1 O lotu icait lo are iyo imanit lo Simeon i jifita agwalahin kunenge. O ngon afa kof lolunyot neicieng katua lo kof lo imanit lo Juda. 2 I moru afa inyi; Beerseba (Kode Seba), Molada, 3 Hazar Sual, Bala, Ezem, 4 Eltolad, Besul, Horma. 5 Ziklag, Bet Marakabos, Hazar Susa, 6 Bet Lebaos ko Saruhen. Kangite tomon ko uni ko kangite kuna sidiha kuna li rit icieng. 7 Ain, Rimon, Eser ko Asan - kangite ongon ko kangite kuna sidiha kuna li rit icieng. 8 ko kangite fad kuna li rit kuno kangite fad many Balas Beer (Rama na lo ngon Negev). Ara afa ene kof lolunyot to imanit lo Simeon i jifita agwalahin kunenge. 9 O dumuni afa lolunyot lo Simeon to icait lo Juda tonyio o bolo afa icait lo Juda i lany na lo wak icieng. Tona o rumu cio kulo imanit lo Simeon lolunyot neicieng katua lo kof na li caahini Juda. 10 O lotu icait lo uni iyo imanit lo Zebulun i jifita agwalahin kunenge: O loo afa lohikori lo kof lolunyot neicieng many Sarid. 11 O loo iya ngati lo lodoyorore lo kolong o loo Marala, o tir Dabeses, o loo o ring many torit na lo nyiha ko Jokneam. 12 I belo iya ngati lo okangere to Sarid iya lotulunore lo kolong iya kof lo Kislos Tabor o ringe iya Dabras manyu i rwohe iya Japia. 13 Oto hati o sodoro iya ngati lo okangere many Cas Heper ko Es Kazin: o tuluno to Rimon oto hati i belo iya Nea. 14 To inyia i lor lohikori iya ngati lo kai iya Hanason o loo i cung torit lo Ipta El. 15 I moru afa inyi Katas, Nahalal, Simron, Idala, ko Betelehem. Ara afa kangite tomon ko are ko kangite kuna sidiha kuna li rit icieng. 16 Ara afa kuno kangite ko kangite kuna sidiha kuna li rit icieng icait lo kof lolunyot lo imanit lo Zebulun. 17 O lotu icait lo ongon iyo imanit lo Isakar i jifita agwalahin kunenge: 18 I moru afa kof neicieng; Jezreel, Kesulos, Sunem, 19 Haparaim, Sion, Anaharas. 20 Rabis, Kision, Ebez, 21 Remes, En Ganim, En Ada, ko Bet Pazez. 22 O tir afa lohikori neicieng Tabor, Sahazuma ko Bet Semes, ko loro ki cung Jordan. Ara afa kangite tomon ko ile ko kangite kuna sidiha kuna li rit icieng. 23 Ara afa kuno kangite ko kangite kuna sidiha kuneicieng kof lolunyot lo imanit lo Isakar i jifita agwalahin kunenge. 24 O lotu icait lo miet iyo imanit lo Aser i jifita agwalahin kunenge. 25 I moru afa kof neicieng: Helekas, Hali, Beten, Aksap, 26 Alamelek, Amad ko Misal. To ngati lo lodoyorore lo kolong o loo lohikori o tir Karmel kor Sihor Libnas. 27 oto hati i belo iya ngati lo okangere iya Bet Dagon o tir Zebulun ko ridat lo Ipta El ko loro iya ngati lo kai iya Bet Emek ko Neiel, o gis Kabul to ngati lo ikajong. 28 O loo iya Abdon, Rehob, Hamon, ko Kana o loo many Sidon na Hitok. 29 I belo dong lohikori iya Rama, o loo kang lo Taya na lo lia to lohitir i belo iya Hosa o lotu i fud nam lo Mediterranean to kof lo Akzib, 30 Uma, Apek, ko Rehob. O ngoni afa kangite keek are ko are ko kangite kuna sidiha kuna li rit icieng. 31 Kuno kangite ko kangite kuna li rit icieng afa lara kof lolunyot lo Aser i jifita agwalahin kunenge. 32 O lotu icait lo ile iyo imanit lo Naptali i jifita agwalahin kunenge: 33 O loo lohikori neicieng to Helep ko ciani na hitok to Zaananim, o ring ara Adami Nekeb ko Jabneel iya iya Lakum o loo i cung Jordan. 34 O loo lohikori iya ngati lo lodoyorore lo kolong ara Aznos Tabor i fud Hukok. O tir kof lo Zebulun to ngati lo Orof, Aser to ngati lo lodoyorore lo kolong ko Jordan to ngati lo okangere. 35 Ara afa kangite kuna li faha to kiwata lo lohitir icieng: Zidim, Zer, Hamas, Rakas, Kineres, 36 Adama, Rama, Hazor, 37 Kedes, Edri, Hazor. 38 Iron, Migdad El, Horem, Bet Anas ko Bet Semes. O ngoni afa kangite tomon ko mietangon ko kangite kuna sidiha kuna li rit icieng. 39 Kuno kangite ko kangite kuna li rit icieng afa lara lolunyot lo Naptali i jifita agwalahin kunenge. 40 O lotu icait lo mietare iyo imanit lo Dan i jifita agwalahin kunenge: 41 I moru afa kof lolunyot neicieng: Zora, Estaol, Ir Semes, 42 Salabin, Aijalon, Isla. 43 Elon, Timna, Ekron, 44 Elteka, Gibeson, Baalas, 45 Jehud, Bene Berak, Gas Rimon, 46 Me Jarkon ko Rakon ko kof na lo deya iya ngati lo Jopa. 47 Afa ka lida cio kulo Dan o tum ki taluno kof neicieng, o fwo icieng iti rem kof lo Lesem i taluni, i fadari cio kulo na kof fad ko manyati ijia. O manya icieng Lesem iti barahini na kof o joo Dan karana lo fafai neicieng. 48 Ara afa kuno kangite ko kangite kuna sidiha kuna li rit icieng kof lolunyot lo imanit lo Dan i jifita agwalahin kunenge. 49 Ka lo keruni kora kof na li jifita icaiti kunenge, i co cio kulo Israel Josua kito lo Nun kof lolunyot kiji neicieng, 50 iya na lo cihare Lahitok. I ciori inyi kang na li lifa inyi na lara Timnas Sera iyo kof lo donge lo Epraim oto inyi ko ki faha na kang o manya ijia. 51 Ara kuno icaiti kulo kof kuna lo korahi kadwarani Eleazar, Josua kito lo Nun ko kabolorok kulo agwalahin kulo imaniti cio kulo Israel to ki biro lo tobotobo to Silo to ketemoni lo Lahitok to agwala lo kema lohiricore. Tona icieng ko keruno kora kof.