¹ To inyia o fwo kulahitoha kulo agwalahin kulo imanit lo Levi, kadwarani Eleazar, Josua kito lo Nun ko kulahitoha kulo agwalahin kulo imaniti kulo Israel kulakude ² to Silo iya kof lo Kanaan ko jimitan diho icieng, "O cik afa Lahitok ara diho Moses o joo o jir ki ciori ohoi kangite lomanyare ko olengi kuneicieng ara olemo lo sang kuniyang." ³ Dong iya na afa lo cihare Lahitok i co cio kulo Israel cio kulo imanit lo Levi kuno kangite ko lodahare lo sang iyo icaiti kulo kof lolunyot kuneicieng. ⁴ O lotu icait ketemoni iyo agwala lo Koas i jifita kajihit kuneicieng. Cio kulo imanit lo Levi kuna lara lotataha kulo kadwarani Aron i ciori afa icieng kangite tomon ko uni to imanit lo Juda, lo Simeon ko lo Benjamin. ⁵ Lotataha kulo Koas kulakude i ciori icieng kangite tomon iyo imaniti kulo Epraim, Dan ko nusu lo Manase. ⁶ Lotataha kulo Gereson i ciori kangite tomon ko uni iyo agwalahin kulo imaniti kulo Isakar, Aser, Naptali ko nusu lo imanit lo Manase to Basan. ⁷ Lotataha kulo Merari, i jifita to kajihit kuneicieng i ciori kangite tomon ko are iyo imaniti kulo Reuben, Gad ko Zebulun. ⁸ Tona i caahi cio kulo Israel cio kulo imanit lo Levi kuno kangite ko lodahare lo sang kuneicieng iya lafa lo cihare Lahitok ara diho Moses. ⁹ To imaniti kulo Juda ko Simeon o caahini kuno kangite to karanecio: ¹⁰ I caahini afa kuno kangite diho lotataha kulo Aron kuna lara kulo agwala lo Koas to imanit lo Levi tonyio o dohi icait ketemoni diho neicieng. ¹¹ I ciori icieng Kirias Arba, (na lara Hebron) ko olemo lo sang nenge to kof lo donge lo Juda (Ara afa Arba fafai lo cio kulo Anak) ¹² Ati orumu manatak ko kangite kuna li rit inyi i ciori diho Kaleb kito lo Jepune ara kof nenge. ¹³ Dong diho lotataha kulo Aron kadwarani i ciori Hebron (Kang lotafare lo tungani na li fade kaletoni), Libna, ¹⁴ Jatir, Estemoa, ¹⁵ Holon, Debir, ¹⁶ Ain, Juta ko Bet Semes, ara lobito ko olemorehin kuneicieng kangite mietangon diho kuno imaniti are. ¹⁷ Manyu to imanit lo Benjamin i ciori icieng Gibion, Geba, ¹⁸ Anasos, ko Almon, ara lobito ko olemorehin kuneicieng ara kangite ongon. ¹⁹ Wel lo kangite kulo kadwarak, lotataha kulo Aron fad ara tomon ko uni ko olemorehin kuneicieng. ²⁰ Kajihit kulo agwala lo Koas imanit lo Levi kunakude i ciori afa icieng kangite to imanit lo Epraim: ²¹ To kof lo donge lo Epraim o fwonu i ciori icieng Sekem (Kang lotafare lo tungani na li fade kaletoni) ko Gezer, ²² Kibzaim, ko Bet Horon ara fad kangite ongon ko olemorehin kuneicieng. ²³ Manyu to imanit lo Dan o rumu icieng Elteka, Gibeson, ²⁴ Aijalon ko Gas Rimon ara kangite ongon ko olemorehin kuneicieng. ²⁵ To nusu lo imanit lo Manase o rumu icieng; Taanak ko Gas Rimon kangite are ko olemorehin kuneicieng. ²⁶ Kuno kangite tomon fad ko olemorehin kuneicieng i ciori afa diho kajihit kulo agwala lo Koas kulakude. ²⁷ Cio kulo agwala lo Geresoni o fwonuni i ciori; to nusu lo imanit lo Manase Golan ko Basan Kang lotafare lo tungani na li fade kaletoni ko Bet Estera kangite are ko olemorehin kuneicieng. ²⁸ To imanit lo Isakar; Kision, Daberas, ²⁹ Jarmus ko En Ganim kangite ongon ³⁰ to imanit lo Aser; Misal, Abdon, ³¹ Helekas ko Rehob kangite ongon ko olemorehin kuneicieng. ³² To imanit lo Naptali; Kedes to Galilaia Kang lotafare lo tungani na li fade kaletoni, Hamos Dor ko Kartan kangite uni ko olemorehin kuneicieng. ³³ Wel lo kangite kulo agwala lo Geresoni ara afa fad kangite tomon ko uni ara lobito ko olemorehin kuneicieng. ³⁴ Agwala lo Merari cio kulo imanit lo Levi kulakude i ciori: to imanit lo Zebulun; Jokneam, Karta, ³⁵ Dimna, ko Nahalal kangite ongon ko olemorehin kuneicieng. ³⁶ to imanit lo Reuben; Bezer, Jahas, ³⁷ Kedemos ko Mepaas kangite ongon ko olemorehin kuneicieng. ³⁸ to imanit lo Gad; Ramos to Gilead Kang lotafare lo tungani na li fade kaletoni, Mahanaim. ³⁹ Hesbon ko Jazer kangite ongon ko olemorehin kuneicieng. ⁴⁰ Wel lo kangite kuna li ciori agwala lo Merari kuna lara cio kulo imanit lo Levi kunakude ara fad tomon ko are. ⁴¹ Ara afa wel lo kangite kulo cio kulo imanit lo Levi kuna lo ngoni kof lo Israel fad keek ongon ko mietauni ara lobito ko olemorehin kuneicieng. ⁴² Kuno kangite fad tolobito tolobito o ngoni afa ko olemorehin kulo sang kuna li rit icieng, ara afa na dede to kuno kangite fad. ⁴³ Tona i co Lahitok cio kulo Israel kof fad lafa lo cik Inyi to kibutia ki cwara lohitwaha kuneicieng, manyu i talu icieng manyu o manyati ijia. ⁴⁴ I co Lahitok icieng ki yoma fajihit fad iya lafa li butiare Inyi diho lohitwaha kuneicieng. O ru ko lobo bito lo merok kuneicieng lo woitahi icieng to rem, i co Lahitok merok kuneicieng fad kac kuneicieng. ⁴⁵ Ida ko lobo bito iyo sangite kuna i jiri kuna lo cik Lahitok diho cio kulo Israel o ngor, icieng fad li iti fut Inyi.