¹ Kiciaha tona far olotu kitigema nahitok diho kanisa na longon Jerusalem, isara karuhok fad kof lo Judea ko Samaria otong jayona ake. ² onuk cio kulo Lobanga Steven iciri inyi bebe ³ Ati iciak Saul kitiyo lo keruno karuhok fad. Ilorita to kajihit ko kajihit, kangite ko kangite ipihorit cio rei ko ngorwo iyarita mabus. ⁴ Karuhok kulo lisarato Jerusalem, iyari tenya lo Lobanga fajihit fad kuna lofwori. ⁵ Olo Pilip lobo kang to Samaria ititim tenya lo Lobanga ijia. ⁶ Kololing ililing tenya lo Pilip manyu odeuni kitotorita kulo tungani kuna litiyo inyi ofihi taulo ningo tenya nenge otoc. ⁷ Cio becek kuna lodaha lodonyok ife lodonyok to kenite kuneicieng kuna lomwai ikwele ko kangwalak fad itifurori. ⁸ Tona obolo kwama bebe iyo cio kulo na kang. ⁹ Ati ongon afa lobo tungani na kang na lobara Saimon itongo inyi ra ibwoni na litipany cio kulo Samaria tona kilalamita nenge oto inyiopufa ojo ara inyi tungani na hitok. ¹⁰ oto cio fadkuna hitoha ko kuna sidiha ofihi taulo diho tenya na loteny inyi manyu otenyati ojo,”ongon ene tungani ko golun lo Lobanga na lilongoti ojo, Golun Lahitok.” ¹¹ Ijifitati inyi tonyio litipany inyi icieng karihin beciek to kuna mininga kuneicieng. ¹² Ati langun liruk icieng tenya lo layomit na ijir na lititima Pilip iyo okabwe lo Lobanga, tonkarana lo Yesu Kristo, ibatisi icieng fad rei ko ngorwo. ¹³ Iruk manyu Saimon ibatisi. Oto inyi ijifita Pilip fajihit fad ipany tanguhin ko kitotorita kuna lodeya inyi. ¹⁴ Kaloning jayona to Jerusalem ojo liruk cio kulo Samaria tenya lo Lobanga, oto oculari Petero ko John diho icieng. ¹⁵ kolog oru icieng, oto ilifati ojo ojir icieng ifotu Okorif na Inyu ¹⁶ tonyio orihe orumu Okorif na Inyu ida lolotu diho lobo to kiji neicieng. Orihe orumu ibatisi icieng ara kibatisa to karana ol Lahitok Yesu. ¹⁷ oto Petero ko Jon ofik kac kweci kuneicieng, icieng ko rumuno Okorif na Inyu. ¹⁸ Kolodeu Saimon ojon olotunita Okorif na Inyu diho cio kolofik Jayona kac kweci, oto icieng robia ¹⁹ ko jimitan,”kicwarata manyu nan ene golun ojir cio fadkuna lafik nan kac kweci kuneicieng ifotu Okorif na Inyu.” ²⁰ Inyiahahi Petero inyi ojo,”Ingohi Ingohi kuna robia kunino kirri ko isi ara lobito to kiiyo nino jimitan ojir anyiang kicwaralo Lobanga to robia. ²¹ Ida isi kingar ko ohoi ene tic tonyio ida tau nino ongon ara na ibir ketemoni lo Lobanga. ²² Irwo to ene rohojun manyu ilifa diho Lobanga kuya kilau cia inyi isi to ngonun kona kiiyo tau nino. ²³ Tonyio adeu nan odwar tau nino iya lodwai manyu lohinief kipal ira mabusoni. ²⁴ Otom Saimon ojo,”ilifa Lahitok to nan keco kuna sangite litany isi itiihino diho nan.” ²⁵ Kalicio icieng sadden manyu ititimi tenya lo Lobanga, oite Petero ko Jon iya Jerusalem, ititimati layomit na ijir kangite kulo Samaria. ²⁶ Ojo Malaika lo Lobanga diho Pilip,” Ilo iyo orof iya kikoi na loloro to Jerusalem iya Gaza.” ²⁷ oto inyi iciak lotita inyi iric ko lobo tungani lo Esiopia na logelemi tungani na hitok na lolanyu ibarita kulo lobo kabu ngorwani lobara Kandake lo Esiopia. Orumu ene tungani olo Jerusalem kiwora Lobanga, ²⁸ oto koloitoro inyi to gadigadi nenge iya kof nenge ikena inyi buk lo kamocani Isaia. ²⁹ Ojo Okorif na Inyu diho Pilip,” ilo tang ko gadigadi inyiha ijia.” ³⁰ Pilipko kifejaru iyo gadigadi oning na tungani ikena buk lo kamocani Isaia. Itifi Pilipinyi ojo,”Iniang isi na tenya likena isi? ³¹ Inayahahi inyi diho Pilip ojo,”Aniang ha nan aja kalida tungani kititimahi nan? Oto inyi ifotu Pilip kitongo ko inyi. ³² Orumu na Esiopiani ikena ene igerit lojo, “orihori inyi iya kern a lofwori Ngotoro Manyu iya na lobuhore kito loker Diho kagitak Jiha idainyi onga kutuk nenge.” ³³ To riri nenge ongony inyi tenya lo dede Ngai litweru kingingijuno lotataha kunenge? Tonyio lodumari warun nenge to kof. ³⁴ Itifi na tungani logelem Pilip ojo,”kirihohi ban an otenyab kamocani to ngai to ken nenge kode to lobo tungani ake? ³⁵ Oto Pilip iciak ko kuna kigeriti ko rihohino inyi layomit na ijir lo ken lo Yesu. ³⁶ Iya na lolotitare icieng to kikoi ofwonu icieng orumu kude kifi oto na Esiopiani ojo,”tode kifi kuno. Nyio ngohitik nan kibatisa? ³⁷ .. ³⁸ Oto inyi ocik ojo ojir itiwoitahini gadigadi. Oto Pilip ko na tungani logelemori iculuno kof to gadigadi ko fworoti katwa lo kifi Pilip ko kibatisa inyi. ³⁹ Kolorutu icieng to katwa lo kifi, deudeu Okorif lo Lobanga ko kiyaru Pilip ida na Esiopiani orihe odeu inyi ari ati olo kikoi nenge ko kwama. ⁴⁰ Olo Pilip oboto to Azotus ilor kangite fadititma layomit na ijir many ogoru Cesaria