna oholioho inno hiyyo illafa omiasa to Hollum ta nafa etilari to hilik na taji to holoŋitek innafa oduhori Noah togoli. Hiyyo kai illafa etilahini ta hari, ara ifa isia hotohunik jia. ²¹ Ara inna hitiriji no Batisimo ne etilihu itai, to 'hebuhuni no Yesu Kristo. Obe ara to hillilla no hibwoti no wan, ati etihutek inyia taji no osiaha Hollum harumuni libe. ²² Aciahari ifa Kristo idou, ati ettole inyia ta hani inyiet no Hollum, oniŋie anjilohien iko habollok ojo iduariti to honyie.