¹ Tona orihe Saul itibanga kajifitak kulo Lahitok owak kifada icieng. Olo inyi diho kadwaranilahitok ² lo kilifuno waragahin iyo lotubarihin kulo Damaskas ojir kalarumu kude ijia kuna lara kajifitakkulo kikoi, rei kode ngorwo ojir aniefuno icieng ara mabusi ayauno Jerusalem. ³ Kolotu inyi lonyihuno Damaskas deu deu wangun lobo igol noo ko kinwaha inyi to kai. ⁴ Ouroro inyi kof oto oning ogoro na lojo diho inyi,” Saul ,Saul, nyio kitigema isis nan? ⁵ Itifi Saul ojo,” Isi ngai Lahitok? Ifotu inyi ojo,” Nan Yesu na litigema isi. ⁶ Jija towoju ilo kanghatwa oto cia kirihohini isi tohi na ngitii isi.” ⁷ Cio kuna lilihita ko Saul ko woita lohininge; oning icieng ogoro oto ati ida odeuni tungani. ⁸ Owoju Saul to kof ati ojo otem ngaja konyeha kunenge, ida itweru deya lobo tohi. Oto ko rihoroti inyi to kana iya ktwa lo Damaskas. ⁹ To faritin uni ongodoro inyi manyu ida onyia kode omat lobo tohi. ¹⁰ Katwa lo Damaskas orumu ongon lobo kajifitani lobara Ananias. Ilolong Lahitok inyi iyo kitirija ojo,”Ananias” ifotu inyi ojo,”Nan ene Lahitok.” ¹¹ Orihohi Lahitok inyi ojo,” Ilo kolo Juda na longon kikoi na ibir itifia lobo tungani lo Tarsas lobara Saul tonyio ilifa inyi jija. ¹² To kitirija lodeui nyi lobo tungani lobara Ananias ofik kac kunenge kwe nenge lo kinyiahahino inyi konyeha kunenge ojir odeya. ¹³ Inyiahahai Ananias inyi ojo,”Lahitok, laning nan tenyi tenyi becek kulo ticitici kuna irohori kuna litii lerok diho kajifitak kunino to Jerusalem. ¹⁴ Manyu olotu inyi ene to twero lo kadwarani lahitok lo kiniefa cio pili kuna lilolongo karana nino.” ¹⁵ Ati ojo Lahitok diho Ananias ,’’ilo! Itongo ene tungani ara tohi lo tic nein a lanyumu nan lo kiyaru karana nei diho cio kulo Israel. ¹⁶ Atotorohi cia nan inyi kidak na lorumu inyi to karana nei.” ¹⁷ Tinyia Ananias ko loro orutekaji, ko fiha kac kunenge kwe lo Saul orihohi ojo,’’Rece Saul, Lahitok Yesu na loboto diho isi to kikoi lafar lilotunore isi ene, lohiculu nan diho isi ojo ojir isi ideya ari manyu ifut ko Okorif na Inyu.” ¹⁸ Deu deu kude sang lori iya buru kulo kayam ko douno to konyeha kulo Saul inyi ko deya ari. Inyi ko wojuno ibatisi ¹⁹ kko langun lonyia daha orumugolun ari.Itong Saul faritin beciek ko kajifitak to Damaskas. ²⁰ Deu deu iciak inyi ktitima lotubarihin ojo ara Yesu kito lo Lobanga. ²¹ Cio pili kuna loning inyi ipanyiti bebe many itifairoti ake ake ojo,’’ Idare ene tungani ene litisara karuhok to Jerusalem? Manyu , ida re inyi olotu ene kiyaruno icieng ara mabus diho kadwarak kunahitoha? ²² Ati osodoro golun lo Saul to faritin fad, icio riri inief Judeahin kuna longoni Damaskas to itoturuno jimitan Yesu inyi Kristo na lonyumu Lobanga. ²³ Koloring faritin becek, otuba Judeahin ko kivita kifadaru inyi. ²⁴ ati oning Saul na kikukuma lo tenyaneicieng. Far ko karwe iriria icieng inyi to lokoli lo kifadaru. ²⁵ Ati odumu kajifitak kunenge iticulari inyi to aduhu karwe ara faji na lowat to lohitir lo kiwata ²⁶ Kololotu Saul ogoru Jerualem, otem inyi loro kimora ko kajifitak ati obang icieng pili inyi, ida orumu icieng iruk jimitan otum inyi rahun kajifitani. ²⁷ Ati odumu Barnabas inyi iyaru diho jayona. Ititimahi inyi icieng koditi na lodeunore Saul Yesu to kikoi manyu otenya Lahitok Yesu ko inyi ko iya na lititimare inyi tenya lo Yesu to Damaskas. ²⁸ Tona itongo Saul ko icieng, ilihita ko icieng to Jerusalem. Otenya manyu tarany to karana lo Yesu. ²⁹ Otenya inyi manyu opeha ko Judeahin kulo Grik ofwonu kuna otem kifadaru inyi. ³⁰ Koloning recera kuna longon ko inyi jii, iyari inyi iya Cesaria ko cularoti iya Tarsas. ³¹ Oto kanisa to Judea fad, Samaria ko Galileaotenu kitongo to kisiliban. Oto Okorif na Inyu itigol manyu olwak icieng icio icieng itongo to rima ko bangun Lobanga osodoro berengun neicieng to faritin fad. ³² Kuna faritin kalilorita Petero waja kajifitak, olo inyi waja kude kuna longon Lida. ³³ Oto orumu ijia lobo tungani lobara Aeneas na lomwai ikwele na liwasihi geto lagere to karihin meitauni. ³⁴ Ojo Petero diho inyi ,’’Aeneas lohitifurie Yesu Kristo isi. Towoju toricahi lagere nino. Deu deu owoju Aeneas. ³⁵ Cio fad kuna lomanya Lida ko Saron kuna lodeu inyi ko kibelo diho Lahitok. ³⁶ To Jopa, ongon afa lobo kajifitani ngorwani lobara Tabisa( To Girihe obara karana nenge Dorkas jimitan Lewa) ara orumu inyi tungani na litiyo ticitici kuna ijiri kulo lwaha cio kakidahak. ³⁷ Tokunu faritin olotu inyi omwai ko weyaru, ko kilalti ken nenge iyari kaji lo kai. ³⁸ Onyiha orumu Lidato Jopa dong koloning kajifitak jimitan ongon Petero Lida, ko cularoti cio are diho inyi ofwo icieng ojo diho inyi,’’ Ou deu deu.” ³⁹ Ilik Petero ko icieng ojo inyi ogoru ijia iyari inyi kaji lo kai. Irit lafuseritohin inyi, icirati, itotorohini inyi kyelani kuna licio Tabisa icieng orihe inyi ongon ko icieng. ⁴⁰ Ocule Petero icieng fad to kaji oleng. Oto hati inyi ko gungon ilifa. Ojo iibelo diho na kaweyani ojo,’’ Tabisa towoju.” Onga inyi konyeha kunenge ojo odeu Petero ko wojuno itongo. ⁴¹ Inief Petero inyi to kana itiwoju inyi kai. Inyi ko kilolonguno karuhok fadko lafuseritohinko kicwara inyi diho icienara na iwar. ⁴² Ilolok ene layomit katwa lo Jopa fad tona ofwonu cio beceik iruk karana lo Lahitok Yesu. ⁴³ Omany Petero Jopa to kude faritin kolo lobo tungani lobara Saimon.