¹ Owoju ilulung lo cio kulo Israel fad to kuny lo sin ara na lolotitati to faji iya faji iya idi locihare Lahitok. Ogilahi icieng kem Repidim ati orumu oru kifi kuna ngomat cio. ² Dong itingolof icieng Moses ojo, “Kicio ohoi kifi kulo mata.” Inyiahahi Moses icieng ojo, ‘Tonyio kitingolofa ite nan? Nyio ifiha ite Lahitok iyo tema? ³ Ati orumu cio our kure lo kifi, manyu ongungunitati iyo Moses. Ojo icieng, “Nyio kiyauno isi ohoi to kov lo Ijipt lo kicwara ohoi ko tee kuniyang ko sang kuniyang kiwei ko kure ⁴ Oto Moses ko kilelia iyo Lahitok, Nyio ha ngatii nan ko kuno cio? Likukumahinoti locaha nan to morutok.” ⁵ inyiahahi Lahitok ojo, “Ilo iya ketemoni lo cio, Iliha ko lohitwaha kulo Israel kude totek lafa iluk likohore isi nam lo Nail ito hati ilo. ⁶ Iwoitacia nan iji ketemoni nino iyo tabak lo moru lo Horeb. Tobo tabak, oto cia kifi ofwonu omat cio.” Oto Mose itii jii to ketemoni lo lohitwaha kulo Israel. ⁷ Hibarahi inyi na faji Moses a kode Meriba tonyio faji na litingolofare Israel inyi manyu tonyio ara faji na lotemarehin Lahitokojo, “Ongon Lahitok kiji niyang kode oru? ⁸ Ofwonu cio kulo Amalek kitiremo cio kulo Israel to Repidim. ⁹ Ojo Moses diho Josua, “Tonyumu kude cio kuniyang ifwo rem ko cio kulo Amalek. Kiwanyi awoita cia nan kai lo donge ko iluk lo Lobanga to kana.” ¹⁰ Dong orem Josua ko cio kulo Amalek iya na lorihohinare Moses, oto ono Moses, Aaron ko Hur ofwo kailo donge. ¹¹ Kaliwasihi Moses tingo kac kunenge kai, irumu Israel Ongon lanyuno rem ati Kalinyiahu inyi kac kof ara cio kulo Amalenk longon lanyuno. ¹² Longun loniamaha kac kulo Moses, odumu icieng moru itongore inyi. Oting oho Aaron ko Huiwasihi kac kunenge biran tingo kai many odoi kolong. ¹³ Oto Josua ko Lanyuno cio kulo Amalek to ngale latubot. ¹⁴ Dong Lahitok ko jimitan diho Moses, “Igerohi ene tenya iyo buk ara kitiiunita manyu tode jimitan oningo Josua ene tenya, tonyio afufuse cia nan karana lo Amalek to fotiri lo kai.” ¹⁵ Oto Moses oduhohi ciali ilolong ojo Lahitok inyi beru nei. ¹⁶ Ojo inyi, Tonyio otingo afa kacia iyo seger lo okabwe lo Lahitok orem mote Lahitok ko cio kulo Amalek kiciaha iyo kafiang many iyo kofiang.”