¹ Owoju cio kulo Israel fad to Elim ofwonuni kuny lo Sin na longon kiji lo Elim ko Sinai, to far tomon ko miet iyo ofa lo are to lofwonunore icieng to kov lo Ijipt. ² To kuny, ongungunita cio fad iyo Moses ko Aaron. ³ Ojo cio kulo Israel diho icieng, “Ngara jia kiwei ohoi to kana lo LAHITOK kov lo Ijipt! Idi afa lohi tongore ohoi kirit motyong kulo tyang manyu kinya daha fad na lohiwak ohoi, ati iyauno ite ohoi ene kuny lo kifadaru ene ilulung fad to kinga.” ⁴ 4 Lahitok ko jimitan iyo Moses, “Aticau cia nan tafa gati to kai diho ite. Ingohi cio tofworita to faritin fad inumi na lotumohino to la far. Ojir adeyare kolotum icieng kijifita cik nei kode ida. ⁵ Far lo ile ojir icieng ikukum tohi na liyauno icieng ojir lo la far ara kakeny are ilany langun lo Lobito far.” ⁶ Tona ojo Moses ko Aaron diho cio kulo Israel ojo, “Ene kurou, iyen cia ite jimitan ara afa Lahitok loliyauno ite to kof lo Ijipt, ⁷ manyu kiwanyi ideu cia ite deyo lo Lahitok tonyio loning ngungunita ningi iyo inyi. Kira ohoi nyio na ngingungunita ite ken ite kuniyang? ⁸ Ojo manyu Moses, Iyen cia ite ijio ara afa LAHITOK kolohicio cia inyi ite tyang kurou ko tafa fad na liwak ite kiwonyi tonyio loning inyi ngungunita ningi iyo inyi. Nyio ohoi? Ida ite ingu ngunita iyo ohoi ati iyo Lahitok. ⁹ Tona Moses ko jimitan iyo Aaron, “Torihohi ilulung lo cio kulo Israel fad tijo, ifwonu ketemoni lo Lahitok tonyio loning inyi ngungunita ningi. ¹⁰ Kolorihe Aaron otenya ko ilulung lo cio kulo Israel fad, ode icieng iya kuny ko deunoti deyo lo Lahitok oboto iyo idis. ¹¹ Ojo Lahitok iyo Moses, ¹² “Laning nan ngungunita lo cio kulo Israel, Torihohi icieng tijio, “To doyoro lo kolong ikony cia ite tyang manyu kiwanyi ifut cia ite ko tafa tinyia iyen cia ite ijio nan Lahitok Lobanga ningi.” ¹³ Na kurou ofwonu aluruho imuhe kem manyu kiwanyi ipude lokolukolu kof kalele lo kem. ¹⁴ Langun lojure lokolukolu, otong kude saye lori iya buru kulo kayam, kuna inyirimi iya otonge kulo lofalang oto hati irufahino kof lo kany. ¹⁵ Kolodeu cio kulo Israel oto ojimi iyo kenite kune icieng ake ake, “Nyio inyi? Tonyio ida icieng oyen jimitan nyo inyi ojo Mose diho icieng, “Ara are tafa na lohicio Lahitok ite. ¹⁶ Tenya na locik Lahitok inyi ene, “Ojir tungani Lobito Lobito inuna na lotum iya na lowahare. Inumu itutumohi lokirie na ngotum cio kulo kem nino. ¹⁷ Itii cio kulo Israel na lorihohi norehin icieng ifuru kude obolo kude isidi. ¹⁸ Ati ojo otem inyi to lokirie, tungani na lifuru obolo ida manyu obolo no na lifuru isidi ida manyu isidi noo, ifuru icieng fad area na lotutum. ¹⁹ Oto Moses orihohi icieng ojo “Kecio lobo tungani ingohi lobo otong oget many kiwanyi. ²⁰ Ati ida kude oning tenya lo Moses: ingolini lobo oget many kiwanyi, ati orumuni likuru liciak manyu ngwojun oto moses ilongojihi icieng. ²¹ To kiwanyihin fad inumu tungani Lobito Lobito iya na lotumohino iyo icieng, ojo kolong obolo ocolie. ²² To far lo ile inumu icieng na lotum kakeny are lokirehin are to tungani manyu ofwnu lohitwaha kulo iluhing orihohi diho Moses. ²³ Ojo inyi diho icieng, “Tohi na locik Lahitok inyi ene, “Ara kiwanyi far lo Sabit lo kiyoma, Sabit na inyu iyo Lahitok. Tona itofun tohi na liwak ite funa manyu itoyer tohi na liwak year. Ikumahiti na lotong many kiwanyi. ²⁴ Dede ikumahi icieng otonge many kiwanyi iya na locihare Moses ati ida ongwo kode ikuru. ²⁵ “Ojo Moses diho icieng, “Itinyia jiyia tonyio itongo ele far ara Sabit iyo Lahitok. Ida ite itum rumuno lobo ko enle far. ²⁶ 26 To faritin ile ojir ite inum ati to far lo mitare Sabit oru lobo longon. ²⁷ Ofwo kude to far lo mietare kinumo, ida orumahini lobo tohi. ²⁸ Tona ojo LAHITOK diho Moses, “Iberu cia ite kijifita tenya nei ko cihicihi kunei many anu? ²⁹ Itofik taulo jimitan lohicio Lahitok ite Sabit inyi tohi licio kicio ite daha lo faritin are to kolong far lo ile. Ojir tungani tolobito tolobito itongo faji na longon inyi far lo mitare, kecio lobo tungani orute oleng.” ³⁰ Tona iyoma cio far lo mietare. ³¹ Ilolong cio kulo Israel na tafa ojo Manna. Okwe afa inyi iya kireja kulo kuro manyu olem mejo ibune na lofihi otoro katwa. ³² Ojo Moses, “Tohi na loteny Lahitok ene, “Itodumu lokirie Lobito lo manna ikamahi to kofiang kuna mute lofwono ojir icing odeu tafa na lahicio nan ite inyia to mwang lafa lahiyaunore nan ite to kov lo Ijipt. ³³ Tinyia ojo Moses diho Aaron, “Todumu moti biliet ifik lokirie Lobito lo manna katwa tofik ketemoni lo Lahitok oricahini kofiang kuna mute lofwonuno. ³⁴ Iya na lorihohinore Lahitok Moses, ofik Aaron manna ko moruto kulo cihicihi kulo cik ojir oricahini. ³⁵ Onya cio kulo Israel Manna to karihin keek Ongon many ogoruni ko na lomanya cio: Onyia icieng manna many ogoruni lohikorihin kulo kov lo Kanaan. ³⁶ Ara afa lokirie na lotemarihin tonu Lobito iyo tomon lo sufia.