¹ To kunu faritin orumu o ru kabu iyo cio kulo Israel. Manyu to kunu faritin orumu cio kulo imanit lo Dan o tahita faji lohitongore neicieng, faji na ngo manya icieng tonyio orumu icieng o rihe ida lo rumu kof lolunyot to kiji lo imaniti kulo Israel. ² Tona o cule cio kulo Dan cio kuna kabolorok to kiji neicieng miet to Zora ko Estaol lo fworo sifa kof ko kilorita O woitahi kuno cio kulo imanit lo Dan fad, o rihohini icieng o joo, "I fwo ito sif kof" Tona o fwo icieng o goru kof lo donge lo Epraim o fwonuni kolo Mika o geti ijia. ³ Langun lo nyiha icieng kolo Mika, o heru icieng ogoro lo na lokilahaji Levini. Tona o gere icieng ijia o fwori i tifi inyi o joo, "Ngai lohi yauno isi ene? Nyio tic nino to ene faji? Nyio i ngon isi ene?" ⁴ I rihohi inyi icieng tohi na li tiyi Mika to inyi manyu o joo, "Ki duma inyi nan, ara nan kadwarani nenge." ⁵ To inyia o joo icieng diho inyi, "Ki lwak, i tifia Lobanga ki yen ka lo ngon cia tenuno iyo ene owele niyang." ⁶ I nyiahahi kadwarani icieng o joo, "I fwo to ki siliban. O ngon owele ningi ko kiruk lo Lobanga." ⁷ Oto kuna cio miet o woju o fwonuni Lais, o deuni jimitan o manya cio kulo ijia to rica iya cio kulo Sidon kuna lo ngoni to kisiliban ko ricaru. Manyu tona lo ru lobo tohi lo ngoromahino to kof neicieng, orumu icieng o baraha. Manyu o manya icieng o lomaha ko cio kulo Sidon o ru manyu ko ki kajio ko kude misihi. ⁸ Ka lo yitu icieng Zora ko Estaol, i tifi cio kulo Dan kaletok icieng o joo,"I rumu ite sangite o ri aja?" ⁹ I nyiahahi icieng o joo, "I fwonu i ngafi ki burahino icieng! Lohi deu ohoi, kof manyu o jir bebe. Ida ite i fworo ki tiyo lobo tohi? Ke rungo fworo ijia ki taluno nu kof. ¹⁰ Ka li goru ite ijia, i fwo cia ite i rumu cio kuna lo luluoro to kof na i lalat na li co Lobanga kac kuniyang, kof na lo ru lobo tohi lo ngoromahino tur." ¹¹ O fwo cio mia ile kulo Dan kuna lo tubaru ko kiremita to Zora ko Estaol. ¹² To lotita neicieng, o fwo icieng o gurohi taban Kirias Jearim to kof lo Juda. Inyi li co na faji lo ngon ngati lo lodoyorore lo kolong to Kirias Jearim i lolongoti o joo Mahane Dan ko kulo faritin. ¹³ To ijia o fwo icieng kof lo donge lo Epraim o fwonuni kolo Mika. ¹⁴ Oto kuna cio miet lo fwo o sif kof lo Lais o joo iyo cio kulo Dan kunakude, "I yen ha ite jimitan o ngon epod, kude lobangahin kulo kaji ko lopidinga na li kukumuni to rial? Jijia i yen ite tohi na ngi tiyi ite." ¹⁵ To inyia o joo icieng diho inyi, "Ki lwak, i tifia Lobanga ki yen ka lo ngon cia tenuno iyo ene owele niyang." ¹⁶ I nyiahahi kadwarani icieng o joo, "I fwo to ki siliban. O ngon owele ningi ko kiruk lo Lobanga." ¹⁷ Oto kuna cio miet o woju o fwonuni Lais, o deuni jimitan o manya cio kulo ijia to rica iya cio kulo Sidon kuna lo ngoni to kisiliban ko ricaru. Manyu tona lo ru lobo tohi lo ngoromahino to kof neicieng, orumu icieng o baraha. Manyu o manya icieng o lomaha ko cio kulo Sidon o ru manyu ko ki kajio ko kude misihi. ¹⁸ Ka lo yitu icieng Zora ko Estaol, i tifi cio kulo Dan kaletok icieng o joo,"I rumu ite sangite o ri aja?" ¹⁹ O joo icieng diho inyi, "To buho! Ke tenya lobo tenya. Ou ko ohoi ira apa ko kadwarani niyang. Ida o jir ki rwaa imanit lo agwala lo Israel i lany rahun kadwarani to kolo tungani lobito?" ²⁰ O kwama kadwarani, o dumu inyi epod, lopidinga ko lobangahin kulo kaji lo Mika ko ki liharu ko kuna cio. ²¹ O fik icieng tee kuneicieng, sangite ko sang kuneicieng ketemoni neicieng ko ki beloti o fwori. ²² Langun lo fwo icieng lo lomaha gaa to kolo Mika, i lolonguni cio kuna lo nyiha ko Mika o sutoroti ito horuni cio kulo imanit lo Dan. ²³ Ka li gororo icieng omot neicieng, i belo cio kulo Dan o joo diho Mika, "Nyio lo rohoi diho isi i lolongunore isi cio kunino rem ko ohoi?" ²⁴ I nyiahahi inyi icieng o joo, "I dume ite lobangahin kuna la kukum nan ko kadwarani nei i fwo, aja i tifia ite i joo, "Nyio lo rohoi diho isi?" ²⁵ I nyiahahi cio kulo Dan o joo, "Kehi iti risa ohoi kode ki burahino cia kude lo kuno cio isi, ito cia isi ko cio kulo kalilo fad i keroro." ²⁶ Tona o fwo cio kulo Dan manyu Mika deuno jimitan o goli icieng ki lany inyi ko ki beloro iya kang. ²⁷ To inyia i yaru icieng tohi na li kukum Mika ko kadwarani nenge ko fworoti iya Lais ki iti remo cio kuna li tongo to ki siliban ko ciharu. I pusohinoti icieng to ngalemo latuboti ko curaroti ko kang neicieng. ²⁸ O ru lobo tungani lo lwahu icieng tonyio o lomaha icieng to Sidon manyu ida i kajio ko kude misihi. Orumu na kang o ngon katua lo ridat na lo nyiha ko Bet Rehob. Iti ngejuk cio kulo imanit lo Dan ki faha na kang ko manyati ijia. ²⁹ Iti barahini na kang o joo Dan, karana lo fafai neicieng lafa lo tomonohi Israel kileng orumu lo bara na kang Lais. ³⁰ To inyia i cidohi cio kulo imanit lo Dan na lopidinga manyu o lotu Jonasan kito lo Geresoni kito lo Moses ko tee kunenge ara kadwarak kulo imanit lo Dan many faritin kuna afa li niefarorihin kof. ³¹ O sodoro icieng ki tiyore lopidinga na li kukum Mika to faritin kulafa lo ngonore kaji lo Lobanga Silo fad.